ماكينة تعبئة السوائل من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: اخبار حضرتك ايه ؟ كل عام وانت بخير .
المهندس منسي: الحمدلله اتفضل
العميل: مع حضرتك دكتور محمد بيكلم حضرتك من السعودية
المهندس منسي: اهلا وسهلا
العميل: اهلا بيك ، ياباش مهندس احنا كنا شوفنا حاجات على اليوتيوب بخصوص الشركة وبخصوص الماكينات بتاعة التعبئية بتاعة السوائل ؟
المهندس منسي: اه
العميل: فكنا بنسأل هل فى ماكنة من الماكينات ديه ممكن هى تعبئية تعبي الاكياس اللى هى البي ايه تى ويكون لها غطاء .
المهندس منسي: اكياس بي ايه تى ؟
العميل: اه اللى هى اكياس الفاكيم
المهندس منسي: اكياس البي ايه تى ولا اكياس ايه يافندم ؟ هى عموما فى مكن عندنا بيعبئ كل حاجة .
العميل: طيب انا عايز اشوف ماكنة كويسة تكون للاكياس ديه لها غطاء هل بقي عندكم منها . يعنى زى كأنه كيس طالع منه شالموه يكون ليه غطاء .
المهندس منسي: اه فيه عندنا مكن نص اوتوماتيك بيعبيها
العميل: نص اوتوماتيك ؟
المهندس منسي: اه وفى ماكنة اوتوماتيك برده
العميل:اه طيب والاكياس ديه يا أفندم موجودة عند حضرتكم برده ؟
المهندس منسي: نقدر نصنعها لك .
العميل: طيب فى عند حضرتك منها نموذج يعنى ممكن مثلا لو عينية صورة او حاجة ؟
المهندس منسي: لا هو احنا بنشتغل على النماذج بتاعتك انا انت لو كتبت اكياس المهندس منسي هيطلعلك كتير اوى .
العميل: انا قدامى يافندم الويب سايت بتاع حضراتكم دلوقتى .
المهندس منسي: اه
العميل: تمام قدامى بالفعل بس الخامات بتاعة الاكياس يعنى انا بتكلم شوفت حضرتك ايه ؟
المهندس منسي: احنا هنشتغل على الخامة هنشتغل على الخامة اللى حضرتك عاوزها يعنى الخامات اللى احنا حطنها الاكياس اللى انت شفتها قدامك ديه ده الاكياس عملتها قبل كده فبنعتبرها شرف لينا ان احنا نرفعها ، فأحنا هنشتغل بقي على الخامة اللى حضرتك هاتطلبها لو حضرتك هتعاين الخامات ؟… هتعاين الخامات بتاعتنا وهتقول انا مختار الخامة ديه احنا عندنا خامات كتير اوى قبل التفصيل .
العميل: طيب انا اللى يهمنى بغض النظر عن الخامة اللى هنختارها ان يكون للباكت نفسه طبعا احنا بنشغل على باكت 250 جرام كويس فيهمنى ان يكون الباكت نفسه .. فاتحة زى الغطا ليها زى غطا .
المهندس منسي: مفيش مشكلة .
العميل: موجود عند حضرتك منه ؟
المهندس منسي: نقدر نصنعها لك بالطلب .
العميل: اه ، طيب عاوز اشوف شكلها يا أفندم مش موجودة قدامى على الويب سايت .
المهندس منسي: شوف شكل اى شكل فى السوق وهاته وصوره وقولى انا عاوز زى ده كده وابعتهولى عينه انا اعملك زيه .
العميل: مافيش منه فى السوق مافيش منه فى السوق
المهندس منسي: اعمل سيرش على ايه اكياس المهندس منسي .
العميل: طيب اكياس ده موجودة منها نموذج ها
المهندس منسي: نماذج اه
العميل: المهندس منسي للتعبئة والتغليف ده الويب سات اللى انا عليه اساسا
المهندس منسي: اه احنا عندنا مجموعة احنا مجموعة من الويب سات انت اعمل سيرش فى جوجل باكياس المهندس منسي .
العميل: اه … طيب ده قدامى يا أفندم ، انا عايز اشوف الكيس اللى يكون ليه زى الشالموه بغطأ او يكون بغطا حتى لو اليك بتاعته بص سم .
