ماكينة الفاكيوم التشكيل موديل 605 من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : كنت عايز أسأل حضرتك، أنا كنت عايز أعمل عبوة لتغليف مقص
مهندس منسي : آه..
العميل : يعني جراب، أو مثلاً وش ناحية تبقى كرتون وناحية تبقى بلاستيك زي.. حضرتك عارفها؟
مهندس منسي : آه… هوه في طريقتين، الأولنيا إنك تحط المنتج على الورق والمكنة الفاكيوم عليه..
العميل : تمام…
مهندس منسي : الفاكيوم عليه وتغلفه
العميل : تمام…
مهندس منسي : والطريقة التانية إنك إنت تعمل البلاستيك لوحده والورق لوحده وتلحمهم في بعض
العميل : طب هل أنا لو عملت الفاكيوم دي حضرتك بتعمل تصنيع للغير ولا قصدك إن أنا أشتري المكنة بقى
مهندس منسي : عادي الـ 2 عندنا
العميل : يعني حضرتك…. معلش أنا مش متخيل إزاي شفط الفاكيوم ديت، أو إيه المنتج…
مهندس منسي : افضل تيجي زيارة
العميل : آه آجي أزوركم مافيش مشاكل، يا ريت، يا ريت
مهندس منسي : هات المنتجات بتاعت حضرتك معاك وإن شاء الله خير
العميل : آجي لحضرتك إمتى؟ مين بيكلمني علي الشات دلوقتي ؟
مهندس منسي : معاك المهندس منسي، هكتب لك أنا العنوان علي الشات هتلاقي فيه تليفون المبيعات، قولهم أنا عاوز مكنة الفاكيوم رقم الموديل 605
العميل : أنا شايف إن في العنوان بتاع حضرتك قدامي باب الشعرية القاهرة
مهندس منسي : وماله
العميل : حضرتك مصنعكم… آجي فين، اللي حضرتك عايزه هاجي فيه
مهندس منسي : بقول لحضرتك هكتب لك أنا العنوان علي الشات هتلاقي فيه 3 تليفونات تابع معاهم
العميل : طيب خلاص أوكيه، شكراً مع السلامة
