ماكينة اندكشن للحام الأغطية من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: كيف حالك
المهندس منسي: الحمد لله
العميل: معايا المهندس منسي
المهندس منسي: اه المهندس منسي
العميل: باش مهندس كيف حالك أخبارك إيه؟
المهندس منسي: الحمد لله
العميل: إنتم عندكم البتاعة اللي بتلصق غطا الألومنيوم على الغطيان؟
المهندس منسي: آه عندنا آه
العميل: بكام؟
المهندس منسي: هوه في مكنة بتلحم بموجات الإندكشن وفي مكنة بتلحم بالحرارة، المكنة اللي بتلحم بموجات الإندكشن بـ ، والمكنة اللي بتلحم بالحرارة برده بـ
العميل: آخر أسعار
المهندس منسي: إحنا أسعارنا نهائية
العميل: يعني مافيش كلام يعني؟
المهندس منسي: لا إحنا شركة إنترناشيونال
العميل: يعني بـ ؟
المهندس منسي: إن شاء الله
العميل: بالمصري بكام؟
المهندس منسي: اضرب × 16
العميل: طيب ماشي، والشحن توصلهالي بكام؟ الشحن عليك ولا عليا؟
المهندس منسي: لا الشحن على حضرتك
العميل: تقدر تبعتهالي في خلال كام يوم كده إن شاء الله؟
المهندس منسي: لو طيران بتيجي في حدود 4 ـ 5 أيام
العميل: بيتكلف كام لو سمحت؟
المهندس منسي: بياخدوا في الطيران نص على الكيلو، هي وزنها في حدود 10 كيلو
العميل: يعني يعني؟
المهندس منسي: آه في الحدود دي
العميل: طب ممكن تبعتلي صورها لو سمحت ؟
المهندس منسي: ابعتلنا طلب استفسار وإحنا هنرد لك عليه
العميل: طيب هبعتلك…طلب استفسار عن أسعار المكنة بتاعت لحام.. هي بتلحم كام غطا، مجموعة يعني ولا ليها نظام معين؟
المهندس منسي: بتلحم غطا غطا
العميل: أنا عارف غطا غطا، بس حجم الغطا مثلاً 3 ـ 4 ـ 5 مللي، في الحجم يعني؟
المهندس منسي: عادي آه شغالة ما تقلقش
العميل: عادي كاملة يعني
المهندس منسي: آه
العميل: دي موجودة يعني؟
المهندس منسي: موجودة بضاعة حاضرة آه
العميل: وممكن تشحن على طول يعني؟
المهندس منسي: إن شاء الله
العميل: طب أبعتلك فلوس إزاي لو سمحت؟ أبعتلك حد يجيبلك الفلوس ولا حاجة ولا ليك حساب في البنك أحطوهولك في البنك مافيش عندي مشكلة
المهندس منسي: في لينا حساب في البنوك، ولكن لو إنت شايف إن المبلغ صغير ومش مستاهل يعني، أو ممكن تبعته عن طريق ويستر يونيون.. عدد من الطرق كتيرة يعني
العميل: طيب خلاص أنا هبعتلك واتس النهاردة في كل حاجة وأرقام الحسابات وكل شيء وربنا يعينا، ماشي
المهندس منسي: إن شاء الله
العميل: والأفضل في الـ 2 أنهو بقى؟
المهندس منسي: مش عملية الأفضل، حسب شكل العبوة بتاعتك، حسب الميكانيزم بتاع العبوة، يعني لو عندنا فيها سن وغطا وألووز يستحسن الإندكشن
العميل: ما هي فيها سن وألووز
المهندس منسي: القطر كام بقى؟
العميل: حوالي 2 سم 2.5 × 2.5 دائري، أصورها لك وأبعت هالك
المهندس منسي: طالما فيها سن وألووز وغطا يستحسن الإندكشن
العميل: خلاص ماشي، إنت شوفلي حاجة كويسة الله يرضا عليك لو سمحت
المهندس منسي: تحت الأمر يا غالي
العميل: حاجة كويسة، أنا مصري ، بس أنا من دمياط، معلش الدمياطة متعبين شويه ها…
المهندس منسي: أنا اتشرفت بيك
العميل: الله يخليك يا باش مهندس، أنا ليه ابني مهندس إنتاج احتمال هوه اللي يجيلك يعني
المهندس منسي: إن شاء الله
العميل: اذا بعتلك الفلوس بتشحنها وخلاص وكل سنة وإنت طيب، بس أهم شيء إنك تعملي عليها إيه؟؟؟ يعني تجربها لي وبتاع عشان ما تعطلش
المهندس منسي: حاضر
العميل: ولك جزيل الشكر يا باش مهندس منسي
المهندس منسي: ماشي
العميل: شكراً جزيلاً، هكلمك إن شاء الله، شكراً جزيلاً، السلام عليكم
