ماكينة تعبئة و تغليف أكياس البرفان من شركة مهندس منسي

المهندس منسي:سلام عليكم .

العميل :سلام عليكم ، إذاى حضرتك يا باشا ؟

المهندس منسي:أهلا بيك .
العميل :مش حضرتك بتاع إم تو باك ؟
المهندس منسى :أه.
العميل :أنا اللى كلمت حضرتك إمبارح
المهندس منسي:إنتا عايز برفان أكياس ؟ .
العميل :أه .
المهندس منسي:موجودة المكنة أؤمر ؟
العميل :أنا مش عايز المكنة ، أنا عايز عبوات ، مكتوب عبوات برفان أكياس ، عاوز شغل جاهز ، عاوز أبيع  بس .
المهندس منسي:عاوزنى أعبيلك ؟
العميل :هو مكتوب كدا فى الإعلان ، برفان أكياس و شامبو و جل وربج 65% و مطلوب موزعين .
المهندس منسي: لا هو إحنا بنبيع المكن .واخد بال معاليك ؟
العميل :معاك يا باشا .
المهندس منسي:و الخامات بقى اللى بيتعمل فيها الأكياس ، و بطبعلك بقى الخامات اللى هو ورق التغليف .
العميل :حضرتك بتبيع الخامات بس .
المهندس منسي:آه الخامات و المكن ، يعنى إنتا مثلا لو عندك مصنع إحنا بنعملك المصنع .
العميل : طب حضراك مكنة اللولويتا بكام دلوقت ؟
المهندس منسي:ب 28 ، بتبدأ من 28 ،إنتا عايزها إيه نص أوتوماتيك ؟و لا عايزها إيه ؟ فيه مكنة لوليتا عندنا فى حدود 430 .
العميل :دى كام بالمصرى دى ؟
المهندس منسي:أمسك بقى ورقة و قلم و احسبها .
العميل :دى العادية مش الاتوماتيك ؟
المهندس منسي:أه العادية .
العميل :و الاكياس بتاعتها بتتعمل بالطن و لا الرول و لا ايه ؟
المهندس منسي: بالطن آه .
العميل :دى بتاعة الأشكال و لا المسطرة ؟
المهندس منسي: لا المسطرة،  و فيه برضو عندنا بتاعة اللوليتا الأشكال ، آه .
العميل :نفس السعر و لا أعلى .
المهندس منسي:نفس السعر .
العميل :طب و طن الأكياس بتتكلف كام الطباعة ؟
المهندس منسي:و الله مش كله ، حسب الألوان و التخانة ، واخد بالك ؟
العميل :على فكرة انا كنت عندكوا فى فرع باب الشعرية من فترة قريبة مع م/أحمد ، كنت عاوز مكنة الجيلى ، بس ما توفقناش فيها يعنى ، مكانتش هى اللى عايزها .
المهندس منسي:كنت عايز إيه فيها بقى ، إيه المواصفات ؟
العميل :هو ورانا مكنة اللحام بقى ، بس أنا كنت عاوز مكنة كاملة زى بتاعة اللوليتا ، بتعبى و تلحم .
المهندس منسي:ما هى عندنا
العميل :لما سألته ، ورانى بتاعة اللحام بس .
المهندس منسي:لا يبقى إنتا معرفتش تفهمه مظبوط، قوله الأوتوماتيك كاملة تعبى فى أكياس  .
العميل :لا الجيلى القمع .
المهندس منسي:أه ، إنتا عايزها القمع اللى بتشكل ، اللى بيبقى عامل زى صوباع الأيس كريم .
العميل :أه زى الأيس كريم .
المهندس منسي:أها ، إحنا عندنا بقى المكنة اللى تشكله و تعبيه و تلحمه .
العميل :هو ورانى المكنة الصغيره مكوى بس تحط فيها العبوات مليانة و هى تلحم بس .
المهندس منسي:أه لا فيه عندنا مكنة تشكله و مكنة تعبيه و مكنة تلحمه .
العميل : أه يعنى كل حاجة ليها مكنة ؟
المهندس منسي:هما تلات ماكينات ، مكنة تشكله و مكنة تلحمه ، ومكنة تعبيه .
العميل :إمم
المهندس منسي:أه ، إنتا عايز المكنة الكاملة ؟ بس دى غالية يا بن عمى ب45 ، يعنى فيما يعادل 400 ألف جنية
العميل :  أه ، الكاملة دى .
المهندس منسي:هأه بتشكل و تعبى و فى نفس الوقت تلحم و تقطع .
العميل :أنا عايز حاجة تعبى و تقفل بس ، متكونش بتشكل و لا تصنع .
المهندس منسي:موجودة ، بس إنتا قوله يا بشمهندس أحمد، خد حته معاك و قوله عايز مكنة الأول تشكل دى و بعدين تعبى دى و بعدين تلحم دى .
العميل :لا أنا القمع أخدته معايا ، و قولتله ، أنا عايز حاجة أحط فيها القمع فاضى و أحط العبوة فوق ، و هى تعبى و تلحم.
المهندس منسي:لا أنا موجود إنهاردة تعالى نقعد مع بعض فى فرع مدينة نصر ، المكن بتاعك موجود ، هما بس علشان حديثين فى العهد مش عارفين كويس .
العميل :ما انا روحت المخزن بتاع مدينة نصر ، المخزن اللى تحت ، و شوفت المكنة .
المهندس منسي:شوفت المكنة إيه .
العميل :المكنة بتاعة اللب و اللوليتا .
المهندس منسي:أه .
العميل :كانوا مشغلينها لحد يعبى بيها لب .
المهندس منسي:أه ، إتبسطت منها ؟
العميل :بإذن ربنا ، فيه واحد صاحبى محتاج ، مكنة يعبى بيها سكر ، هننزل القاهرة فى خلال الشهر الجاى .
المهندس منسي:ماشى إنتا تيجى تنورنى ، المكن بتاعك موجود ، قولهم لو قالولك لا ، قولهم بس أنا عاوز أقابل المهندس منسى .
العميل :المهندس مجدى ؟
المهندس منسي:منسى ، ميم ، نون ، سين ، يه .
العميل :البشمهندس منسى ، إتشرفت بحضرتك .
المهندس منسي:الله يباركلك يا غالى .
العميل :تعبت حضرتك .
المهندس منسي:و لا يهمك يا غالى ، مع السلامة .
العميل :مع السلامة .