المهندس منسي: راسالنا على الايميل … واحنا نساعدك …. الكيس اللى عجب حضرتك ابعتهولى على الواتس او ابعتهولى على الميل وقولى عاوز زى ده
العميل: طيب الماكينة الماكينة بتاعة تكلفتها كام تقريبأ ؟
المهندس منسي: ماكينة التعبئة فى حاجة ب وفى حاجة ب 800 وفى حاجة ب 1000 لو عاوز تعرف الفرق بينهم ابعتلى رسالة فيها استفسار
العميل: ده كده اوتوماتيك يا أفندم ؟
المهندس منسي: نص اوتوماتيك ؟
العميل: انا عايز فل اوتوامتيك مش عايز حد يلمسها .
المهندس منسي: هنبدا من 7 الاف
العميل: انا معنديش مشكلة
المهندس منسي: ماشي يا باشا
العميل: بس التقنية بتاعتها عشان اشوف الفرق بين الاتنين
المهندس منسي: احنا ماركة
العميل: ماشي
المهندس منسي: احنا ماركة تقنيه عالمية احنا ماركة بتشتغل بتكنولوجيا المانى وبنصنع فى الصين وتيوان وهونج كونج ونجمع فى مصر .
العميل:انا معنديش مشكلة كل اللى حضرتك بتقوله ده كويس عايز حاجة تكون محترمة امكانيتها تكون كويسة يعنى حضرتكم فى الفل اوتوماتيك .
المهندس منسي: حضرتك ماركة المهندس منسي فى حد ذاتها محترمة .
العميل: يا أفندم انا اثق فى ده تماما مبديآ ده رقم واحد ورقم اتنين عندنا بنقول الجواب باين من عنوانه معندناش مشكلة فى ده خالص انا يا أفندم الانتاجية والكوالتى والكلام ده احنا هنتعامل مع بعض فى حاجات تانية اكتر انا مش عايز اسبق الاحداث احنا ماشين ستيب باى ستيب احنا مجموعة كشركات موجودة هنا فى السعودية وموجودة فى البحرين تمام، عندنا حاجة كده فى شكل تجهيز مبدئ فانا قولت المكان عندنا فى مصر شركة الباش مهندس منسي لاكتر من حاجة لان دخلت وشفت وبناء على ده كلمتك .
المهندس منسي: ان شاء الله
العميل: تمام اقصد يا أفندم ان شاء الله احنا بنشوف الماكنة الاوتوماتيك تمام ديه سرعتها كام فى الدقيقة يا أفندم ؟
المهندس منسي: ده بيتحدد بناء على السعة اللى هتتحط وبناء على البوز وبناء على حاجات كتير اوى وعموما الاربعة نظم ديه قادرة على انها تعبئ فى الساعة اكتر من 6 طن يعنى 6 الاف لتر
العميل: اه يعنى انا لو هعملها 250 جرام هتزيد
المهندس منسي: هتزيد طبعا تمام
العميل: على 6 الاف لتر …..
المهندس منسي: لا مبتبقاش كده ده ليها حسبة تانية
العميل: طب تمام انا هبعت لحضرتك الشكل
المهندس منسي: ان شاء الله
العميل: كويس تمام وهتواصل مع حضرتك تاني
المهندس منسي: ماشي يا باشا .
العميل: تمام … ماشي يا أفندم مفيش مشكلة بس برده لو المكنة الاوتوماتيك والمكنة النص اوتوماتيك كل واحدة ليها صور ولو فيه فيديوهات يفضل حلو ، نشوف الانتاجية بتاعتها ممكن نأخد مكنة او اتنين او ممكن ناخد مكنة للتجربة يعنى نشوف الدنيا هتمشى ازاى عشان احنا عندنا الحمدلله كيان كبير .
المهندس منسي: ان شاء الله .
