ماكينة تعبئة وتغليف المواد الغذائية موديل 911 ماركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : إزي حضرتك عامل إيه تمام

المهندس منسي : الحمد لله

العميل : أحمد الجويني من شركة الجويني

المهندس منسي : أهلاً بيك

العميل : أهلاً بحضرتك يا فندم، أنا كنت محتاج مكنة التعبئة بتاعت المواد الغذائية المجمدة، اللي هي الخضروات المجمدة الـ 400 جرام

المهندس منسي : آه… هتتعبى في أكياس يعني؟

العميل : آه.. خضروات مجمدة آه، اللي هي مكنة تعبئة بسير كده وبعد كده تطلع  بنوزن بعد كده كذا حاجة هي بتعملها، أكياس 400 جرام

المهندس منسي : إن شاء الله

العميل : وهحتاج اللي هي الماكينة التانية اللي هي بتصلق الأكياس اللي هي بسير، ماكينة لصق التاريخ اللي هي بتاعت التاريخ، بتلصق التاريخ على الكيس، دول متوفرين ولا؟

المهندس منسي : آه متوفرين

العميل : طيب دول أنا محتاج فيهم عرض سعر كده بس يكون كويس كده إذا كان كده هنبدأ نحجزهم على طول إن شاء الله يعني

المهندس منسي : إحنا عندنا حدائق القبة، مدينة نصر، باب الشعرية أبعتلك أنهي فرع؟

العميل : أنا من البحيرة

المهندس منسي : هبعتلك باب الشعرية هتلاقي في 3 تليفونات مبيعات قلهم عايز مكنة ام تو باك 911

العميل : طيب ماشي، أنا هبعتلهم الإيميل

المهندس منسي : آه ابعت طلب استفسار على الإيميل يا إما تواصل معاهم دايركت قلهم أنا عايز عرض سعر

العميل : طب ليه ما ممكن أتواصل معاهم على الواتس

المهندس منسي : أكتر واحد المهندس حمادة أو أ/ زكريا، بس همه العملية هي بضاعة حاضرة واخد بالك، إنت عايز تجمع أسعار الأول قبل ما تشتري يعني؟

العميل : أنا هاخد عرض أسعار من كذا حد كمان، الأنسب والأحسن هعمل برده زيارات

المهندس منسي : المشكلة إن حضرتك كده قاعد بتتكلم علي الواتس هتبقى عرضه للي يتكلم أحسن واللي مستف ورقه أحسن… يعني حضرتك دلوقتي عايز مكنة تعبي منتج معين، تاخد منتجك وتبص على المكنة، أول حاجة تشوف المميزات بتاعتها، بتقولهم إنتوا مميزاتكم إيه؟؟ إحنا ماركة، إحنا براند مش تجار، يعني إحنا بنصنع لحسابنا قطع الغيار وبنجمعها، يعني إحنا ماركة، شركتنا بتمتاز بإيه؟؟؟ تمتاز بالسهولة والبساطة بساطة التشغيل، وأنها سلسة فهتني إزاي، فدي مميزات شركة المهندس منسي، + إن سعره أرخص سعر على مستوى العالم، مش على مستوى مصر لوحدها

العميل : تمام…

المهندس منسي : أما أنا لو قعدت علي الواتس ورحت جايب الشركات اللي بتشغل في المجال ده في مصر أنا عايز تلفزيون، ابعتولي عرض أسعار التلفزيونات، واحد هيبعت واحد هيطنش، واحد هينسى، واحد مش عارف إيه…. مين بقى اللي هيجري وراك اللي مش أكتفيتي قوي، اللي مش أكتفيتي ده اللي هوه يلصق في أرابيز الواحد، هوه ده اللي هيجري

العميل : آه…

المهندس منسي : عموماً أنا بقولك وجهة نظري وإنت برده ليك حرية الاختيار في الأول وفي الآخر، هي بس محتاجة منك شوية تعب 3 ـ 4 أيام إنك تلف هنا وهنا وهنا وتختار الأنسب

العميل : مضبوط.. مضبوط

المهندس منسي : عموماً أنا هبعتلك برده العنوان في رسالة، أنا مش مبيعات، أنا استشاري الشركة، فأنا هبعتلك العنوان دلوقتي حالاً

العميل : فالناس اللي أنا.. المهندس حمادة والناس ديت هتبعتلي أرقامهم

المهندس منسي : إن شاء الله هبعتلك في رسالة حالاً دلوقتي

العميل : طب ماشي يا باش مهندس.. ماشي سلام عليكم