ماكينة تعبئة زجاجات الأدويه من شركة المهندس منسي
العميل: السلام عليكم ورحمة الله وبركاته
المهندس منسي: وعليكم السلام
العميل: صباح الخير، أنا زاهي من فلسطين بدنا نشتري ماكينة تعبئة
إحنا بنتاجر في الزجاج، وعندنا مصنع للأدوية، محتاج الزجاج ومحتاج مكنة تعبئة
المهندس منسي: آه موجودة مكنة التعبئة، بس كنا عايزين نعرف مكن شويه معلومات عن الحاجة اللي هتعبيها إيه؟ وعايزها تعبي كام في اليوم؟ يعني إنت الطاقة الإنتاجية… الطاقة الإنتاجية يعني المنتج اللي إنت هتعبيه هتعبي أد إيه في اليوم، اديني شويه معلومات كده إن أنا أعرف أرد على الاستفسار بتاعك
العميل: عايزين نعبي زيت زيتون في قناني 350 مللي، 500 مللي، 750 مللي، في الساعة مقدرين إحنا التعبئة حوالي 1500 علبة، بعت أنا صورة كنت إنتم حاطين صورة لعبوة 250 مللي، فأنا معني برده في الأحجام الثانية الـ500 مللي والـ750 مللي إذا في منها
طبعاً إحنا بنعبي فيها خل تفاح، دبس رمان، بالإضافة إلى أصناف ثانية، ماعرفش إذا المكنة بتاعت تعبئة الزيت نقدر نعبي عليها نفس الأحجام هاي… نفس المواد هاي، عنا تركيز دبس الرمان 72%، نعبي دبس خروب تركيه 75% يعني زي العسل تقريباً، لما يكون ساخن طبعاً بيكون أسهل تعبئته، فإنت أخبرني شو المكنة اللي تنفع
المهندس منسي: آه عندنا مكن تعبئة آه بجميع أنواعه، والسؤال هوه الطاقة الإنتاجية المطلوبة أد إيه عشان أقولك المكنة اللي هتنفع لك كذا، لأنه مكن التعبئة دوت كتير قوي، عايزها نص أتوماتيك ولا أوتوماتيك كاملة
العميل: يعني عايز مكنة 10 آلاف علبة في اليوم على الـ8 ساعات، يعني لو كانت 1500-2000 علبة بالساعة تعبي كويس، بالنسبة للأوتوماتيك سمعت من ناس اشتغلوا على الأوتوماتيك بيقولوا مشاكله كتير، وصيانته بتغلب شويه، فإحنا اتجاهنا نص أتوماتيك
عايز أسألك كمان على مكنة تغليف الكرتون
بتغلف بتدخل عليها الكرتونة متنية معبئة العلب فيها وهي بتعمل اللصق، لما العامل يكون بيعمل اللصق بإيده بمكنة يدوي هي عبارة عن بيدخل الكرتونة متنية وهي بتقوم بعملية اللصق من أعلى ومن أسفل، ما أدري إذا بيكون عندكم مكنة زي هاي الشي
المهندس منسي: هوه المكنة اللي تلزمك مكنة عندنا رقمها 403، موديل 403 ماركة المهندس منسي، أما بالنسبة لمكن الأتوماتيك اللي عندنا مافيهوش مشاكل خالص، الحمد لله بفضل من ربنا، همه ممكن يكونوا جابوا من شركات تانية، الشركات التانية أغلبها طبعاً شركات تجارة مش شركات تصنيع، فإحنا شركة تصنيع بنصنع قطع الغيار بره وبعد كده بنجمعها، بتوصل معانا الدقة عالية جداً، والجودة عالية جداً، لدرجة إن المكن عندنا الحمد لله يكاد يكون بيشتغل لوحده يعني
العميل: ممكن نتطلع على مواصفات الأتوماتيك والنص أتوماتيك، ممكن تبعتلي رابط أو تديني مواصفات
بالنسبة لماكينة تغليف الكرتون، الكرتونة بتكون متنية ومجهزة للشغل اليدوي بندخلها فيها معبية العلب بتعمل عملية التلصيق من أسفل ومن أعلى، في عندك فكرة عنها؟
المهندس منسي: من فضلك تابع مع مبيعات الشركة:
اتصل بنا في الفروع التي تناسبك/ ماكينات تعبئة وتغليف
