ماكينة تعبئة المعمول موديل 911 من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: إزي حضرتك
المهندس منسي: الحمد لله
العميل: الباش مهندس منسي
المهندس منسي: أيوه
العميل: حضرتك أنا محمود اللي شغال في شركة بيتيفور في السعودية تمام
المهندس منسي: أهلاً بيك
العميل: أنا مصري زي حضرتك يا ريس
المهندس منسي: أهلاً وسهلاً
العميل: أنا عندي استفسار بخصوص الماكينة اللي بتعبي أكياس زي المعمول مثلاً بس في رولات، 250 جرام لـ 500 جرام، هل في ماكينة فيها إمكانية تكبير وتصغير؟
المهندس منسي: إن شاء الله
العميل: طيب سعرها كام وطاقتها الإنتاجية في اليوم كام في الـ 8 ساعات؟
المهندس منسي: إنت هتعبي فيها معمول ولا هتعبي فيها إيه؟
العميل: هعبي فيها معمول، هعبي فيها تمر بالشيكولاتة، هعبي فيها حاجات كتير، بس عاوز شيء ينفع لكل حاجة
المهندس منسي: آه… في مكنة رقمها عندنا 911 المكنة ديت أتوماتيك هاند فيدينج اللي هتحطهولها هتعبي
العميل: طيب سعرها كام يا باش مهندس؟
، دي مكنة أتوماتيك كاملة
العميل: طب طاقتها الإنتاجية في اليوم كام؟
هي طاقتها الإنتاجية في الساعة من 35-70 لـ 120 كمان
العميل: 120 إيه؟ كيلو
المهندس منسي: كيس.. هوه إحنا ما بنحسبش بالوزن هيطلع منها أد إيه، إحنا بنحسب بالكيس هيطلع منها أد إيه لسبب بسيط…
العميل: أنا عايزها أسرع يا باش مهندس
المهندس منسي: إحنا ما نعرفش الكمية اللي إنت هتحطها أد إيه؟؟
العميل: طيب يا باش مهندس أنا عايز شيء أسرع
المهندس منسي: فيها قابلية إنك توزن الوزن أو تقلله
العميل: طيب يا باش مهندس أنا عايز شيء أسرع شويه في الإنتاجية
المهندس منسي: خد 2
العميل: فيه؟
المهندس منسي: خد 2
العميل: يعني ده أعلى شيء؟
المهندس منسي: مش عملية أعلى شيء، أبقى بنصب عليك لو قلتلك في حاجة أعلى من كده، في حاجة اسمها معدل لحام الكيس…
العميل: أنا عايز شيء أحط عليه رولات يا باش مهندس هوه يكبسلي الرولات ويحط فيه الخامة ويعبي آلي بالكامل، ده اللي أنا بتكلم عنه، هل ده حضرتك اللي بتتكلم عنه؟
المهندس منسي: أيوه هوه ده، ده اسمه آلي كامل أو أتوماتيك كامل، بس في حاجة، هوه في حاجة إنت لما تيجي تمسك الكيس مش لازم تاخدله وقت عشان تلحمه؟
العميل: أكيد
المهندس منسي: ولا هتروح عمله كده وترميه..؟
العميل: لأ طبعاً بياخد وقت
المهندس منسي: تقول لأ أنا عايز أسرع بقى، حد ييجي يقارني بسرعته، تك.. تك.. تك.. تك…. ما هو في الآخر لازم الكيس ياخد وقته…
العميل: إنت عايز تقول دي بتعمل 120 كيس في الساعة
المهندس منسي: آه بص صلي على النبي اللي بيتحكم في سرعة التصنيع الأكياس إيه؟؟؟ اللي بيتحكم في السرعة الكيس مش المكنة، المكنة لو بكرة أخليها لك 1500 كيس أنا عادي أخليهالك 1500 كيس، بس لأ إنت بتتكلم في مكنة… هوه إنت افتكرت في الساعة ولا في الدقيقة؟
العميل: في الساعة
المهندس منسي: لا يا راجل في الساعة يعمل من 5500-7500 كيس
العميل: تمام كويس كده، إنما 120 أنا عمال أقول إيه الكلام الغريب ده
المهندس منسي: لأ في الدقيقة
العميل: آه ده ممتازة 120 كيس في الدقيقة يا ريس، طيب الضمان بتضمنهالي أد إيه؟
المهندس منسي: بس عمرها ما هتديلك الـ 120 لسبب، لأنك إنت راكب عربية عدادها 240، الـ 240 ديت إنت عمرك مشيت على 220؟
العميل: آه يعني السعر بتاعها
المهندس منسي: آه
العميل: تمام… وممكن ناخد أكتر من واحدة، طب بالنسبة للصيانة والأدوات وقطع الاسبير هتمدني بيها ولا لأ، لو عايز حاجة هتمدني بيها في مدة أد إيه؟؟؟ كل ده حاجات بتهمني برده لأن إحنا مصنع فهمتني، وأكيد بيحصل أعطال
المهندس منسي: إحنا شركة المهندس منسي مش شركة واحدة، إحنا مجموعة شركات منهم شركتين مساهمة، يعني المهندس منسي ده فرد من أفراد الشركة
العميل: أنا فاهم طبعاً
المهندس منسي: فهنا النهاردة بتتكلم في شركة ليها كيانها وليها أساسها، شركة عالمية مش شركة دولية واخد بالك، معناها إن الضمان بتاعها ضمان اسمها وضمان لمدة سنة ضد عيوب الصناعة، اسمها لوحده ضمان، اسم الشركة لوحده ضمان
العميل: يا باشا أنا عارف عشان كده يوم ما قلولي هنا في الشركة أنا قلتهم أنا أعرف شركة كويسة في مصر مشهورة اسمها المهندس منسي، قالولي إحنا سمعنا الاسم ده قبل كده، قلتهم خلاص أنا هعرف أوصله….
المهندس منسي: آه… بص كمان هتلاقينا طالعين في معارض عالمية بنعرض في قلب الصين
العميل: ما شاء الله
المهندس منسي: يعني من الشركات اللي رايحه تمثل مصر واخد بالك، ومتوقعين كمان نكتسح كمان، آه بقوة.. بقوة ليه بقى؟؟؟
العميل: ما شاء الله
المهندس منسي: لأن إحنا عملنا على الجودة والسعر، ودول أهم نقطتين في السوق
العميل: تمام… أنا بصراحة سامع عنكم سمع كويس، تمام
المهندس منسي: الحمد لله
العميل: لكن برده عشان نوضح الأمور شويه الماكينة دي أبعادها كام مقاساتها؟
المهندس منسي: دي ممكن بقى تتراسل معاهم على الإيميل أو على الواتس يبعتولك مواصفتها
العميل: هي حضرتك رقمها 911
المهندس منسي: آه.. إنت اكتب 911 المهندس منسي هتطلعلك على طول
العميل: هيظهرلي كل الإمكانيات مكتوبة كمان
المهندس منسي: إن شاء الله
العميل: تمام يا باش مهندس أنا متشكر لحضرتك جداً والله، وليا تواصل مع حضرتك تاني بإذن الله ساعة الشرا
المهندس منسي: بإذن الله
العميل: مع السلامة
