ماكينة تغليف أطباق البيض و أكياس المكرونة بالشرينك الشفاف
المهندس منسي: السلام عليكم
العميل: وعليكم السلام ازيك يا باشمهندس
المهندس منسي: أهلا بيك
العميل: أهلا بحضرتك لو سمحت أنا بتصل بسأل على المكنة اللي هي بتاعت التغليف دي
المهندس منسي: اه
العميل: هي هو ده خط ولا مكنة تغليف لو أنا عايز أغلف بيها مثلا أطباق بيض وحاجات من دي
المهندس منسي: اه دي مكنة مكنة تغليف اه حضرتك هتحطلها المنتج هتحط المنتج في كيس وترميه فيها هتشد الكيس عليها وتغلفه ويطلع من الناحية التانية متغلف
العميل: اه يعني هتغلف أطباق بيض ولو حابب معاها مثلا أحط مثلا كيسين مكرونة مع بعض تغلفهم والكلام ده
المهندس منسي: اه مفيهاش مشكلة لأ
العميل: ده اللي هو بتغلف بالاسترتش ولا اللي هو الشفاف التاني
المهندس منسي: زي الاسترتش ولكن ده الشفاف اسمه شرنك
العميل: اه طيب لو حضرتك أنا عايز أتفرج على المكنة دي على الطبيعة أشوفها فين
المهندس منسي: هو يستحسن تيجي على الطبيعة تتفرج عليها
العميل: اه
المهندس منسي: أي فرع من فروعنا
العميل: طيب حضرتك ممكن تقولي أقرب فرع فين
المهندس منسي: احنا عندنا حدائق القبة باب الشعرية مدينة نصر
العميل: طيب اللي في مدينة نصر فينها أنا من المنصورة مش من القاهرة
المهندس منسي: اه
العميل: اللي في مدينة نصر فين
المهندس منسي: في مكرم عبيد
العميل: مكرم عبيد فين بقى
المهندس منسي: هبعتلك الداتا بتاعته في رسالة دلوقتي
العميل: طيب ياريت الله يكرمك متحرمش من ذوقك
المهندس منسي: ماشي يا باشا مع السلامة
العميل: شكرا شكرا لحضرتك
