ماكينة تعبئة زيوت بعبوات أتوماتيك من شركة مهندس منسي

المهندس منسي: السلام عليكم.

العميل: وعليكم السلام شركة المهندس منسي؟

المهندس منسي: أيوة.

العميل: أزي حضرتك.

المهندس منسي: الحمد لله.

العميل: كل سنة و حضرتك طيب يا فندم.

المهندس منسي: كل سنة وأنت طيب.

العميل: محمد حسين مع حضرتك من المنزلة.

المهندس منسي: أهلا بيك.

العميل: أهلا بحضرتك، دلوقتي عايزين نستفسر عن المكنة بتاعة الزيت دي يا فندم ممكن؟

المهندس منسي: الزيت إيه؟

العميل: مش حضرتك اللي منزل الإعلان بتاع مكنة الزيت مكنة التعبية.

المهندس منسي: إن شاء الله.

العميل: طيب دلوقتي أنا بعبي، بس أنا بعبي يدوي فعاوز أجيب المكنة دي.

المهندس منسي: آه بتعبي يدوي؟

العميل: بعبي يدوي آه.

المهندس منسي:آه عايز تجيب مكن يدوي؟

العميل: لا عاوز المكنة اللي أنا شوفتها على النت دية عاوزها اللي هي بـ60 دي بـ (6 آلاف )

المهندس منسي: آه هو أنت عايز مكنة كام نزل؟ أأ يعني بتعبيها في عبوات من كام لكام ؟ كده يعني، و لا أنت خلاص شفت المكنة و عايزها هي دي

العميل: هي المكنة دية يعني لو فيه حاجة تانية ممكن برضه نتفق عليها و أجي لحضرتك نشوفها على الطبيعة.

المهندس منسي: آه لا هو عادي طالما إنها موجودة و سعرها موجود على النت إحنا عملينه يبقى بالتأكيد تيجي تشرفنا تاخدها يعني.

العميل: الله يعزك يا فندم الله يعزك، طب معلش هي المكنة دية يعني بتعمل كام ألف في الساعة؟ المهندس منسي: ما هو أنا مش عارف أنهي مكنة اللي حضرتك واقف أدامها دلوقتي فهو لو سمحت.

العميل: آه.

المهندس منسي: حضرتك هو هتلاقي المواصفات موجودة طالما إن أنا حاطط السعر يبقى أكيد المواصفات موجودة.

العميل: أيوة، طيب هي دي المكنة دية عادية جدا خالص يعني ما شاء الله أنا شايفها صغيرة جدا 2 نزل.

المهندس منسي: آه 2 نزل أوتوماتيك.

العميل: آه مهي أوتوماتيك آه .

المهندس منسي: آه 2 نزل أوتوماتيك آه .

العميل: طيب دي طبعا بتقفل الغطاية لواحدها برضه و تودي لك الإزازة جاهزة على طول؟

المهندس منسي: لا دي بتعبي أوتوماتيك بس أما عملية قفل الغطا لوحدها دية دي مكنة تانية.

العميل: دي مكنة تانية آه لا ما إحنا عاوزين الاتنين بتقفل الغطاية برضه يعني بتوديلك الإزازة عالكرتونة .

المهندس منسي: ولا حاجة ما هو حضرتك بعد ما بتعبي بتخش الناحية التانية  بتقفل الغطا.

العميل: تمام تمام تمام، طيب مكان حضرتك فين يا فندم بعد إذنك .

المهندس منسي: إحنا عندنا باب الشعرية و حدايق القبة و مدينة نصر.

العميل: تمام تمام تمام، طيب فيه أسعار أقل من كده و لا فيه أعلى من كده ممكن.

المهندس منسي: لو أعلى من كده يبقى 4 نزل اللي هي إلـ4*1

العميل: آه لا إحنا عايزين نبدأ في المتوسط الأول يعني ما نندلأش مرة واحدة نخلينا في الحاجة المتوسطة المعقولة إن الواحد برضه يعني يبقى ماسك العصاية من النص زي ما بيقولوا.

المهندس منسي: ييسر لك ربنا.

العميل:هي الصناعة بتاعتها إيه يا فندم معلش؟

المهندس منسي: دي ماركة براند.

العميل: تمام تمام تمام، طيب إن شاء الله بإذن الله هأدي لحضرتك ألو و أجي لحضرتك إن شاء الله بإذن الله تعالى

المهندس منسي: إن شاء الله مع السلامة.

العميل: ماشي يا سعادة الباشا شكرا.