العميل: أنا كنت بقول لحضرتك بالنسبة للمكنة أنا مش بس على الجودة، الجودة دي حاجة إحنا واثقين فيها جداً…أنا بتكلم على جودة التعبئة
المهندس منسي: آه… أنا بتكلم على المكنة نفسها… أما جودة المكنة نفسها إحنا اللي ملزمين بيها، جودة التعبئة النص أتوماتيك زيها زي الأتوماتيك بالضبط، همه كله زي بعضه، ولكن المكنة بتاعت حضرتك اللي أنا برشحها لحضرتك ديت هتبقى جودتها من حيث إيه؟؟؟ من حيث المنتج؟ من حيث الخامة؟
العميل: من حيث الخامة…
المهندس منسي: الخامة المكنة مالهاش دعوة بيها، الخامة بتبقى من بره، هوه كل العملية إن أنا بفكر لحضرتك إن إحنا نعمل الأكياس لوحدها وبعد كده نعبيها على مكنة بتاعت تعبئة، يعني بتاعت عبوات
العميل: آه.. ما هو أنا بتكلم يا فندم دلوقتي هل الأكياس دي بتيجي جاهزة وتتعبى على طول؟ ولا بتيجي مفتوحة والمكنة بتقفلها وتعبيها؟
المهندس منسي: آه هي بتيجي مقفولة ولكن البق بتاعها هوه اللي مفتوح، يعني زي العبوة بالضبط، فإحنا نعملها حاجة اسمها دك، هنعمل مجموعة دكات، الدك دوت بتتركب فيه، هتبص تلاقي الرقبة بتاعتها متعلقة بشعليقة كده، خلاص بقت عبوة في إيدك ما بقتش كيس، فهمتها… يعني بعملها دك منيم.. بيت
العميل: كويس
المهندس منسي: المنيم دا هي بتخش تركب فيها، جست إنها ركبت فيه خلاص بقت عبوة تبدأ تعبيها، وبعد كده مكنة تانية تقفلها، فتعملت معاها على أنها عبوة
العميل: كويس.. هل أنا بقى بتشري من حضرتك الأكياس جاهزة كده بالتصميم بتاعي ولا بعمل الكلام ده عندي؟
المهندس منسي: آه.. كل اللي عليك إنك هتاخد مني الأكياس دي جاهزة، كاملة
العميل: بالضبط، حلو… المكنة اللي أنا بعتها لحضرتك دي هي دي اللي تشتغل عليها جاهزة؟
المهندس منسي: دي مكنة أتوماتيك كبيرة كنا بنعملها زمان قوي، بس عشان سعرها كان عالي فالناس ما كنتش بتقبل عليها
العميل: في أحدث منها حالياً؟
المهندس منسي: مش أحدث بقى أبسط، أبسط في التعامل
العميل: آه…
المهندس منسي: دي كانت عامله 5، فالناس ما كانتش بتقبل عليها عشان سعرها، إنما لو عايز نعملها نعملها لك بالطلب، لأنه رسوماتها ما زالت عندنا
العميل: تمام… كويس هي أبسط منها بقى في الحجم مثلاً؟
المهندس منسي: في التعامل وفي الحجم، هتلاقي عندنا 412 و 414 وبالنسبة للنص أتوماتيك 451 و 403 نص أتوماتيك، في 403 4 نزل، هي الطاقة الإنتاجية اللي مطلوبة من حضرتك أد إيه في اليوم؟
العميل: يعني إحنا بنتكلم 2500 في الساعة
المهندس منسي: حضرتك مطلوب منك 2500 عبوة في الساعة
العميل: والله لو في أكتر أوكيه
المهندس منسي: هي العملية مش عملية مكنة تطلع أكتر، يعني أن ضد كده، أنا ممكن أعمل مكنتين يدوني 5000 أحسن ما أعمل مكنة واحدة تديني الـ 5000 لأنه في الآخر أنا قدرت أتحكم في المعدات بتاعتي، فهمتني
العميل: تمام..
