ماكينة تعبئة وتغليف السوائل موديل 503 من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : باش مهندس منسي

مهندس منسي : أيوه معاك اتفضل

العميل : الحمد لله بخير يا فندم

مهندس منسي : أنا كنت بسأل حضرتك على سعر مكنة تغليف وتعبئة اللي هي 502

مهندس منسي : آه…

العميل : هغلف بيها سوائل

مهندس منسي : إحنا استبدلناها إحنا طورناها وخليناها 503

العميل : 503، أنا ما عنديش التحديث ده

مهندس منسي : ماشي مافيش مشكلة، هي نفس المكنة أحدث وأوفر يعني

العميل : طيب جميل أنا حابب أعرف…

مهندس منسي : على النت آه

العميل : هوه بص هقولك على حاجة، الفكرة إن إحنا عندنا محل عندنا منظفات ففكرنا إن إحنا نعمل زي مصنع صغير كده نعبي فيه شامبوهات وحاجات زي كده

مهندس منسي : إن شاء الله

العميل : بأمر الله تعالى، فقولت لما أسأل بقى أشوف الأسعار تبقى كام والدنيا تبقى إيه نظامها

مهندس منسي : هي بتبدأ من 35000

العميل : طيب هي تبدأ… إزاي هي مش المفروض كلها وحدة واحدة، ولا سعات؟

مهندس منسي : سعات آه، في لغاية ربع لتر، وفي لغاية نص لتر، وفي لغاية لتر.. وكده يعني

العميل : لأ فهمني أكتر، الربع لتر ده إيه؟ والنص لتر ده إيه؟ واللتر إيه؟

مهندس منسي : يعني في مكنة إنت مش محتاج تعمل لغاية نص لتر، فإنت محتاج لغاية ربع لتر بس، عايز تعمل شامبوهات وكاتشب وحاجات من دي

العميل : آه ربع لتر اللي هوه لغاية 250 جرام

مهندس منسي : أيوه لغاية 250 جرام فإنت بتاخد أول حاجة اللي بـ ، حبيت تعلي السعر بيعلى معاك

العميل : طيب لو أنا هعبي نص لتر؟

مهندس منسي : لو إنت هتعبي نص لتر هتغير البامب بس، هتبدأ تقعد مع فريق المهندسين وهيقوللك إيه والله هيزيد في السعر كذا

العميل : طيب مافيش أراوند كام عشان أعرف أبيع إزاي؟

مهندس منسي : ما هي أراوند كده يعني تيجي لواحد كده في ثانية ويقعد يسأله لازم تقعد معاه ويقولك هتعبي إيه؟؟؟ وكده يعني

العميل : هعبي.. إحنا منظفات عندنا محل كده منظفات، فإحنا بنعمل عارف الداوني

مهندس منسي : آه

العميل : بنعمله باستخدام روايح جميلة وحاجة كويسة يعني، فأنا جه في دماغي قلت إيه قلت طب ليه يا جماعة، ما نعمل جزء من المحل.. همه محلين جنب بعض، ناخد محل فيهم ونجيب مكنة تعبئة وتغليف وبدل ما كده نعبي الداوني ده في أكياس أفضل، على الأقل يبقى سعره أحسن ونجيبله ترخيص ونجيبله كل حاجة يعني مش هنعمل حاجة تحت بير السلم، إحنا هنعمل حاجة كويسة بس على أدنا يعني، لأن إحنا لسه شباب صغير يعني

مهندس منسي : إن شاء الله

العميل : بس فدي الفكرة اللي جت في دماغي وكده يعني

مهندس منسي : لا تحت الأمر حاضر

العميل : خلاص ماشي طب لو حبيت آجي لحضرتك آجي لحضرتك فين؟

مهندس منسي : إحنا عندنا حدائق القبة، مدينة نصر، باب الشعرية

العميل : أعتقد مدينة نصر أفضل، فين المقر في مدينة نصر

مهندس منسي : هبعتلك العنوان في رسالة حالاً

العميل : خلاص يا فندم ماشي يا باش مهندس

مهندس منسي : ماشي

العميل : أنا هكلم حضرتك وهقولك هاجي لحضرتك إنت طبعاً

مهندس منسي : إن شاء الله

العميل : إن شاء الله… إن شاء الله.. ماشي.. ماشي مع السلامة