ماكينة تعبئة أصابع الكريمة والشيكولاتة الأوتوماتيكية من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس منسي

مهندس منسي : أيوه

العميل : لو تكرمت معاك أشرف علي شركة النيل للمواد الغذائية كنت عايز مكنة تعبئة وتغليف أصابع كريمة اللي هي كريمة شكولاته أو كاتشب أو غير ذلك

مهندس منسي : آه.. آه… عايزها في أكياس ولا عبوات؟

العميل : لو تعبئة أكياس اللي هي الصوابع

مهندس منسي : آه.. نص أتوماتيك ولا أتوماتيك كاملة؟

العميل : لو تكرمت لو حد يبعتلي على الفيس بوك المكنتين وسعرهم سعادتك

مهندس منسي : لا إحنا ما لناش في الفيس ده…

العميل : لا على الواتس يا فندم

مهندس منسي : آه ابعتلنا طلب استفسار وإحنا نردلك عليه

العميل : أبعت طلب استفسار على الواتس يا فندم؟

مهندس منسي : على الواتس.. على الإيميل أفضل، أصل الواتس ده بتاع كلمتين وسلام عليكم، إنما حاجات تجارية وصناعية يتبعت على الواتس يبقى صعب قوي، الواحد يقعد يفحر على شاشة 4 بوصة

العميل : آه…

مهندس منسي : على الإيميل أفضل، أو حضرتك تيجي تشرفنا بالزيارة تتفرج على الطبيعة

العميل : طيب لو أمكن هوه اللي يخليني آجي أزور إن أنا أشوف رينج الأسعار يناسبني ولا لأ، لو أعرف رينج الأسعار ممكن أجيلكم

مهندس منسي : رينج الأسعار النص أتوماتيك هتبقى عامله 1350 ، والأتوماتيك هتبقى عامله

العميل : تمام.. هي صيني ولا صناعة محلية؟

مهندس منسي : لا هوه إحنا ماركة، إحنا بنصنع قطع الغيار بره مصر وبنجمعها هنا، يعني إحنا ماركة، براند

العميل : وفيها ضمان يا فندم طبعاً؟

مهندس منسي : آه ضمان لمدة سنة ضد عيوب الصناعة

العميل : طيب ماشي أقرب معرض لإسكندرية فين يا فندم؟

مهندس منسي : هوه إحنا بنعمل دلوقتي في برج العرب ولكن دلوقتي كله في القاهرة حدائق القبة، مدينة نصر، باب الشعرية، 6 أكتوبر

العميل : طيب ماشي شكراً يا فندم، ما اتشرفتش باسم حضرتك يا فندم؟

مهندس منسي : المهندس منسي

العميل : يا أهلاً وسهلاً يا فندم، تشرفنا يا فندم وآسفين على الإزعاج

العميل : طب معلي باش مهندس آسفين للإزعاج 220 فولت ولا 380 يا فندم؟

مهندس منسي : كل المكن اللي بنصنعه كله 220 إلا إذا العميل طلب مننا مكن تاني بمواصفات تانية بنعملها له بالطلب

العميل : لا هوه طلبنا بالضبط الـ 220

مهندس منسي : آه.. إحنا مصنعين مش تجار

العميل : تمام يا فندم.. تمام.. شكراً يا فندم، شكراً، السلام عليكم

مهندس منسي : مع السلامة