المهندس منسي: فهنا إحنا بنتكلم في الأتوماتيك
العميل: اسمحلي يا باش مهندس موضوع الأتوماتيك من النص أتوماتيك بيفرق في إيه؟
المهندس منسي: ولا حاجة غير إن هنا بيحط بإيده، هنا بيحط بإيده، هنا في حالة حضرتك بس الوضع ده، يعني عملية النص أتوماتيك أنا بحط العبوة لغاية ما تتعبى وبعد كده بشيلها بإيدي، في الأتوماتيك في حالة حضرتك إنه هيحطها بإيده وهيشيلها بإيده برده، إنما إحنا ممكن نعمل فيها تجهيزة التجهيزة ديت تنطرها، ترميها لوحدها، بس هترميها على إيه؟؟؟ ما هو لازم ترميها على سير
العميل: بالضبط
المهندس منسي: علشان تعبيها، طيب تديني فرصة كده يومين بالضبط أكون أنا شوفت في الدنيا كده شفتلك حاجة تكون أسهل شويه، إنت مش عايز إيد تلمسها مش كده؟
العميل: الله ينور عليك، ده رقم واحد، أنا هدي لحضرتك المطلوب كله وحضرتك تديني أفضل بديل، يعني لا يفتى ومالك في المدينة، أفضل بديل حضرتك تقول عليه هنشوف الدنيا ونمشي عليه، أول حاجة إحنا بنتكلم الأكياس دي نوعيتها إيه وخامتها إيه؟
المهندس منسي: لأ مش خامتها إيه أنا ما شفتش أكياس حضرتك، أنا شايفها صورة، الصورة ما توضحليش الخامة إيه بالضبط، أنا باصصلها على أنها دلوقتي نقول مثلاً بولي إستر ألومنيوم بولي إيثيلين
العميل: طيب هوري لحضرتك شكل المنتج…
المهندس منسي: اللي طلبه إنت بي تي، إنما هي اسمها بولي إستر ألومنيوم بولي إيثيلين، فأنا شايف المكون قدامي 3 طبقات، المكون ده عندي أوردي، مافيهوش مشكلة بالنسبة خالص، لأنه هنا طبقة الألومنيوم معمولة عشان عتامة الضوء، عشان الضوء ما يخشش جوه، فهمه بيتحايلوا عليه بإنهم يعملوا بدل الألومنيوم ميتالايز وده غلط، لأنه حضرتك لو جيبت ميتالايز ده لون الألومنيا وشكل الألومنيا ولكن هوه مش ألومنيا، لأن حضرتك لو جيبت الميتالايز وبصيت فيه في النص كده، يعني عملت كده زي ما تكون بتبص في أشعة كده هتبص تلاقي النور باين، فعشان كده حضرتك لو جيبته من أوروبا هيدهولك بولي إستر ألومنيا بولي إيثيلين، لو جبته من إخوانا في الصين حبايبنا و دول هتلاقي جايبلك بولي إستر ميتالايز بولي إيثيلين
العميل: آه…
المهندس منسي: فإحنا نقول ياااااااه، ده شوف فرق السعر، يا ولاد الإيه، لأ هوه فرق السعر معمول على أساس إن الألومنيوم المنتج اللي جوه مافيش ضوء هيخشله، هوه المنتج بيتميز بإيه؟ أو بيتحول من حالة إلى حالة بإيه؟؟ بالأكسجين أكتيف والضوء
العميل: مضبوط
المهندس منسي: الـ 2 دول همه اللي بيأثروا فيه، فأنا دلوقتي لو منعت عنه الأكسجين أكتيف يبقى فاضل الضوء، لو منعتهم همه الـ 2 يبقى حط المنتج وسيبه فترة كبيرة وتعالى افتحه هتلاقيه كأنك لسه عامله دلوقتي
العميل: مضبوط كده كلام حضرتك، أنا عايز بس أدي فكرة نهائية للكيس، أنا عايزه يبقى إيه وحضرتك قولي الأفضل ليه إيه
المهندس منسي: ماشي تحت أمرك
العميل: الأمر لله يا باش مهندس، بقول لحضرتك بالنسبة للكيس مبدئياً في النص يكون شفاف، يكون باين اللي جواه
المهندس منسي: آه كده طلعنا من إمبراطورية الألومنيوم فويل تماماً
العميل: كويس، منتج مياه
المهندس منسي: آه…
العميل: المياه من مواصفات وزارة الصحة ومجلس التعاون إنه لازم يكون العبوة شفافة
المهندس منسي: آه
العميل: كويس… وفي نفس الوقت الـ بي إي تي عشان بتكون طبعاً فيرست سايكل مش ريسايكل
المهندس منسي: آه.. لأ هوه إحنا ما بنشتغلش خالص ريسايكل، إحنا بنشتغل كله فريش، يعني كله ما عندناش خالص ريسايكل
العميل: كويس إحنا بس بنقول الشيء بالشيء يذكر….
