ماكينة تعبئة الكاراتيه من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس

المهندس منسي : أهلاً مين

العميل : إزي صحتك

المهندس منسي : الحمد الله

العميل : شركة المهندس منسي

المهندس منسي : أيوه

العميل : والله كنا عايزين نسأل على ماكينة الكراتيه

المهندس منسي : أنا بتاع مكن تعبئة وتغليف، أنا عندي المكن اللي بتعبي الكراتيه

العميل : ما آه ما هي بتعبي آه

المهندس منسي : أنا بتكلم على المكنة بتعبيها وتغلفها

العميل : آه بكام دي يا باش مهندس

المهندس منسي : دي بتعمل ، بتبدأ من

العميل : يعني بتعمل كام كيس في الدقيقة؟

المهندس منسي : بتعمل من 3500 -7500 كيس

العميل : يعني هي بـ 7000

المهندس منسي : بـ ، أو ما يعادله بالجنيه المصري

العميل : كام بالجنيه المصري الله يخليك لأن ال إنت عارف

المهندس منسي : 45000 جنيه، الأسعار دي سارية لغاية 1 أكتوبر، بعد 1 أكتوبر هنبدأ نرفع السعر بالمصري بما يقابله بال الحقيقي

العميل : ما ال هينزل إن شاء الله في 1 أكتوبر هيكون نزل

المهندس منسي : ما هو إحنا عشمانين خير، ما إحنا دايماً بنعشم خير في نزول ال ولكن إن الله لا يغير ما بقوم حتى يغيروا ما بأنفسهم

العميل : لا ما هو السعودية وقطر والإمارات هيبعتولنا إن شاء الله

المهندس منسي : إمتى؟

العميل : قريب إن شاء الله

المهندس منسي : يا مسهل

العميل : ما هو أمن مصر من أمن الخليج، فهمه يروحوا

المهندس منسي : يا مسهل يا رب

العميل : يعني يا باش مهندس هي بتعبي بس

المهندس منسي : آه بتعبي وتغلف أتوماتيك كامل

العميل : والأكياس عندكم إن شاء الله

المهندس منسي : لأ مش أكياس، دي بتبقى رولات، لو إنت عايز تعبي في أكياس بيبقى في مكنة تانية أرخص نص أتوماتيك

العميل : بكام دي؟

المهندس منسي : المكنة النص أتوماتيك بتعمل يعني 12000 جنيه مصري، ومعاها مكنة لحام مستمر كده بـ يعني 2000 جنيه مصري، كل اللي عليك إنك تحط تحتيها الكيس تعبيهولك ترميه على المكنة ديت تروح واخداه لحماه وتوديه الناحية التانية

العميل : يعني نص أتوماتيك

المهندس منسي : آه.. لو بتشتغل بالأكياس

العميل : أكياس آه

المهندس منسي : لو إنت هتشتغل بأكياس أتوماتيك كامل يبقى المكنة التانية اللي هي الأتوماتيك الكاملة، هي بتاخد الرول وتصنع الكيس وتعبي وتغلف وتقفل وكل حاجة لوحدها مافيش تدخل من العامل

العميل : لأ أنا عايز اللي هي أكياس يعني اللي…

المهندس منسي : اللي هي النص أتوماتيك؟

العميل : آه

المهندس منسي : ما همه الـ 2 أكياس ولكن واحدة نص أتوماتيك وواحدة أتوماتيك كاملة

العميل : الأتوماتيك الكاملة رول وكده بتاع

المهندس منسي : آه.. آه.. رول آه

العميل : يعني دي تعبيلي حتى الفشار والكلام ده؟

المهندس منسي : تعبي كل ما يخطر على بالك طالما في كيس أو عبوة كمان، النص أتوماتيك تعبي كل اللي يخطر على بالك في كيس أو في عبوة

العميل : طب نتشرف بحضرتك المهندس مين؟

المهندس منسي : المهندس منسي معاك

العميل : أووووه الباش مهندس منسي

المهندس منسي : آه

العميل : الله يخليك يا باش مهندس بس خلي بالك أنا بلدياتك من دمار

المهندس منسي : أله من دمار حته واحدة، حبيب قلبي الغالي

العميل : الله يخليك…

المهندس منسي : أختي متجوزة في دمار

العميل : ما أنا عارف والله وإنت هتفتكرني لو فكرتك يعني

المهندس منسي : فاكرك يا باشا إنت جيتلي في مدينة نصر

العميل : آه جيتلك معلش أنا آسف جداً بس والله….

المهندس منسي : لا.. لا.. لا.. عادي يا عم ولا يهمك، وما تعتذرش ولا أي حاجة إحنا أخوات

العميل : الله يبارك لك يا رب، بس أنا بصراحة عايز آخد الماكينة اللي هي النص دي وعايز آكل عيش يا باش مهندس

المهندس منسي : لا تحت الأمر يا غالي

العميل : الله يخليك، يعني ممكن تمشي معايا في الفشار عادي مافيش أي مشكلة

المهندس منسي : لا يا باشا تحت أمرك عادي

العميل : خلاص إن شاء الله نجيلك يا باش مهندس، الله يخليك يا رب

المهندس منسي : ماشي

العميل : مع السلامة