ماكينة تعبئة وبرشمة الازايز من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي معايا يا باشا
المهندس منسي : أيوه معاك اتفضل
العميل : حضرتك من شويه شوفت انكوا عارضين إنتم بتعملوا عندكم مكن..
المهندس منسي : ثواني حضرتك خليك معايا
العميل : إنتم عندكم مكن تعبئة الأزايز وبرشمة الإزازة عن طريق البولي إيثيلين تقريباً، وبرشمة الغطا بتاعها
المهندس منسي : آه…
العميل : تكلفة المكنة أد إيه بتاعت البرشمة يا فندم
المهندس منسي : ، يعني 2000 جنيه مصري
العميل : دي مكنة البرشام بس
المهندس منسي : آه
العميل : طيب إحنا مش عايزنها بفاتورة، هي رايحه مش عايزنها بفاتورة والكلام ده كله
المهندس منسي : ما هوه السعر ده قبل الفاتورة
العميل : بالفاتورة يبقى أد إيه؟
المهندس منسي : بالفاتورة يزيد 10%
العميل : خلاص تمام.. طيب تاني حاجة أنا عايز أزايز فاضية، زي أزايز المياه كده بالضبط
المهندس منسي : هوه إحنا طبيعة شغلنا إن إحنا بنصنع الاسطمبة الأول، وبعد ما نصنع الاسطمبة نبدأ نشتغل عليها، الاسطمبة بتتكلف في حدود
العميل : ؟
المهندس منسي : آه دي بتبقى لحماية العميل عشان… ده لحمايتك إنت يعني…
العميل : بص يا فندم أنا بقضي جيش في مزرعة، مزرعة بهايم وبقر والكلام ده كله، فالمزرعة عبارة عن وحدة ألبان البقر اللي فيها بيجيب لبن والكلام ده كله، فطبعاً أنا اقترحت على العميد إن إحنا نيجب أزايز ونعبيها لبن وتتباع مع المنافذ المتحركة اللي بتخرج من عندنا والكلام ده كله…
المهندس منسي : هي فكرة كويسة
العميل : طبعاً إن إحنا نجيب اللبن ونعبيها ونغلفها والكلام ده كله، فقلي الفكرة كويسة جداً وابدأ في التنفيذ، فأنا بعمل دراسة للمشروع كامل وهتتعرض على اللواء، رئيس جهاز مشروع الخدمة الوطنية، تمام
المهندس منسي : آه…
العميل : فطبعاً دلوقتي لو الفكرة مشيت هيبقى في خط بسترة وخط إنتاج للوحدة، لأنه بعد كده هيتعمل إنتاج ألبان، محتاج وحدة إنتاج ألبان صح، مش معنى كده إن عندي لبن وخلاص
المهندس منسي : آه
العميل : فدلوقتي إحنا عايزين أزايز برده، أزايز…
المهندس منسي : الكمية اللي إنت هتحتاجها أد إيه؟
العميل : الأول إحنا عايزين إزازة نعرضها عليهم كعرض أسعار وبعدين نشوف الكمية أد إيه، لأنه هوه ممكن يحتاجه على أقل كمية 500 مليون
المهندس منسي : كام….
العميل : أقل كمية هيطلبوها 500 مليون إزازة
المهندس منسي : آه… عموماً إنت نقي أي عبوة تعجبك وإحنا نصنعهالك ما تقلقش
العميل : طب تكلفة التصنيع بتاعتها هتبقى أد إيه يا فندم…
المهندس منسي : مش كله، الأزايز بتتحسب بناء على وزن العبوة وهي فاضية
العميل : طب بص يا فندم أزايز المياه مثلاً زي اللتر ونص بتاعت أي بركة نستلة الكلام ده كله تكلفتها أد إيه تصنيع؟
المهندس منسي : ما هوه أنا بقول لحضرتك أهوه، أقولك أي سعر وبس ولا… إنت كل اللي عليك إنك هتشتري إزازة فاضية واخد بالك حضرتك….
العميل : طب هقول لحضرتك يا فندم، حضرتك طبعاً اشتريت قبل كده إزازة مياه لتر اللي هي عامله 4 جينه أو 2 جنيه، هي دي اللي محتاج أصنعها
المهندس منسي : آه في منها شركات بتصنعها 35 جرام، بص هي إزازة المياه عموماً المياه اللي فيها ببلاش، يعني عايز أقول لحضرتك على حاجة، صلي على النبي أي إزازة مياه هتلاقيها في السوق بس الشركات الكبيرة هتلاقي المياه اللي جوه الإزازة ببلاش، يعني العبوة بتاعت البلاستيك ديت والليبول والحاجات ديت هي تكلفة الإزازة نفسها على أساس إنه بيبيع أزايز مع ليبول مع غطا
العميل : تمام…
المهندس منسي : لو سألت في الجملة إزازة النص لتر بكام، يبقى هوه ده تكلفة العبوة بتاعتك بعد ما اتعبت، فهمت كلامي
العميل : أنا اعتقدت إن تكلفة الإزازة ديت مثلاً تتكلف بتاع نص جنيه ربع جنيه بالكتير
المهندس منسي : آه ممكن كده آه.. تكلفة الإزازة، وعندك الليبول، ما إنت هتحتاج ليبول
العميل : آه الليبول طبعاً بيحتاج تكلفة ونظام الألوان ده طبعاً مكلف
المهندس منسي : عندك شرينك… اللي هوه ….
