ماكينة تعبئة مشروبات في عبوات من شركة المهندس منسي
العميل: سلام عليكم
المهندس منسي: وعليكم السلام
العميل: إزيك يا باشا عامل إيه
المهندس منسي: الحمد لله
العميل: الباش مهندس منسي معايا
المهندس منسي: أيوه يا باشا
العميل: حضرتك بص يا باشا عندي مكان كده كنت عايز أخش في تصنيع المشروبات
المهندس منسي: آه يعني كنت عايز تعبيه ولا تعمل إيه؟
العميل: لا أنا عايز أصنع أعبي، بس ما عنديش خبرة في الموضوع دا
المهندس منسي: آه.. ما هوه كل العملية بتجيب البامب جاهز وبتحطه في ميكسر وبتزوده مياه وبتعبيه يا في عبوات يا في أكياس
العميل: آه طب أنا عايز التكلفة مكنة مثلاً ولا خط إنتاج ولا نظامه إيه أنا مش عارف حاجة خالص عن المشروع
المهندس منسي: هوه ميكسر واخد بالك، ميكسر يعني خلاط يعني
العميل: آه بيعمل كام لتر؟
المهندس منسي: إنت عايزه كام لتر؟
العميل: أنا معرفش حاجة، بص أنا ما عنديش فكرة…
المهندس منسي: متوقع إنك تعمل.. يعني تصنع أد إيه في اليوم؟
العميل: يعني مثلاً حوالي كام طن يعني؟
المهندس منسي: مثلاً يعني في اليوم أد إيه؟
العميل: يعني 10 طن
المهندس منسي: 10طن ولسه ما تعرفش حاجة، أمال لو كنت عارف كنت هتعمل إيه؟
العميل: والله مش عارف بس أنا أعرف أبيع يعني، أنا أعرف أبيع أصلي أنا عندي سوق كنت شغال في حاجات كتير قبل كده، بس المشروع ده ماعرفش عنه حاجة، عن التصنيع….
المهندس منسي: لا ماتقلقش بسيطة ما تقلقش، هتعبي في أكياس ولا في عبوات؟
العميل: لا هعبي في أزايز
المهندس منسي: في أزايز لتر ولا نص ولا ربع
العميل: عايز اللتر مثلاً
المهندس منسي: اللتر آه.. يعني مثلاً إنت محتاج ألف إزازة في الساعة، هتحتاج الخط ده أتوماتيك ولا نص أتوماتيك؟
العميل: اللي إنت شايفه صح
المهندس منسي: الصح أتوماتيك عشان ترتاح من قرف العمالة
العميل: مافيش مشكلة ماشي
المهندس منسي: مكنة التعبئة الأتوماتيك بتبدأ من ، دي ترميلك في الساعة حوالي 3 طن
العميل: ماشي
المهندس منسي: يعني 3000 إزازة
العميل: بس دي ما تتغير عليها الإزازة مثلاً….
تتغير آه
العميل: لأ يعني دي ممكن تتطلع لتر ونص لترين كده؟
المهندس منسي: آه تتغير إن شاء الله
العميل: ولا دي بتبقى على حجم معين؟
المهندس منسي: لا عادي معاك من أول 50 مللي لغاية لتر
العميل: طيب الـ 2 لتر دي بتبقى مكنة تانية؟
المهندس منسي: لأ هي نفسها تقدر تشغلها 2 لتر
العميل: آه بس دي مثلاً إنت بتجبلها الإزازة البلاستيك دي بتشتريه بقى وبتعبي إنت منها صح؟
المهندس منسي: إن شاء الله
العميل: طب نظامها إيه؟
المهندس منسي: بتحطلها العبوات على السير وهي بتعبيها لك أتوماتيك
العميل: آه.. طيب أنا عايز أقابلك إنت حضرتك منين؟
القاهرة
العميل: طب مكانك فين وكده عشان نشوف….
المهندس منسي: إحنا عندنا حدائق القبة، مدينة نصر، باب الشعرية
العميل: خلينا في باب الشعرية قريب ليا
المهندس منسي: ماشي
العميل: بتبقى موجود إنت إمتى؟
المهندس منسي: أنا بره مصر دلوقتي أدامي أسبوع وأرجع… بس عادي إنت ممكن تكلم أي حد من المبيعات
العميل: آه.. مافيش مشكلة طب إديني رقم حد طيب
المهندس منسي: 01211116956 وفي 57 وفي 58 وفي 59 وفي 60 وفي 61… وكده يعني
العميل: طيب مافيش مشكلة، بالنسبة بقى للصنايعية والناس اللي هتشتغل عليها دي نظامها إيه بقى؟
المهندس منسي: لأ دي مش محتاجة صنايعية، محتاجة بس حضرتك تتدرب عليها كويس مدة ساعة أو ساعتين
العميل: آه… والتركيب أنا أركبها وأشغلها عادي
المهندس منسي: إحنا هنركبهالك وهنعمل كل حاجة وهنعلمك إزاي تشتغل
العميل: مافيش مشكلة، طب طبعاً بتحتاج مكنة شرينك تانية صح؟
المهندس منسي: آه لو عايز شرينك بولي إيثيلين آه، شرينك بولي إيثيلين
العميل: يعني مش دي المكنة الخط معلش يعني بيعمل بيشرنك ولا إنت بتشتري مكنة شرينك؟
المهندس منسي: لأ ما هو كل وحدة لوحدها، مكنة التعبئة بس عامله ، بعد كده في مكنة شرينك، مكنة الشرينك بتاعت الأزايز في مكنة صغيرة بتعمل 430 وفي مكنة كبيرة بتعمل
العميل: آه… ماشي يا باشا عموماً أكلم الرقم ده أكلمه الصبح ولا أكلمه دلوقتي؟
المهندس منسي: هوه الساعة دلوقتي كام في مصر؟
العميل: الساعة 11
المهندس منسي: همه شغالين من 11-9 بالليل
العميل: خلاص ماشي يا باش مهندس
المهندس منسي: مع السلامة
العميل: طب الرقم اللي ادتهولي ده رقم حد معين ولا هيوصلني المبيعات على طول؟
المهندس منسي: ما هو مبيعات، وبعدين ده مش رقم واحد ده سريل ورا بعضه
العميل: عشان لو ما ردوش صح؟
المهندس منسي: يعني مثلاً سيريل لو ما ردش عليك الأولاني التاني التالت كده يعني
العميل: خلاص ماشي يا باش مهندس
المهندس منسي: مع السلامة
العميل: تسلم يا باش مهندس، شكراً يا باشا
