ماكينة تعبئة ارز وسكر اتوماتيك ونص اتوماتيك من شركة المهندس منسى
العميل:السلام عليكم
المهندس منسى: عليكم السلام ورحمة الله وبركاته
العميل:إزيك يا باشا
المهندس منسى: أهلاً بيك
العميل:شركة المهندس منسي
المهندس منسى: أيوه
العميل:بعد إذنك عايزين نسأل على مكنة تغليف وتعبئة السكر
المهندس منسى: آه في منها نص أتوماتيك وفي منها أتوماتيك كامل
العميل:الأتوماتيك كام؟ والنص أتوماتيك بكام؟
المهندس منسى: النص أتوماتيك تعمل 18000 جنيه مصري
العميل:تمام
المهندس منسى: والأتوماتيك بتبدأ من
العميل:تمام.. طب النص أتوماتيك إيه مميزاتها طيب؟ تعمل كام كيلو في الساعة
المهندس منسى: بتبقى على حسب شطارة اللي واقف عليها، المفروض إنها بتعمل ألف كبسة، بس هوه في الآخر بتعتمد على العامل اللي واقف عليها
العميل:آه…
المهندس منسى: يعني النص أتوماتيك القدرة الإنتاجية بتاعتها بتتحدد على العامل اللي واقف عليها، لأنه بيناولها تروح … على أد ما يناولها على أد ما تنتج
العميل:آه…
المهندس منسى: أما الأتوماتيك العملية عملية إيه؟؟ القدرة الإنتاجية بتحدد على عدد من العوامل الي هي إيه؟؟ الخامة، السكنس بتاعها، اللحام بتاعها درجته أد إيه؟؟؟ كده يعني، هي المفروض سرعتها المانيمام 30 كيس في الدقيقة، والماكسمام حوالي 70 كيس في الدقيقة
العميل:آه
المهندس منسى: زي مثلاً حضرتك لما نبص لعداد العربية، عداد العربية مثلاً محطوط فيها 240، هوه إنت عمرك هتمشي على 240؟
العميل:لا طبعاً
المهندس منسى: بس هوه نفس العملية، فهنا الحد الإنتاجي ده ما تبصلوش خالص، لأنه كده كده لو عايز أرفعلك الحد الإنتاجي لألف في الدقيقة أرفعهولك لحد ألف في الدقيقة، بس في الآخر مافيش كيس هينزل مضبوط
العميل:تمام دي سعرها كام نهائي بالمصري؟
المهندس منسى: إحنا أسعارنا نهائية
العميل:بال مصري
المهندس منسى: اضرب بقى 4500 × 18 وشوف الوضع إيه
العميل:طب دي تجيلنا في أد إيه؟
المهندس منسى: موجودة بضاعة حاضرة، كل المكن عندنا بضاعة حاضرة
العميل:طب ممكن طيب عايز أشوفها طيب…
المهندس منسى: هوه المفروض إن حضرتك تيجي في معارضنا موجودة، تيجي تتفرج عليها في المعارض بتاعنا، إحنا عاملين حوالي 6 معارض لغاية دلوقتي،إحنا عندنا حدائق القبة، مدينة نصر، باب الشعرية، 6 أكتوبر،تيجي تتفرج عليها على الطبيعة إحنا هنرحب بيك يعني مش هنقولك لأ إنت جيت لازم تشتري، لا طبعاً تيجي تتفرج وتاخد فكرة وتتعرف حتى لو مش هتشتري مش مشكلة
العميل:أصل أنا مش من القاهرة أنا من محافظة سوهاج
المهندس منسى: يا سيدي هوه إنت النهاردة خليك مش من سوهاج، خليك من أسوان، هوه إيه المانع إن أنا آجي أقعد يومين 3 في مقابل إن أنا بشوف المشروع بتاعي هينجح ولا مش هينجح، ده مشروع هيقعد معايا إلى الأبد
العميل:أكيد طبعاً
المهندس منسى: ده مشروعي، ده بتاعي، ده مستقبلي، يعني إنت ضيعت، إنت مش ضيعت إنت قضيت 17 سنة في التعليم، مستخسر شهر إنك تبص وتلف على المعارض وتشوف وتتعرف على الناس، وبعدين يا سيدي بلاش تشتري النهاردة معرفة الناس كنوز
العميل:أكيد
المهندس منسى: النهاردة أديك اتعرفت على مثلاً رجال المبيعات بتوع المهندس منسي، اتعرفت على المهندس منسي، اتعرفت على فلان، اتعرفت على علان، والله ده ناس كويسة، لأ ده مش عارف إيه… كده يعني
العميل:فالمعرفة في حد ذاتها، صدقني لو قلتلك إن أنا بسافر أميال عشان مكنة
المهندس منسى: أكيد طبعاً
العميل:سافرت بلد اسمها أوكرانيا
المهندس منسى: أكل عيشك بقى هتعمل إيه
العميل:سافرت أوكرانيا عشان أشتري مكنة شفتها في أمريكا
المهندس منسى: فإنت مستصعب إنك تيجي من سوهاج، ده إنت جاي تعمل مشروعك، مستقبلك
العميل:معلش أنا آسف إن أنا بطول على حضرتك بس هوه بلاحظ إن الناس كلها بتقولك أصل أنا من المنوفية، الله، يا عم ده مشروعي، ده مستقبلي، أضيع من حياتي… أنا قضيت 17 سنة بتعلم، يا عم أديها كمان 6 أشهر أتعلم تاني، بس في الآخر النهاردة المشروع بتاعي هيفضل طول العمر، مدى الحياة
المهندس منسى: وصدقني البدايات دي بتفضل معاك مدى الحياة
العميل:طبعاً والله، لا الكلام بصراحة مضبوط
المهندس منسى: يعني فاكر لما كنت لسه بمبيونه كده كنت غاوي كده طول عمري غاوي صناعة أروح ألف المصانع وغاوي مكن وحاجات من دي، فاكر أنا رحت لواحد اسمه سامي عزيز، شفت الراجل ده مات بقاله حوالي 7-8 سنين ولسه فاكره لغاية دلوقتي، كان بيصنع مكنة اسمها مكنة فاكيوم، هي المكنة دلوقتي عندنا يعني، فالراجل ده كان عنده عزة نفس عالية قوي، تقعد معاه ما تقولش واحد بيصنع مكنة فاكيوم، مكنة الفاكيوم دي مكنة بسيطة يعني، كنت تقول مثلاً قاعد مع العالم النووي مثلاً
العميل:الله يرحمه ويحسن إليه،ماشي يا باش مهندس
المهندس منسى: ماشي يا غالي
العميل:ماشي يا باش مهندس
