ماكينة تعبئة عبوات الصبغات الكيماوية السائلة من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : المهندس منسي
مهندس منسي : أيوه
العميل : أنا كنت كلمت حضرتك من يومين كده
مهندس منسي : أهلاً بيكي
العميل : أهلاً بحضرتك
العميل : كنت كلمت حضرتك على مكنة تعبئة …. مللي
مهندس منسي : عايزه تعبي إيه؟
العميل : هوه حضرتك اللي رديت عليا من يومين كده؟
مهندس منسي : ممكن يكون أنا أو حد تاني
العميل : طيب هوه أنا اللي كان كلمني كنت قلتله على مكنة تعبئة العلب الـ 50 مللي
مهندس منسي : آه.. هتعبيها إيه؟
العميل : سبغات كيماوية
مهندس منسي : بودر ولا سوايل؟
العميل : لأ سوايل
مهندس منسي : آه موجودة
العميل : طب ممكن هوه كان قالي إنها موجودة بس أنا كنت محتاجة أشوف فيديو ليها
مهندس منسي : طب ماشي حضرتك شرفينا بالزيارة اتفرجي عليها على الطبيعة
العميل : طب ما هو مكان حضرتك فين؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : أصل إحنا بعيد قوي، في الصالحية الجديدة، فلو في فيديو ليها موجود على صفحتكم في أي مكان ممكن أبص عليها مؤقتاً وأعرف السعر من حضرتك
مهندس منسي : أكيد في فيديوهات، اتواصلي معانا بقى على الإيميل
العميل : طيب ميل حضرتك ادهوني طيب
مهندس منسي : هبعتهولك حالاً
العميل : طيب أوكيه، حضرتك هبعت لحضرتك الميل لما تبعتهولي حضرتك هتبعتلي لينك للمكنة اللي موجودة عند حضرتك بالمواصفات بتاعتها بالسعر بتاعها
مهندس منسي : آه.. هوه أردي هتلاقي الأسعار موجودة تحت الوصف
العميل : يعني حضرتك هتبعتلي الإيميل في فيديو المكنة بالسعر بتاعها؟
مهندس منسي : إن شاء الله
العميل : طيب جميل خالص، شكراً لحضرتك، طب هستنى الميل دلوقتي
مهندس منسي : ماشي مع السلامة
العميل : شكراً يا باش مهندس مع السلامة