المهندس منسي: هوه عموماً ما ينفعش بي إي تي لوحدها، لازم يكون معاها بولي إيثيلين، لازم، لأنه لو جبت طبقة بي إي تي وجيت تلحمها عمرها ما هتلحم
العميل: صح.. مضبوط
فحضرتك نزلت جبت كيس ورحت فرغته وجايبه على مكنة لحام لحمته تاني هيتلحم، طب لو قلبته وجيت تلحمه بالعكس عمره ما يلحم
العميل: آه..
المهندس منسي: لأنه هوه الطبقة اللي بره ديت طبقة بي إي تي فعمرها ما هتلحم، فلازم تبقى يا بولي بروبلين بي إي تي، يا بولي إيثيلين بي إي تي
العميل: في الحالاتين فيها مشكلة مع المياه؟
المهندس منسي: ولا دي ولا دي الـ 2 مادة خاملة
العميل: كويس، يعني نفس فكرة الـ بي إي تي
المهندس منسي: ما همه الـ 2 مادة خاملة، ولكن هوه ممكن يكونوا شارطين عليكم إن إنتم تعبوا بس في الـ بي إي تي، هي المياه هتستخدموها في الأدوية أو مضاد حيوي
العميل: شرب بقى، مياه شرب عادية
المهندس منسي: خلي بالك إن مياه الشرب همه موقفين البولي إيثيلين والبولي بروبلين، مياه شرب عادية؟
العميل: آه
المهندس منسي: مش هتنفع أكياس خالص، يبقى مش هينفع معاك غير العبوات
العميل: ليه؟
المهندس منسي: لأن همه دلوقتي مانعين البولي بروبلين والبولي إيثيلين ممنوع في المياه، كل اللي مصرح بيه بس عبوات الـ بي إي تي، لأنه إحنا بنقول الديوكسين اللي هي المادة السامة اللي بتتكون من اللي هي بتتكون عشان تعمل في الـ بي إي تي بنقول 1/10 مليون، في البولي إيثيلين بتبقى 2/10 مليون، في الـ بي في سي حوالي 30، فإتأكد… بص يا دكتور صلي على النبي إنت دلوقتي أول حاجة إحنا هنشتغل عليها إنت معتقد إن الكيس بي إي تي، مافيش كيس في الدنيا بي إي تي، في عبوة اسمها عبوة بي إي تي
العميل: إحنا بالفعل عندنا في المصنع.. يعني إحنا عندنا مصنع مياه أساساً، فموجود عبوات عندنا، إحنا بننفخ من البداية…
المهندس منسي: من الـ بي إي تي دايركت
العميل: بالضبط
المهندس منسي: آه دي عبوة اسمها عبوة الـ بي إي تي، إنما مافيش كيس خالص اسمه كيس بي إي تي، إنما في كيس اسمه بي إي تي لامينيتد بي بي، أو بي إي تي لامينيتد بي إي، فحضرتك ما تخش ما الجماعة الصينيين، الصينيين دول ما شاء الله عليهم، يعني بيكتبوا أي كلام … ، يعني هتلاقيه كاتبلك بي إي تي باج، هتخش تلاقي بي إي تي باج كبير قوي، بس استحالة يكون الكيس من خامة الـ بي إي تي الخالصة، لازم هيكون بي إي تي لامينيتد بي بي، أو بي إي تي لامينيتد بي إي، أو لامينيتد إني واي ممكن يكون لامينيتد إي بي إيه ، ولكن استحالة يكون بي إي تي، لأنه عمره ما يلحم إلا إذا لحم بحاجة اسمها ألتراسونيك وإنت استحالة هتشتغل بالألتراسونيك
العميل: آه… طيب لو إحنا قلنا الخامة بتاعت الكاسات
المهندس منسي: بي إي تي آه
العميل: مضبوط كده
المهندس منسي: آه.. والبق بتاعها اللي هوه الطبقة الشفافة بتبقى خامة اسمها بي إي تي لامينيتد إي بي آيه
العميل: يعني مصرح بيها؟
