ماكينة تعبئة العسل في برطمنات نص أتوماتيك مع ماكينة غلق الطبات علي العبوات من شركة مهندس منسي

المهندس منسي: سلام عليكم

العميل: عليكم السلام ورحمة الله وبركاته شركة انتوبك أكلم المبيعات لو سمحت

المهندس منسي: لا معاك

العميل: تمام يا فندم من فضلك كنت بسأل إحنا شركة عسل أسود تمام كنت بسأل عن ماكينة للتعبئة في أكياس وفي برطمانات

المهندس منسي: آه

العميل: تمام كنت بس شفت على الويب سايت بتاعتكم لو ممكن يتحط من فوق حاجة زي البلاستيك كده قافلة تحت الغطاء على طول دي الماكينة دي موجودة عندكم برده صح

المهندس منسي: إن شاء الله ألو

العميل: أيوه يا فندم مع حضرتك

المهندس منسي: معاك أتفضل

العميل: أنا بقول لحضرتك كنت عاوز بس أعرف معلومات أكتر عن المكن ده الماكينة اللي هي بتغلف

المهندس منسي: الماكينة اللي تعبي وتغلف الاثنين دي نص أوتوماتك متنفعش تبقى أوتوماتك أما لو عاوز أوتوماتك يبقي ماكينة تعبئة العسل في عبوات لوحدها وماكينة تعبئة العسل في أكياس لوحدها

العميل: تمام يا فندم طب هي بتعبي كام بطرمان يعني دي أوتوماتك ولا نص أوتوماتك

المهندس منسي: النص الأوتوماتك هنقول 1000 لما نيجي نتكلم في الأوتوماتك هنقول 3000 كيس

العميل: 3000 كيس دي الأوتوماتك

المهندس منسي: في حدود 3000 أو 3500 4000 ده بيتحدد بناء على كمية الكيس

العميل: تمام يا فندم هل كمية الكيس دي ممكن أتحكم فيها يعني مثلا ممكن أخلي الكيس صغير ممكن أخلي الكيس كبير

المهندس منسي: آه هي تقدر تحدد الكيس وتقدر تحدد سعة الكيس

العميل: كحجمه كمان لأن هي اللي بتقفل هي اللي بتغلفه صح فأنا أقدر أحدد حجم الكيس نفسه والكمية اللي محطوطة فيه كام

المهندس منسي:  آه

العميل: تمام بالنسبة للأكياس طيب بالنسبة للبرطمانات

المهندس منسي: هي نفس التانية

العميل: دي ماكينة برده فول أوتوماتك

المهندس منسي: إن شاء الله

العميل: دي برده أنا بحط عليها البرطمان وتروح معبية البرطمان برده

المهندس منسي: آه بتعبي البرطمان آه كل اللي عليك تحطلها العبوات

العميل: آه أنا بحطلها العبوات وهي تعبي طيب في يا فندم بنتقفل الغطاء وتحط استيكر

المهندس منسي: دي وحدات لوحدها كل وحدة لوحدها

العميل: آه بس هركب عادي خط إنتاج بس الماكينة لوحدها

المهندس منسي: أيوه

العميل: طيب بكام يا فندم سعر الماكينة دي اللي هي بتقفل الغطاء وبتحط عليها الاستيكر

المهندس منسي: النص أوتوماتك 1650 والأوتوماتك 4500

العميل: هي الأسعار اللي حضرتك بتدهالي دي بال

المهندس منسي: لا هو أنت بتتعامل بالمصري بس أنا بقولك بال لأن انهارده ممكن تعمل حساباتك وتقعد تجمع في الفلوس وفي الآخر ال يعلى أقولك ده المكن سعره علي

العميل: أيوه فاهم فاهم يعني حضرتك بتديني سعر ال دلوقت أنا هجيب بالمصري تمام يبقي هو مثلا بالنسبة للأكياس النص أوتوماتك من 3 إلى 4آلاف

المهندس منسي: أيوه

العميل: ماشي والماكينة اللي هي بتعبي برطمانات دي ب4آلاف ونص تمام وبالنسبة يا فندم للوحدة اللي هي بتحط بلاستيك حاجة زي اللون الفضي ده اللي بيبقي في العبوة من فوق قبل الغطاء دي موجودة عندكم برده

المهندس منسي: عندنا آه ب200

العميل: بكام يا فندم

المهندس منسي: ب200

العميل: قبل الغطاء طيب يا فندم بالنسبة يا فندم للي بتقفل الغطاء وتحط الاستيكر

المهندس منسي: لا دي ماكينة قفل الغطاء دي لوحدها وماكينة الاستيكر دي لوحدها ماكينة قفل الغطاء ب200

العميل: 200 دي اللي بتحط استيكر

المهندس منسي: لا الاستكير دي ب1000

العميل: دي ب1000 وضع استيكر دي يا فندم أنا بحط برده نص أوتوماتك أنا باخد البرطمان وأنا اللي بحط السير بيقفل بيحط الاستيكر عليها تمام كده

