ماكينة تعبئة العسل النصف اتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : إزيك يا ريس عامل إيه
المهندس منسي : الحمد لله
العميل : والله أنا عايز أتكلم في مكنة تعبئة عسل النحل، إيه النظام يا باشا؟ والأتوماتيك إيه؟ والنص أتوماتيك بكام؟
المهندس منسي : إنت عايزها نص أتوماتيك ولا أتوماتيك؟
العميل : نص أتوماتيك
المهندس منسي : بتبدأ من 1350 يعني 13500 جنيه
العميل : خلينا نتكلم بالمصري عشان إحنا مصريين يا باشا، طب والأتوماتيك؟
المهندس منسي : بتعمل يعني 45000 جنيه
العميل : النص أتوماتيك دي عبارة عن إيه…. مين معايا معلش؟
المهندس منسي : المهندس منسي
العميل : ماشي يا باش مهندس، طب أنا بادئ في الموضوع جديد، وعندنا مناحل في الغربية وعايز أعبي وأغلف، تمام، طيب المفروض أبدأ واحدة واحدة أبدأ بالنص أتوماتيك
المهندس منسي : آه…
العميل : طيب… بتمشي إزاي النص أتوماتيك، هي عبارة عن إيه؟
المهندس منسي : النص أتوماتيك ديت بتبقى بستم سوائل بيعمل إيه؟؟ بيسحب من الحاجة بتاعتك ويحطلك في العين.. إنت هتحط في إيه؟
العميل : برطمان
المهندس منسي : آه بيحسب ويحطلك في البرطمان
العميل : بس كده، وأنا بقفل الغطا وأغلف
المهندس منسي : آه
العميل : يعني هي بتعبي بس؟
المهندس منسي : وعندنا برده التغليف وعندنا برده حتة البلاستكة اللي بتتحط ما بين الغطا وبين الإزازة الحتة البلاستكة اللي هي بتبقى الشفافة دي؟
العميل : آه…
المهندس منسي : وعندنا.. إحنا اللي عاملين لإزيس وإحنا اللي عاملين للدنيا دي كلها
العميل : طيب مافيش مشكلة، دي بتبقى ليها برده مكنة معينة، ولا ليها إيه، ولا من ضمن المكنة اللي إحنا واخدينها
المهندس منسي : آه ليها مكنة لوحديها
العميل : إنما لو الغطا يدوي خلاص بحط الغطا وخلاص
المهندس منسي : آه…
العميل : صح كده؟
المهندس منسي : مضبوط آه
العميل : حضرتك اللي بتطبع الاستيكرات ولا بتطبعوا في حتة تانية؟
المهندس منسي : آه بنطبعها آه
العميل : طيب الألف يعمل كام؟
المهندس منسي : ده بيبقى على حسب الديزاين بتاعك، وعلى حسب الكمية، وعلى حسب نوع الاستيكر نفسه اللي هوه في بلاستيك وفي ورق، ولو ورق في ورق متسلفن وفي ورق يو في
العميل : طبعاً كله بيلصق؟
المهندس منسي : آه كله بيلصق طبعاً، حضرتك بتعرفنا الكمية، والسماكة، والنوعية، والحاجات ديت وإحنا بنقولك السعر وإنت قاعد
العميل : كل ده وبيبقى عندك الديزاين موجود أختار من كذا حاجة يعني
إن شاء الله
المهندس منسي : المهم بس إن أنا أحط الاسم اللي أنا عايزه وأرقام التليفونات وخلاص
العميل : إن شاء الله طب فين في باب الشعرية يا باشا؟ العنوان…
المهندس منسي : هبعتهولك في رسالة حالاً
العميل : طيب في فروع تانية غير باب الشعرية؟
المهندس منسي : آه حدائق القبة، مدينة نصر، باب الشعرية
العميل : مافيش في المعادي؟
المهندس منسي : إن شاء الله قريب، بدور على حاجة في المعادي آه
العميل : إنت عايز مكان أد إيه في المعادي؟
المهندس منسي : عايز حاجة على الكورنيش
العميل : المساحة؟
المهندس منسي : في حدود 150 متر
العميل : مش أقل من كده يعني
المهندس منسي : آه معرض
العميل : إنت عايزه معرض
المهندس منسي : آه..
العميل : مش هتصنع فيه حاجة
المهندس منسي : لأ
العميل : طب ما في يا باشا، لازم على الكورنيش، الكورنيش مش هيبقى مجزي معاك
المهندس منسي : عشان الفيو… يريح أعصاب الواحد
العميل : آه إنت عايز تقعد على النيل بقى، طب ما تاخد شقة وتريح دماغك، مادام الفيو هوه اللي فارق معاك
المهندس منسي : لا أنا مرتبط بمصر الجديدة في السكن يعني
العميل : طيب في حاجة في وسط البلد ليكم؟
آه في باب الشعرية آه
العميل : لأ غير باب الشعرية، طب إنت فين دلوقتي حضرتك يا باش مهندس؟
المهندس منسي : أنا في البيت في مصر الجديدة
العميل : طب لو رحت باب الشعرية ألاقي حد يعني أتكلم معاه دلوقتي ولا لسة ما فتحوش
المهندس منسي : لا فتحوا دلوقتي
العميل : طيب يا باشا خلاص، هوه نفس العنوان اللي مكتوب على النت ده
المهندس منسي : آه هبعتهولك في رسالة حالاً
العميل : طيب خلاص ماشي يا باش مهندس، متشكرين يا حبيبي، والأرضي التليفونات الأرضية دي شغالة معاكم؟
المهندس منسي : آه شغالة آه
العميل : طيب خلاص يا باش مهندس
المهندس منسي : مع السلامة
العميل : متشكر يا حبيبي مع السلامة