المهندس منسي: هوه مصرح بيها عشان ما يعرفوهاش، عشان همه شايفين الكوباية زي الفل أهي شفافة، وشافوا الغطا من فوق شفاف، فهمه مش خبراء في المجال فهمه شايفينها شفافة وشفافة من فوق خلاص، إنما لو مسكوا الخامة وحللوها ممكن يعملوا مشكلة، ممكن إنما أنا ما أعرفش يعملوا ولا مش هيعملوا، إنما حضرتك هتسأل إن الخامة أهوه بتاعت الغطا دي اللي هنشتغل بيها ينفع؟
العميل: آه
المهندس منسي: فهمتني
العميل: تمام.. تمام.. طيب هل إحنا ممكن الخامة بتاعت الكاسات دي ممكن نعمل منها نفس العبوات دي؟
المهندس منسي: آه… لأ، بص حضرتك الخامة بتاعت الكاسة نفسها اسمها بي إي تي اللي هي البولي إستر، فهنا النهاردة الخامة نفسها الكوباية نفسها معمولة من البولي إستر، أما الطبقة الرقيقة اللي بتتلحم عليها من فوق دي طبقة بولي إستر مطبنة بخامة اسمها إي بي آيه
العميل: آه اللي هوه إحنا بنقول عليه اللدات اللي بتقفل عليها
المهندس منسي: ليد إزاي؟؟ أيوه الليد آه اللي إنتم بتقولوا عليها ليد، بتبقى رول ما ينفعش تتقطع، إنما لو اتقطعت بنديلها مادة تصلبها عشان خاطر ما تلفش، واخد بالك، فهي خامة اسمها بولي إستر لامينيتد إي بي آيه، أو هوت فيدينج بلاكر، دي أو دي واخد بالك ، فالنهاردة الخامة دي تنفع هي تتعمل أكياس، أما الكوباية نفسها تتعمل أكياس الخامة لا طبعاً، ليه؟؟؟ لأنها لازم تاخد طبقة عشان الطبقة تلحم، لأنه الـ بي إي تي ما بيلحمش
العميل: طيب إحنا العصاير اللي عندنا في مصر، يعني هي كده تعتبر العصاير زي بتاعت بست مثلاً؟؟
المهندس منسي: آه دي معمولة من 4 طبقات، بتبقى بولي إيثيلين ـ بي إي تي ـ ألومنيوم ـ بي إي تي، وفي ناس بتهزر اللي همه بيعملوا عصير كده خفيف وحاجات من ديت يروحوا عاملين بولي إستر ـ إلومنيوم ـ بولي إيثيلين
العميل: آه…نفس الموضوع مش هينفع معانا في المياه
المهندس منسي: آه… بص هوه أنا مش، بص صلي على النبي، حضرتك كل اللي عليك إن إنت تسأل أنا هعمل من خامة كذا كذا، ده مصرح ولا مش مصرح، بس، إنما أنا ما أعرفش ده مصرح بيه في المياه ولا مش مصرح بيه في المياه، إنما اللي أنا أعرفه إن أزايز المياه كانت الأول بتنزل بي في سي، فمنعت عالمياً
العميل: مضبوط
المهندس منسي: فلما اتمنعت عالمياً في الفيديك وفي اللي هي منظمة الصحة الأمريكية واتمنعت برده في أوروبا، ماهم بيصنعوا لبعض، طبعاً بدأ العالم كله يمنعها، برجعوا عملوا في البولي إيثيلين، ما كملتش حتى شهرين 3 وراحوا نازلين على الـ بي إي تي اشتغلوا خلاص بالـ بي إي تي
العميل: آه… هوه إحنا بالفعل شغالين بالـ بي إي تي بنجيب من السابق والكلام ده…
المهندس منسي: حضرتك باستخدم من أول مرحلة الحقن، لو بتجيب يبقى كده بتشتغل من مرحلة الحقن
العميل: آه.. ونعمل بريفورم…
المهندس منسي: المكن اللي عندكم بيعمل بريفورم ولا شوت أون وان، اللي هوه الوورك
العميل: لأ هي بتمشي مرحلة واحدة، إنجكشن بيتعمل بيرفورم بيدخل على طول وبعد كده فنيش وبعد كده اللي هوه الليبلينج وبعد كده الباكينج عادي
