ماكينة تعبئة اكياس مياه المضاد الحيوي من شركة المهندس منسي

العميل : سلام عليكم

المهندس منسي : سلام ورحمة الله

العميل : شركة المهندس منسي

المهندس منسي : أيوه

العميل : مع حضرتك د/ هادي من إسكندرية

المهندس منسي : أهلاً بيك

العميل : أهلاً بحضرتك، هي حضرتك الشركة فين بالضبط؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : ربنا يوسع على حضرتك، أنا بكلم فين حضرتك دلوقتي

المهندس منسي : إنت بتكلم استشاري

العميل : الاستشاري.. أهلاً وسهلاً بحضرتك حضرتك أنا كنت عايز، حضرتك حاطط مكنة على النت إم تو باك 602

المهندس منسي : آه

العميل : أنا كنت عايز مكنة أعبي فيها أكياس المياه بتاعت المضادات الحيوية، هي تقريباً نفس مكنة تقريباً هي بتعبي 50مم مياه في…

المهندس منسي : آه هي هتبقى 503 أنسب ليك

العميل : تمام.. المكنة دي حضرتك ادتها لحد في شركات أدوية أو كده ولا…

المهندس منسي : والله أنا موردها لأمة لا إله إلا الله، إحنا شغالين دلوقتي بقالنا 10 سنين

العميل : طيب تمام…

المهندس منسي : إحنا ماركة مش….

العميل : طب خلاص، كده إحنا فاهمين بعض، مين حضرتك؟

المهندس منسي : المهندس منسي معاك

العميل : المهندس منسي، طيب يا باش مهندس، طب سعادتك دلوقتي المكنة دي فيها بكوست ولا ما فيهاش؟

المهندس منسي : لا ممكن تحطلها

العميل : ممكن أحطلها، ممكن حضرتك تحطلها بكوست، حضرتك تشوف التكلفة كام على أساس مكنتك وإنت عارف هطحها إزاي

المهندس منسي : لأ ما هوه حضرتك اللي بتقولي حطهالي على الكيس وهوه نازل، حطوهالي على المياه وهي نازلة، حطهالي في المياه…

العميل : آه.. آه حضرتك هتنفذهالي

المهندس منسي : آه..

العميل : طب تمام، تكلفة المكنة في حدود كام؟

المهندس منسي :

العميل :

المهندس منسي : يعني 45000 جنيه مصري

العميل : تمام… هي مكنة محلي ولا مكنة حضرتك مستوردها؟

المهندس منسي : لا إحنا مستوردين أغلب قطع الغيار ومكملنها

العميل : إنما المكنة مستوردة مش محلي

المهندس منسي : ما أنا بقول لحضرتك، دي ماركة، ده براند، يعني إيه؟ يعني إحنا مستوردين أغلب قطع الغيار…

العميل : وحضرتك بتجمعها هنا

المهندس منسي : آه.. ومكملنها آه

العميل : تمام.. تمام.. طيب كنت عايز أتشرف أقابل حضرتك…

المهندس منسي : أنا هبعتلك دلوقتي تليفون المبيعات حضرتك هتابع معاهم

العميل : طيب يا ريت، معلش أنا آسف على الإزعاج يعني

المهندس منسي : ولا يهمك يا غالي

العميل : إن شاء الله.. الله يخليك لو حبيت أشوف المكنة نفسها

المهندس منسي : البضاعة حاضرة

العميل : نعم…

المهندس منسي : بضاعة حاضرة

العميل : بضاعة حاضرة… طب حضرتك لو حبيت أشوف المكنة أشوفها في الحدائق ولا فين…

المهندس منسي : في أي مكان، كل البضاعة هتلاقيها

العميل : تمام… تمام… خلاص ماشي حضرتك لو كده إديني المبيعات لأن أنا بصراحة آسف إن أنا جيبت أرقام من على النت، كان الحاج فلان كانوا مش فاهمين أنا عايز إيه، فأنا عبال ما وصلت لحضرتك تعبت الحاج شوقي في 6 أكتوبر تقريباً وحاج تاني في الحدائق، بس المكنة شغالة إزاي والدنيا دي معرفتش، مفهمتش منهم بصراحة

المهندس منسي : لا.. هوه أول ما تخش عليهم قولهم 503 أو505

العميل : 503 أو505.. تمام

المهندس منسي : 503 أو505 دي مكنة، ودي مكنة تانية، دي مكنة بتلحم من فوق ومن تحت ومن الظهر، والمكنة 505 بتلحم من 3 الأجناب أو 4 أجناب، ده الفرق بينهم بس

العميل : ماشي.. أنا الحاجة المتداولة في الأدوية اللي هي لما يجيلي حد من الصحة ما تعملش معايا مشاكل، بس القصد في كده يعني

المهندس منسي : إن شاء الله

العميل : طيب حضرتك بتقولي كده كده فحضرتك معلش إيه بما إن حضرتك استشاري يعني فشورنا الأفضل أنا بالنسبة لي كإن أنا منتج يعتبر دوائي

المهندس منسي : آه…

العميل : الـ 503 أو505

المهندس منسي : الاتنين زي بعض، مفيش فرق بينهم غير شكل اللحام

العميل : تمام… تمام… والاتنين فيهم الإمكانية إن إحنا نحط عليهم اللي انت عايزة

المهندس منسي : آه أي مكنة في العالم في إمكانية

العميل : خلاص ماشي، أنا متشكر جداً لوقت حضرتك ومعلش آسف على إن أنا طولت عليك

المهندس منسي : ولا يهمك يا غالي

العميل : حضرتك هتجيب رقم تليفون المبيعات دلوقتي ولا حضرتك…

المهندس منسي : هبعتهولك في رسالة حالاً

العميل : معلش عشان ده رقم واتس تليفون الشركة

المهندس منسي : طب كلمني من الواتس بتاع تليفونك

العميل : طب هبعت على حضرتك من تليفوني حاضر.. شكراً يا فندم