ماكينة تعبئة عصير من شركة المهندس منسي

العميل: سلام عليكم

المهندس منسي: عليكم السلام

العميل: المهندس منسي

المهندس منسي: أيوه

العميل: حضرتك أنا جيبت رقم حضرتك من على النت حضرتك بتعمل بتجهز مصانع تعبئة عصير صح

المهندس منسي: آه في مواد غذائية وكله يعني

العميل: آه تمام.. أنا معلش أنا آسف على الإزعاج يعني بس أنا كنت عايز أستفسر من حضرتك يعني لو أنا عايز أعبي عصير بس يعني إيه نظام مثلاً تسجيل خط إنتاج وكده يعني، لو حد مثلاً عنده مصنع وعايز أعبي عنده، هل في حضرتك عندك فكرة الموضوع ده يبقى ماشي إزاي، أو ممكن مين أكلمه يفيدني فيه؟

المهندس منسي: هوه إحنا بالنسبة لنا إحنا معندناش إن أعرف مين اللي بيعبي ولكن إحنا اللي بنصنع المصانع

العميل: تمام.. ما أنا فاهم، النقطة دي أنا فاهمها

المهندس منسي: بالنسبة لنا إحنا جاست إن إحنا بنورد معدات مصانع، إنما منعرفش مين بقى بصنع إيه

العميل: تمام… طيب سؤال تاني، بالنسبة للتتروباك نفسه كرتون ده بييجي منين وإزاي، أو برده حضرتك عندك فكرة عن حد يكون متخصص فيها أكلمه، أنا معلش أصل أنا مش عارف أوصل لأي حاجة فحضرتك اللي ظهرتلي وشايف ما شاء الله يعني الشغل عند حضرتك في الحتة دي كتير فقلت ممكن حضرتك تفيدني

المهندس منسي: أنا بالنسبة لي أقدر أرد عليك في العصير أكياس، والعصير في عبوات، زجاجية أو بلاستيكية، بخصوص العبوات الـ تترباك ديت حضرتك هتراسل بيها الشركة وهمه هيردوا عليك في خلال 48 ساعة لأسبوع

العميل: شركة إيه بقى

المهندس منسي: شركتنا إحنا

العميل: آه.. تمام..

المهندس منسي: بتتكلم إن إنت عايز مصنع يعني…

العميل: لأ.. لأ.. لأ…

المهندس منسي: مصنع ولا عايز تصنع لدى الغير

العميل: آه عايز أصنع لدى الغير مضبوط

المهندس منسي: آه.. لأ لدى الغير معرفش

العميل: طب تمام.. ماشي.. شكراً