المهندس منسي: آه.. كويس
العميل: فهي القصة كلها اللي إحنا بنتكلم فيها موضوع الأكياس دي، إيه الطريقة اللي حضرتك تشوفها إن إحنا ممكن نستغل الموضوع ده، طبعاً إحنا بنبتدي مشروع الكوست
تمام
العميل: الـ بي إي تي بتطلع الكرتونة عليا تكلفتها عالية، بالنسبة للأكياس هتبقى التكلفة أقل بكتير
المهندس منسي: آه الأكياس حضرتك الأول هتستشرهم الأول وتقولهم أنا عامل خامة من خامة الـ بي إي تي لامينتيد بولي إيثيلين، والـ بي إي تي لامينتيد بولي بروبلين، أو الـ بي إي تي لامينتيد إي دي آيه، واخد بال حضرتك
العميل: ماحدش يا فندم هيجاوبك على الكلام ده
المهندس منسي: يبقى خلاص… طالما بتبص على التكلفة يبقى الزنبوعة دي لوحدها غالية، لأنها معمولة على اسطمبة، الاسطمبة نفسها متكلفة عالي
العميل: طيب قبل ما نتكلم في الكيس إحنا هنتكلم على البولي إيثيلين ده هيبقى لامينتيد من بره ولا من جوه؟
المهندس منسي: من جوه، عشان يلحم
العميل: يعني اللحام بيبقى من جوه مش من بره؟
المهندس منسي: آه
العميل: والـ بي إي تي هيبقى من بره
المهندس منسي: آه.. الطبعة بتبقى على الـ بي إي تي بحيث إنها لما تيجي تخش تتلم مع البولي إيثيلين تقوم تبقى متغمية، الطباعة تقعد تحك فيها ما تطلعش
العميل: طيب وده يا فندم… يعني ده هيطلعلي برده كيس شفاف؟
المهندس منسي: آه هيطلعلك كيس شفاف آه، براحتك
العميل: يعني أنا بتكلم مثلاً لو افترضنا إن الكيس طوله مثلاً 12 سم، هل أنا عندي 3 سم من فوق و 3 سم من تحت حلو، و 2 سم يمين و 2 سم من الشمال دول مطبوعين…
المهندس منسي: لا عادي.. عادي، هيطلعلك عادي شفاف عادي مافيهاش مشكلة خالص، هوه هوه نفسه بتاع كيس المكرونة بس لامينتيد مش كيس المكرونة السادة، هوه هوه نفس كيس السكر، واخد بال حضرتك، كيس سكر الأسرة هتلاقيه زيه هوه نفسه، اللي هوه خامة الـ بي إي تي لامينيتد
العميل: آه بس مش بيبقى في خامات بتبقى ماسكة نفسها شويه يا باش مهندس؟
المهندس منسي: آه.. اللي ماسكة نفسها دي بيبقى مزودين التكنيك بتاعها، البولي إيثيلين أو البولي بروبلين، اللي بتبقى طرية وخفيفة ديت يبقى إحنا مخففين الخامة حسب طلب العميل، لأنه في عميل مثلاً بيقولك عايز بولي إستر كنورمل 12 ميكرون، نورمل على مستوى العالم، الغالبية العظمى 12 ميكرون، في ناس يقولك لأ أنا عايز طلبية خاصة الـ بي إي تي يكون 30 ميكرون عشان الـ بي إي تي هارد، ناشف، وتعملي بولي إيثيلين 80 ميكرون فنبقى نحط ده على ده يديلك كيس صلب كده وشديد ييجي يشد كده يحس إنه في إيده كيس محترم
إحنا عندنا في العالم العربي يقولك أنا عايز أقل حاجة في الـ بي إي تي وأقل حاجة في البولي إيثيلين، شممها بولي إيثيلين وشممها الـ بي إي تي
العميل: آه…
المهندس منسي: مش عايز يصرف على العبوة، مع إن العبوة هي اللي بتبيع المنتج
العميل: صحيح… الباكينج هوه كل حاجة طبعاً، طيب إحنا اتكلمنا على عبوة، حضرتك بتقولي تكلفة الرك غالية والكلام ده كله، يعني ممكن تكون تكلفته الليد كام؟
