ماكينة تعبئة وتغليف الزيت في ازايز اتوماتيك من شركة المهندس منسي

العميل : السلام عليكم أستاذ.

المهندس منسي : أيوه معاكي اتفضلي

العميل : شركة المهندس منسي

المهندس منسي : أيوه

العميل : تمام… حضرتك أنا عايزه مكن تعبئة وتغليف الزيت، عايزه أتوماتيك، عندكم متوافر المكن ده؟

المهندس منسي : إن شاء الله

العميل : طب تمام، ممكن أنا عايزه عرض أسعار بيه على الإيميل بتاعي؟

المهندس منسي : طب إنتي هتعبي زيت في إيه؟ أزايز ولا أكياس؟

العميل : في أزايز، الأزايز دي حجمها من 800 جم لحد لتر، 3 و 4 لتر

المهندس منسي : هوه المكن بضاعة حاضرة تعالي عجبك ادفعي فلوسك وخديه

العميل : طب تمام، طب أنا عايزه عرض أسعار بس عشان أعرضه على المدير بتاعي

المهندس منسي : والله عملية عروض الأسعار دي بالنسبة لنا مرهقة على الفاضي، يعني عايزين عروض أسعار.. عروض أسعار وبعدين..

العميل : طب حضرتك مكانك فين؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : طيب المكن كله أتوماتيك مش نص أتوماتيك صح؟

المهندس منسي : عندنا الـ 2 نص أتوماتيك وأتوماتيك

العميل : طب تمام، حضرتك طيب ممكن أجيلك النهاردة مثلاً

المهندس منسي : آه شغالين آه

العميل : طيب تمام اديني بقى العنوان بالضبط

المهندس منسي : أنا هبعتلك إحنا عندنا حدائق القبة، مدينة نصر، باب الشعرية، 6 أكتوبر

العميل : طب مثلاً باب الشعرية دوت اللي هوه خلف الحي أمام المصنع

المهندس منسي : آه خلف رئاسة حي باب الشعرية

العميل : آه… في هناك مهندس حمادة والحاج شوقي صح كده

المهندس منسي : آه هوه ده آه

العميل : طب تمام… إنتم عندكم المكن الأتوماتيك والحاجات ديت تمام كده؟

المهندس منسي : آه..

العميل : اللي هي بتاعت الزيت، طب أوكيه، أنا ممكن أجيلك شويه كده وتلاقيني موجودة عندك

المهندس منسي : هبعتلك بقى تليفوناتهم وتابعي معاهم

العميل : ما هو أنا بقولك ابعتلي عرض الأسعار على الإيميل عشان لو كده أنزل أشوف، إنت فاهمني إزاي؟

المهندس منسي : أصل دي بضاعة حاضرة، وبعدين البيعات كلها صغيرة يعني أعمل عرض أسعار عشان مكنة مثلاً بمبلغ صغير زي دي

العميل : ما هو أنا بقولك أنا عايزه مكن نفخ ومكن تعبئة ومكن تغليف عشان بفتح مصنع

المهندس منسي : آه.. عموماً إحنا بنعمل عروض الأسعار بناء على جدية العميل، يعني العميل…

العميل : يعني أنا لما أجيلك دلوقتي من مدينة نصر لحد باب الشعرية دي كده جدية العميل؟

المهندس منسي : لأ

العميل : أمال إيه؟

المهندس منسي : جدية العميل إنك تدفعي مقدم على الأقل 10000 جنيه بتخصمه لما تنفذي

العميل : يعني عايزني الأول أدفع 10000 جنيه قبل ما تديني عرض أسعار…

المهندس منسي : اسمعيني للآخر الله يرضى عليكي، إحنا المكن عندنا بضاعة حاضرة، حضرتك هتيجي تتفرجي على المكن عجبك هتقولي آدي 10000 جنيه واخده بال حضرتك

العميل : آه…أديلك 10000 جنيه، طب نفترض إن أنا بالنيابة عن المدير بتاعي مثلاً هوه مش موجود…

المهندس منسي : طب هوه دلوقتي عجبك كسعر وعجبك كجودة ولا ما عجبكيش؟

العميل : ما هو أنا خلي بالك أنا…

المهندس منسي : على العموم إحنا ما بنخشش في عطاءات ولا مناقصات عشان خاطر الصداع بتاعها، فالمكن بتاعنا بضاعة حاضرة، فحضرتك هتيجي لو لقيتي سعرنا كويس وجودتنا عالية هتتوكلي على الله، لو لقيتي سعرنا أعلى أو ما عجبكيش النظام يبقى

العميل : خلاص يعني أنا ممكن أصور المكنة وأكتب السعر قدام منها وأوريها للمدير

المهندس منسي : المكن متصور جاهز

العميل : يعني إنت هتديني دوت لما آجي..

المهندس منسي : هتخشي على النت هتلاقيه متصور جاهز ومحطوط تحت كل حاجة سعرها

العميل : فين على موقع إيه؟

المهندس منسي : أنا هبعتلك الموقع دلوقتي في رسالة

العميل : طب ماشي في انتظار حضرتك

المهندس منسي : ماشي يا سيتي مع السلامة

العميل : الله يخليك شكراً