العميل : سلام عليكم
مهندس منسي : وعليكم السلام ورحمة الله وبركاته
العميل : أيوه
مهندس منسي : أيوه يا فندم
العميل : شركة المهندس منسي معايا يا فندم
مهندس منسي : أيوه
العميل : معلش كنت عايز أستفسر عن شوية حاجات كده معلش
مهندس منسي : اتفضل
العميل : كان في مكنة كانت معروضة على النت وكده ، أنواع المكن يعني مكنة تغليف باتيه بالأخص
مهندس منسي : نعم؟
العميل : مكن تغليف، تغليف يا فندم
مهندس منسي : آه
العميل : عاوز أستفسر يعني يعمل كام
مهندس منسي : لا تحت أمرك اتفضل
العميل : لو هشتري مكنة يعني حضرتك هفتح مصنع باتيه
مهندس منسي : آه مصنع باتيه آه
العميل : أيوه يا فندم، فعايز أشتري حاجة برده أنا لسه في البداية فاهمني حضرتك، عاوز أشتري حاجة مش غالية وفي نفس الوقت حاجة إيه حديثة شوية
مهندس منسي : آه…
العميل : فأنا بصراحة أنا ماعرفش فيه عشان ما أكدبش عليك وقلك أنا عارف فيه
مهندس منسي : آه إنت عايز مكنة باتيه
العميل : آه
مهندس منسي : آه في مكنة عندنا أتوماتيك عامله
العميل : تغليف
مهندس منسي : آه
العميل :
مهندس منسي : آه… وفي مكنة كمان عندنا بتنفخ الكيس لو إنت عايز تحط الباتيه…
العميل : كمبروسر… طب ما أنا كده كده ممكن أحط فيها كمبروسر
مهندس منسي : آه…
العميل : في المكنة اللي هي بـ4200 ممكن أحط فيها كمبروسر
مهندس منسي : 4500 آه
العميل : طب لو حاجة أقل من كده مفيش
مهندس منسي : في بقى نص أتوماتيك…
العميل : حضرتك بتكلمني في 4500 ولا 4200 دول بنتكلم حوالي 50000 جنيه
مهندس منسي : يعني حوالي 45000 جنيه
العميل : أكتر من كده كمان ماشي
مهندس منسي : في حاجة بقى أتوماتيك هاند ميد، أو نص أتوماتيك
العميل : تمام دي تعمل كام؟
مهندس منسي : تعمل في حدود 700 –
العميل : طب ديت يعني الفرق بين النص أتوماتيك والأتوماتيك كام
مهندس منسي : هي دي بتحطها القطعة وهي بتاخدها وتروح مغلفاها، اسمها مكنة باتيه، ده ابتكار إحنا عملينها
العميل : تمام
مهندس منسي : بتحطها القطعة هي بتاخدها وتروح عاملها حطاها في كيس وتروح قطعاه
العميل : دي النص أتوماتيك
مهندس منسي : آه
العميل : طب والأتوماتيك؟
مهندس منسي : الأتوماتيك كاملة بتحطلها القطعة وهي بتغلفها
العميل : تمام
العميل : التانية برده حضرتك بتقولي بتحطلها القطعة وهي بتغلفها
مهندس منسي : آه بس بتفرق بقى في الإنتاجية، إن دي مالهاش بيوت تتحط فيها القطعة، إنما الأتوماتيك ليها بيوت
العميل : آه.. آه.. آه
مهندس منسي : زي أطباق كده ترص ترص ترص ترص وتلاحق عليها
العميل : أيوه
مهندس منسي : إنما التانية إنت بتحطلها في القلب في قلب الكرفاته، في قلب بق الكرفاته، الكرفاته بتروح واخدها وتروح نازله تروح منزلاها في قلب الكيس وتروح مغلفاها
العميل : دي تاخد معايا وقت كتير عشان تتطلع إنتاج
مهندس منسي : آه
العميل : يعني لو بتطلع مثلاً مثلاً 500 قطعة في الساعة التانية ممكن تتطلع 10000 قطعة في الساعة
مهندس منسي : مضبوط آه
العميل : بتحمل وقت كتير جداً يعني، بس برده السعر ما بين دي ودي كتير جداً يعني
مهندس منسي : آه
العميل : طب مافيش حاجة أتوماتيك يعني سعرها خفيف شوية عن 4500 دول
مهندس منسي : لو كان عندي أنا ما كنتش اتأخرت عنك
العميل : حبيبي ربنا يكرمك يا باشا
العميل : طيب النص أتوماتيك دي آخرها كام لو هناخدها
مهندس منسي : أسعارنا نهائية عشان إحنا شركة عالمية مش شركة فردية، إحنا مش تجار إحنا شركة عالمية شركة على مستوى العالم مقيدين بقائمة سعر ما نقدرش نتعداها
العميل : أيوه… أيوه، بس أنا شوفتها بـ 600 حضرتك كنت عارضها على النت بـ 600
مهندس منسي : آه في نوع تاني عندنا بـ 600 آه
العميل : تمام
مهندس منسي :
العميل : أيوه
مهندس منسي : آه في نوع تاني عندنا بـ 600 اللي هوه الأولاني
العميل : تمام
العميل : خلينا في الأولنية دي اللي هي بـ 600 حلوة…
مهندس منسي : إنت تيجي تنورني
العميل : باب الشعرية أنا عارف العنوان
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : تمام.. تمام، طيب مكنة الحقن معلش أستفسر عن مكنة الحقن لو..
مهندس منسي : حقن إيه؟
العميل : حقن باتيه برده
مهندس منسي : آه.. موجودة آه 1350
العميل : ياه…
مهندس منسي : بتحقن لغاية كيلو
العميل : ياه كتير برده ألف وكام
مهندس منسي : 1350
العميل : يعني مافيش حاجة أقل من كده شوية
مهندس منسي : أقل منها إزاي؟
العميل : هتبقى يدوي مثلاً
مهندس منسي : يدوي….
العميل : أقل منها في السعر يعني
مهندس منسي : لا صدقني، ممكن لما تيجي بقى إن شاء الله تحاول تشوف الحاجات… إنت هتحقن إيه؟ هتحقن شكولاته، ولا هتحقن إيه مربى
العميل : هحقن مربى وشكولاته وجبن، جبنة بيضا وجبنة….
مهندس منسي : المكنة بتاعت المواد اللزجة، مش هتنفع فيها الـ…، المكنة بتاعت المواد اللزجة
العميل : تمام… ممكن كما أحقن حلاوة
مهندس منسي : آه…
العميل : حلاوة سبريد
مهندس منسي : إيه الحلاوة الاسبريه دي
العميل : حلاوة بالشكولاته نوع حلاوة، حلاوة بالقشطة وحلاوة بالشكولاته.. حاجات يعني متطورة….
مهندس منسي : جبهملنا وإنت جاي عشان خاطر ندوق وفي نفس الوقت…
العميل : حضرتك تأمر، اللي حضرتك تأمر بيه ما فيش مشكلة يا باشا
مهندس منسي : ماشي يا باشا
العميل : ماشي يا فندم، شكراً، معلش اسم حضرتك بس عشان بس لما آجي
مهندس منسي : باش مهندس منسي الاستشاري بتاع الشركة
العميل : خلاص ماشي شكراً يا باش مهندس
مهندس منسي : مع السلامة
العميل : شكراً… شكراً
