ماكينة تعبئة العسل في عبوات موديل 404 ماركة المهندس منسي

العميل : السلام عليكم

المهندس منسي : عليكم السلام

العميل : عندكم مكينة لتعبئة العسل؟

المهندس منسي : نعم عندنا كل مكن تعبئة العسل، شوفلي حضرتك بس عايز تعبي العسل في أكياس ولا في عبوات؟ وعايز المكن نص أتوماتيك ولا أوتوماتيك كامل؟ والطاقة الإنتاجية المطلوبة أد إيه؟ والسعة اللي هتعبيها من كام لكام؟ عشان نقدر نقولك بالضبط المكنة اللي هتحتاجها إيه، أما مكن تعبئة العسل عندنا كله بجميع أنواعها، أما لو حضرتك تايه في المكن ومش  عارف توصل لأي مكنة اللي هتلائمك حضرتك قولي على الحاجات ديت اللي أنا قلتها لك من شويه وهي دي وأنا هردلك… هقولك المكنة اللي هتلائمك كذا

العميل : أنا عاوز أعبي العسل في برطمانات

المهندس منسي : السعة المطلوبة أد إيه بقى؟ من كام إلى كام؟

العميل : مش عاوز سعة كبيرة لو تكون أوتوماتيك كامل يكون أفضل وتكون المكينة صغيرة الحجم مش بتاع مصانع

المهندس منسي : آه يعني صغيرة الحجم من كام لكام؟ يعني حددلي بالضبط من كام لكام عشان ما أتوهكش، عشان ما أقولكش في مكنة بكذا ومكنة بكذا ومكنة بكذا، وأقعد أكر كتير يعني، يعني قولي من كذا لكذا، يعني أقصى حاجة هتبقى عندي كذا وأقل حاجة هتبقى عندي كذا، واخد بال حضرتك، والطاقة الإنتاجية مهمة قوي عشان أقولك يلزمك نص أوتوماتيك ولا يلزمك أوتوماتيك، ما هوه إنت عايز أوتوماتيك وبس ما هو ممكن يكون الإنتاج بتاعك أبسط من إنك مثلاً تشتري أوتوماتيك وتغلي على نفسك.. وتتقل على نفسك هوه مش مهم عندي أنا هكسب منك كام أكتر ما هو مهم عندي إن أنا هفيدك ولا لأ، ما هو مصلحة ليا إن أنا أبيعلك أوتوماتيك، ومصلحة ليا إن أنا أغلي عليك السعر، بس إنت عايز كده؟؟!!!!!! إنت بالتأكيد عايز إن النهاردة أعملك المشروع بتاعك في إطار تكلفة أقل دون التأثير على الجودة، يعني جودتك برده تكون مضبوطة 100%

العميل : إن شاء الله

بالنسبة للسرعة

العميل : يكفيني 500 برطمان في الساعة البرطمان بحجم 500 مل و250 مل و1000 م

أنا شفت هدي المكينة وحبيت أقرأ عنها… ممكن أشوف الكتلوج بتاعها؟

آه موجودة بضاعة حاضرة، حضرتك تيجي تشرفنا تتفرج عليها

العميل : عندكم فرع في السعودية؟