المهندس منسي: تكلفة الكيس يعني، ولا تكلفة الليد نفسه، الليد نفسه ممكن يبقى الواحد لواحده في حدود مثلاً 3 سنت ـ 4 سنت، اللي هوه الكيس أبو بزبوز دا ، اللي هوه البزبوز نفسه
العميل: آه… تمام.. طيب وتكلفة الكيس كله كام؟
المهندس منسي: ممكن يعمله في حدود 8 ـ 10 سنت، ده الكيس أبو زنبوعة، إنما لو إحنا بنتكلم في كيس المياه ممكن يكلفنا مثلاً في حدود كله…. كله على بعضه كيس المياه العادي من غير بزبوز يتكلفه كله على بعضه حوالي 2 سنت مثلاً في الحدود دي
العميل: 10 سنت يبقى غالي جداً، يبقى الـ بي إي تي النفخ أرخص
المهندس منسي: مضبوط آه، مضبوط، والكاسة نفسها أرخص، لو نزلت لو إنت عايز تعمل ربع أو نص يبقى الكاسة نفسها أرخص
العميل: الكاسة أرخص بكتير كمان
المهندس منسي: وأنا أعرف إن السعودية المياه هناك.. إن البنزين هناك أرخص من المياه
العميل: دي حقيقة، بس إحنا بنتكلم دلوقتي حتى لو جينا قارنا بالـ بي إي تي اللي هوه النفخ مع الأكياس كده مش هينفع
المهندس منسي: آه
العميل: طب إيه حلها
المهندس منسي: الحل بقى إن حضرتك تشوف البريفورم تخف من وزن البريفورم ده رقم 1، رقم 2 تخف من وزن الغطا
العميل: هوه ده أوردي إحنا شغالين أقل أوزان في الخليج كله، أنا شغال الـ 200 مللي…
المهندس منسي: لا همه عمله صايحة في أوروبا في الغطا نزله من سنة
العميل:طب يا فندم ده اللي إحنا شغالين بيه
المهندس منسي: آه..
العميل:شغالين ماستر جرام ونص
المهندس منسي: في إيه تاني… هوه عموماً إنت ممكن تنزل كمان في وزن العبوة
العميل: أنا نزلته على الآخر، مش عايز أقول لحضرتك أنا جايب الدنيا آخرها.. أنا جايب خط ألماني…
المهندس منسي: يبقى مافيش بقى إن حضرتك تعمل كيس من غير زنبوعة
العميل: لأ مش هتيجي، كيس من غير الليد بتاعه… إحنا عايزين نشوف أرخص…ما هي دي… يعني حاجة زي دي اللي أنا بعته لحضرتك في الصور كله الكيس… آه طيب الكيس زي بتاع بست
المهندس منسي: آه
العميل: الكيس زي بتاع بست لو نفس الفكرة بغض النظر عن الشكل هيكون إيه من بره أو إحنا هنعمله ديزاين
المهندس منسي: هوه نفسه نفس الأسعار دي
العميل: كله نفس القصة
المهندس منسي: آه كله كله واحد
العميل: آه… طب مافيش مجال إن إحنا نعمل فيه أي حاجة
المهندس منسي: صدقني لو في مجال إنت عارف أنا ما كنت أتأخر عنك أبداً
العميل: أكيد، والله يا باش مهندس أنا بحس إن أنا بكلم فعلاً الشخص الصح اللي هيقدر يقولي الحاجة من الآخر هتنفع أوكيه، مش هتنفع..
المهندس منسي: آه..
العميل: هي دي القصة
المهندس منسي: آه بدل ما أقعد أقولك آه تنفع وما تنفعش ونيجي يوم.. الله شوف إنت بقى ما قلتش كذا…. ما ينفعش وعليه يعني، لا.. لا.. مش طبعنا
العميل: تمام… شاكرين أفضال حضرتك فعلاً والله
المهندس منسي: الله يبارك لك يا غالي
العميل:تسلم يا باش مهندس
المهندس منسي: مع السلامة