المهندس منسي: إن شاء الله

العميل: طيب ماشي بالنسبة للي بتقفل الغطاء

المهندس منسي: بالنسبة لإيه

العميل: للي بتقفل الغطاء

المهندس منسي: الماكينة اللي بتقفل الغطاء ب200

العميل: 200

المهندس منسي: بتبدأ من 200 إنما في موديلات تانية حسب شكل الغطاء

العميل: الغطاء اللي هو العادي لو بلاستيك مثلا اللي هو بيبقي بلاستيك

المهندس منسي: آه هي بتبقي في حدود 200

العميل: تمام هل بيبقي في إمكانية فيديوهات للحاجات دي أنا أقدر أشوفها

المهندس منسي: أكيد

العميل: طيب أنا لو حضرتك حبيت أشوفها دلوقت حضرتك ممكن تفدني أزاي في الموضوع ده

المهندس منسي: لو كتبت انجنير منسي دوت كوم أو هتلاقيها على أم تو باك دوت مي هبعتلك أنا رسالة فيها الموقع دلوقتي

العميل: تمام

المهندس منسي: هتلاقيها على دوت مي هتلاقي ماكينات التعبئة والتغليف هتلاقي كل الفيديوهات متنصفنة

العميل: تمام يا فندم تمام كل دي يا فندم أوتوماتك أو نص أوتوماتك اللي أنا باخد بس البرطمان بحطه تمام أوكي ماشي يا فندم طبعا ده سعرها يا فندم لحد ما تجيلي وتتركب صح

المهندس منسي: بالنسبة للمكن الصغير ده سعرها في المكان عندنا أما بالنسبة للمكن الكبير ده سعرها ومن حقك أنك أنت تتدرب ومن حقك أنك أنت تتدرب ساعتين هنا وساعتين هناك ومن حقك أن أنت تسجل فيديو بالتشغيل وبالتوريد وكل حاجة

العميل: تمام في أي معلومات تاني أو امتيازات حضرتك تحب تضفهالي

المهندس منسي: ولا يا سيدي أتمني أن يبقي في امتيازات كتيرة بس أنا مش فاكر

العميل: مين معايا يا فندم اسم حضرتك

المهندس منسي: المهندس منسي معاك

العميل: أهلا بيك يا بشموهندس فرصة سعيدة جدا إني أتعرفت بحضرتك معاك أحمد يا فندم من شركة العمدة

المهندس منسي:  أهلا وسهلا

العميل: أهلا بيك يا فندم إحنا كنا يا فندم بنفكر نعمل مصنع كده في أكتوبر فأنا بس كنت بجمع الداتا دي عشان نقدر نعمل دراسة جدوى عليها يعني

المهندس منسي: عندك مكان ولا لسا

العميل: هو لسا بنشوف والله حضرتك عندك مكان

المهندس منسي: في أماكن جنبنا إحنا واخدين أماكن في أكتوبر في أماكن جنبنا في مجمع اسمه مجمع مبارك

العميل: مجمع مبارك دي يا فندم المتر فيها كام

المهندس منسي: هو إحنا خدناه بكام دلوقتي بقي بكام سيبك من اللي إحنا خدناه إحنا خدناه ب1600 دلوقتي بقي 2700

العميل: 2700

المهندس منسي: آه بتدفع 30% مقدم فيها تسهيلات على مش عارف أربع سنين ولا كام

العميل: ممتاز طب دي يا فندم مين اللي ماسك الأرض دي شركة إيه

المهندس منسي: اسمه محمد مش فاكر محمد إيه والله نسيته

العميل: لو معاك رقم تليفونه تبقي عملت معايا الصح

المهندس منسي: اعمل معاك الصح بس متجهدنيش

العميل: ولا أجهدك يا فندم ولا حاجة إحنا بنفتح شغل بس مش أكتر

المهندس منسي: لا ولا حاجة روح هناك واتفرج خد رقم التليفون ده عندك012

العميل: 012

المهندس منسي: 01211116962ده الحاج شوقي اللي ماسك مدير الفرع لا 6959 ده أحمد شوقي اللي ماسك الفرع بتاعنا اللي في مجمع مبارك لو قالك في مجمع تاني قوله لا أنا عاوز مجمع مبارك ده أنضف مجمع هناك

العميل: تمام يا فندم ده اللي أساسا عنده خصوص المكن ولا خصوص الأرض

المهندس منسي: الاثنين

العميل: الاثنين ممتاز

المهندس منسي: بالنسبة لو عاوز تاخد منه تليفون صاحب المجمع

العميل: آه آه ده صاحب المجمع الحاج شوقي ده

المهندس منسي: لا ده مدير الفرع هناك

العميل: آه ده مدير الفرع بتاعكم هناك

المهندس منسي: أيوه

العميل: طيب حضرتك ممكن أخد منه رقم بتاع مدير المجمع

المهندس منسي: أيوه

العميل: طيب متشكر جدا يا فندم شكرا جزيلا يا فندم