العميل : وتكلفة الشحن والنقل والكلام ده كله
المهندس منسي : وتكلفة التسويق وتكلفة النقل، وتكلفة الكرتونة….
العميل :.. والإعلانات، الكلام ده كله أنا دارسه كويس، الحمد لله أنا معايا 70 شهادة إدارة أعمال الحمد لله
المهندس منسي : 70 شهادة؟
العميل : آه والله واخدهم كلهم من شركات كبيرة، معظمهم أون لاين، بس واخدهم كويس معترف بيها يعني
المهندس منسي : صوتك كده بتتكلم في العشرينات، يعني إنت سنك كده في العشرينات
العميل : أنا عندي 25 سنة آه
المهندس منسي : ما هوه أنا بقولك، صوتك كده في العشرينات، ومع ذلك حصلت على 70 شهادة
العميل : آه الحمد لله يا عم
المهندس منسي : إيه فحت وردم ده ولا إيه؟ لو 25 سنة وواخد الشهادات دي….لا أنا مش هقر عليك اللهم لا حسد
العميل : خلاص يا فندم، والله العظيم أنا كنت ماسك قبل ما أدخل الجيش قبل مافيش شهر يعني ماسك نائب مدير فندق وكنت خلاص همسك الفندق كامل يعني في الغردقة، فندق كبير يعني
المهندس منسي : يبدو انك عندك شدة الإدارية إنك رحت الجيش ما كنتش روحت عادي، ماكنتش تقول ده عادي، اقترحت اقتراحات وبتحاول تتطور من نظام التشغيل
العميل : لا الحمد لله، الله يبارك في حضرتك، أنا سمعت عن حضرتك في الشركات فقلنا نتعامل معاك يعني
المهندس منسي : الله يبارلك
العميل : طبعاً أنا كويس قوي في التسويق فوق ما تتخيل، يعني بعرف أسوق أي منتج ساكن..
المهندس منسي : طب يا مسهل يا رب
العميل : وبعرف أعمله سوق، الحمد لله، فربنا يقدم اللي فيه الخير، طبعاً إنتم شركة إنترناشيونال وليكم اسمكم في السوق يعني، ربنا يكتر منكم يعني
المهندس منسي : الحمد لله
العميل : طيب، عايزين نقعد، الكلام في الواتس مش هينفع طبعاً
المهندس منسي : ماشي تيجي تشرفنا في أي وقت
العميل : طيب مكانكم فين وفاتحين إمتى
المهندس منسي : إحنا عندنا حدائق القبة، مدينة نصر، باب الشعرية
العميل : إنت بقى شخصياً فين، حضرتك.. حضرتك الأول ما تشرفتش بيك
المهندس منسي : أنا ببقى موجود من 5-11 كل يوم في باب الشعرية، ماعدا يوم السبت بكون في مدينة نصر من الساعة 2-11
العميل : دلوقتي موجود في باب الشعرية؟
المهندس منسي : آه موجود في باب الشعرية آه
العميل : باب الشعرية دي فين بالضبط، أجيلها منين يعني
المهندس منسي : باب الشعرية جنب العتبة وسط البلد
العميل : أنا قدامي شويه مشاوير كده هخلص وهكون في العتبة كمان ساعة نتقابل؟
المهندس منسي : تيجي تنورني يا باشا
العميل : الله يبارك في حضرتك، عندك عبوات أزايز ولا ما عندكش؟
المهندس منسي : آه في آه في إن شاء الله، نفرجك على حاجات…
العميل : طب كويس ونعرف عرض الأسعار والدنيا كلها كاملة بحيث إني أخلص دراسة الجدوى على يومين كده وأقدمها للواء يعني
المهندس منسي : إن شاء الله
العميل : الله يبارك في حضرتك، خلاص ماشي ، اسم حضرتك إيه يا باشا؟
المهندس منسي : المهندس منسي
العميل : تمام… هوه حضرتك صاحب الشركة؟
المهندس منسي : إن شاء الله
العميل : ماشي ربنا يكرم حضرتك، خلاص إن شاء الله هجيلك إن شاء الله
المهندس منسي : ماشي يا غالي
العميل : شكراً سلام عليكم
المهندس منسي : سلام
