ماكينة تغليف أطباق البيض من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : شركة المهندس منسي
مهندس منسي : أيوه
العميل : بعد إذن حضرتك كنت عايز أسأل على الأطباق البيض البلاستيك
مهندس منسي : آه
العميل : هحتاج تقريباً في الشهر بتاع حوالي من 3-8 آلاف طبق
مهندس منسي : آه هوه إحنا بنبيع المكنة اللي بتصنع الطبق
العميل : آه مش الطبق نفسه يعني
مهندس منسي : آه… عندنا كمان مكنة التغليف بتاعتها
العميل : طب هي المكنة دي بكام ولا إيه نظامها؟
مهندس منسي : بتعمل علماً إن بنحاسب ال على 12.5 جنيه
العميل : إنتم قلليني ليه كده؟
مهندس منسي : عاملين ديسكاوند عشان الدنيا تمشي شويه بدل ما هي واقفة كده
العميل : أيوه.. أيوه.. طب إنتاجيتها أد إيه دي؟
مهندس منسي : حضرتك بقى تيجي تشوفها وتبص عليها… إنتاجيتها من ناحية إيه؟؟ هتعمل كام طبق يعني؟
العميل : القدرة الإنتاجية آه
مهندس منسي : هوه الطبق بتاعك كام × كام
العميل : هوه الطبق هياخد 30 بيضة
مهندس منسي : لأ كام سم × كام سم؟
العميل : مش فارقة معايا، أنا كل اللي فارق معايا إن أنا أحط الطبق 30 بيضة
مهندس منسي : إنت بالنسبة لك بتفرق معاك بالبيضة، إحنا بالنسبة لنا تفرق معانا بالسم، يعني نشوف طبق البيض المقاس…
العميل : نشوف المقاس المناسب يعني
مهندس منسي : قيسه بقى وقولي، أول ما تقيسه تقولي وأنا إن شاء الله أقولك ممكن تتطلع كام طبق
العميل : تمام..
مهندس منسي : ماشي يا غالي مع السلامة
العميل : ألف شكر
