ماكينة تعبئة وتغليف الانابيب من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: إزي الصحة
المهندس منسى: الحمد لله
العميل: هوه ده المهندس منسي
المهندس منسى: أيوه
العميل: والنبي كنت بستفسر على حاجة يا باش مهندس، أنا شفت على النت بتعملوا الأنابيب بتاعت النفخ والحاجات دي
المهندس منسى: آه في الأنابيب اللامينيت
العميل: اللي هي الألومنيا
المهندس منسى: لأ الألومنيوم بولي إيثيلين
العميل: أنا بس.. أنا عندي لصق وعايز أعبيه في أنابيب
المهندس منسى: في أنابيب إيه بقى ألومنيوم صافي
العميل: لأ مش شرط، ممكن بلاستيك.. المتاح يعني
المهندس منسى: إن شاء الله
العميل: طب هوه إيه النظام يعني هوه أنا مثلاً بجيبلك اللصق ولا أنا باخد الأنابيب دي فاضية وأنا بملاها…
المهندس منسى: بتاخد الأنابيب فاضية وتاخد مكنة التعبئة ومكنة اللحام
العميل: آه…. تمام، وبيبقى بيتكتب عليها ولا بتيجي فاضية بيضا؟
المهندس منسى: براحتك لو عايز تطبع عليها مافيش مشكلة، إنت عايز كمية أد إيه؟
العميل: ممكن مثلاً ألف أنبوبة، هوه العبوة 5 مللي
المهندس منسى: آه.. هوه إحنا للأسف بنشتغل على المصانع مش بنشتغل على الهواة، يعني إحنا أقل كمية عندنا 25000 أنبوبة
العميل: آه… أياً كان الحجم أو…
المهندس منسى: آه
العميل: طب دول أسعارهم إيه يا باش مهندس معلش؟
المهندس منسى: في حدود 25-30 قرش
العميل: الواحدة؟
المهندس منسى: إن شاء الله
العميل: تمام هوه المكان فين لو نحب برده نتعرف عليكم
المهندس منسى: إحنا عندنا حدائق القبة، مدينة نصر، باب الشعرية، 6 أكتوبر، العبور
العميل: تمام… يبقى نجيلك باب الشعرية أقربلنا إحنا في المعادي
المهندس منسى: إن شاء الله، اكتب على النت سيرش على جوجل…
العميل: أنا شفت ورا القسم العنوان ورا القسم
المهندس منسى: مافيش مشكلة
العميل: طب والمواعيد إيه يا باش مهندس؟
المهندس منسى: من 11-9
العميل: تمام يا بيه، طب والميعاد اللي نلاقيك في بقى شخصياً؟
المهندس منسى: لا والله ده أنا في المغرب دلوقتي
العميل: كويس سلملنا على كزابلانكا بقى
المهندس منسى: حاضر
العميل: ماشي… إنت راجع إمتى طيب؟
المهندس منسى: أدامي يومين
العميل: طب خلاص أنا هستنى لما ترجع
المهندس منسى: ماشي يا غالي
العميل: طيب يا بيه سلام
