ماكينة تعبئة السوائل في أكياس وعبوات نصف أوتوماتيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : لو سمحت كنت عايز أسأل على مكنتين عندكم، الـ 2 تعبئة سوائل بس في واحدة أكياس وواحدة في أزايز؟
مهندس منسي : آه في آه
العميل : طب دي سعرها كام ودي سعرها كام؟ وكهربتهم إيه؟
مهندس منسي : في نص أتوماتيك وفي أتوماتيك كامل، وكل المكن اللي عندنا بيشتغل كهربا عادية، إلا إذا طلب العميل غير كده
العميل : تمام.. طب إيه الفرق بين النص أتوماتيك والأتوماتيك؟
مهندس منسي : النص أتوماتيك بتعبي وبس، أما الأتوماتيك بتعبي وبتغلف
العميل : بتعبي وبتغلف؟
مهندس منسي : النص أتوماتيك بتعبي وبس بالنسبة للأكياس، والأتوماتيك بالنسبة للأكياس بتعبي وبتغلف، أما في الأتوماتيك بالنسبة للأزايز بتعبي.. دي بتعبي ودي بتعبي، ولكن النص الأتوماتيك بالنسبة للأزايز بتعبي وبعدين بتعبي لازم حد يناولها، أما التانية بتناول نفسها، ده هوه لو تقدر تركزلي كل حاجة على حده عشان خاطر أبدأ إن أنا أستفيض معاك في الشرح
العميل : تمام.. خلينا في بتاعت الأزايز، تمام.. النص أتوماتيك
مهندس منسي : المكنة اللي بتعبي نص أتوماتيك تقدر تعبيلك أزايز، وتقدر تعبيلك أكياس
العميل : تمام
مهندس منسي : لأنها بتقوم بمرحلة واحدة وهي مرحلة التعبية
العميل : تمام… غير الأكياس… هي مش بتقفل الكيس؟
مهندس منسي : بيبقى معاها كده سير، السير ده بيبقى فيه مكنة لحام، بعد ما تعبي كده تروح حاطط الكيس على السير دوت يروح لحمه ويرميه الناحية التانية
العميل : يعني هي تعبي وتلحم مع نفسها؟
مهندس منسي : لأ ما هو إحنا قلنا النص أتوماتيك بتعبي وبس، بتاخد جنبيها حاجة اسمها سير لحام، سير اللحام دوت أو ماكينة لحام بسير، بتحط الكيس على اللحام تقوم تاخد الكيس بعد ما اتعبى وتلحمهولك وترميهولك الناحية التانية، كده وفرتلك عامل
العميل : اللي أقصده إن اللحام ده
العميل : بقول لحضرتك اللحام دي اللي هتيجي تبقى معاها دي هتلحم مع نفسها على طول؟
مهندس منسي : آه
العميل : تمام…
مهندس منسي : معناها إنك مش هتحطها تحت اللحام وتستنى لما تتلحم وبعدين تشيلها، لأ، ده إنت هتلقمها وهي تاخدها تلحمها وترميها الناحية التانية
العميل : تمام.. طب خلينا في الأتوماتيك الأزايز
مهندس منسي : آه.. الأتوماتيك الأزايز دي بتعبي بس، يعني كل اللي عليك إنك ترصلها العبوات هي تاخدها تعبيها وتطلعها لك، عملية بقى التغطية دي مكنة تانية
العميل : تمام آه.. ماشي عامله كام المكنة دي دلوقتي؟
مهندس منسي : النص أتوماتيك ولا الأتوماتيك؟ النص أتوماتيك عامله ، وفي حاجة تانية نص أتوماتيك بتعمل
العميل : ده إيه الفرق بقى حضرتك؟
مهندس منسي : دي التانية اللي هي أم صغيرة وديجيتال، أما التانية اسمها نيوماتيك إنتاجية
العميل : تمام… وبالنسبة للأتوماتيك؟
مهندس منسي : 7000
العميل : تمام..
مهندس منسي : علماً بأننا نحاسب ال على 12.5 حتى تاريخ 7/12، هنبدأ نرفع تاني
العميل : تمام.. تمام.. طب بقول لحضرتك المكان فين؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر، غمرة
العميل : خلينا في مدينة نصر مثلاً أو غمرة
مهندس منسي : ماشي.. هبعتلك عنوان.. إنت عايز أنهي فيهم؟
العميل : ده أو ده مش هتفرق
مهندس منسي : هبعتلك مدينة نصر أو غمرة دلوقتي حالاً في رسالة
العميل : خلاص ماشي يا فندم، شكراً لحضرتك
مهندس منسي : مع السلامة
العميل : مع السلامة
