ماكينة تغليف البرطمانات بالشرينك موديل 101 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	معاك محمد من سوهاج يا فندم
المهندس منسي	:	أهلاً وسهلاً
العميل	:	أهلاً بيك يا باش مهندس، عارف حضرتك القاعدة الكرتون اللي بنحط فيها برطمانات ونشد عليها بلاستيك وبتتغلف
المهندس منسي	:	آه
العميل	:	عايز المكنة دي
المهندس منسي	:	موجودة عندنا آه
العميل	:	تمام.. إيه الموديلات بتاعتها، وأحجامها؟
المهندس منسي	:	هي موجودة بضاعة حاضرة، هي الموديل بتاعها 101 ماركة المهندس منسي، شوف حضرتك المنتج اللي هتغلفوا إيه وهاته وتعالى جرب وإنت واقف
العميل	:	تمام.. أنا هغلف برطمانات صغيرة وأزايز زي بتاعت الكحول كده صيدليات
المهندس منسي	:	آه الارتفاع كام؟
العميل	:	15 سم مثلاً
المهندس منسي	:	آه والعرض؟
العميل	:	هو بص حضرتك العرض تقريباً 25 -30 مثلاً ، القاعدة الكرتون
المهندس منسي	:	الطول مش مشكلة عندنا، هو دايماً بنبص على الارتفاع والعرض بس
العميل	:	الارتفاع مش هيزيد عن 15-17 مش أكتر من كده
المهندس منسي	:	آه موجودة بضاعة حاضرة، 101 ماركة المهندس منسي
العميل	:	ثواني يا فندم، سعرها كام؟
المهندس منسي	:	× 18
العميل	:	طيب  حلو قوي، هضربها وأشوف أنا، ماشي يا فندم، في باب الشعرية المكان؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	تمام سعادتك، شاكرين أفضالك، العبوات عندكم يا فندم لو محتاج عبوات
المهندس منسي	:	آه مافيش مشكلة، بس هات شكل العبوة نبص عليه
العميل	:	أنا عايز حضرتك برطمان وبخاخة، وبلية
المهندس منسي	:	آه… ابعتلي الصور اللي  عندك وإحنا نبص عليها، هي الكميات اللي حضرتك هتطلبها أد إيه؟
العميل	:	لسه المشروع جديد، لسه ما عنديش عبوات أصلاً
المهندس منسي	:	ماشي ضبط الدنيا كده وإحنا تحت الأمر
العميل	:	ماشي يا فندم، شاكرين أفضالك