ماكينة تغليف التمر بالفاكيوم من شركة المهندس منسي
العميل : السلام عليكم
العميل : حياك الله يا معلم
مهندس منسي : حياك الله
العميل : أهلاً وسهلاً ومرحبا نورت الحتة كلها
مهندس منسي : الله يبارك لك يا غالي
العميل : الله يعزك كيف حالك وكيف حال الأهل هناك كلكم طيبون؟
مهندس منسي : الحمد لله
العميل : أنا عندي استفسار يا حبيبنا أنا دخلت وشفت مصنع التمر والمكاين حاج مصانع التمر، هي عندكم يا شيخ ده ؟
مهندس منسي : عندنا إيه؟؟؟
العميل : مصنع التمر عاوزين مكاين حاج التمر
مهندس منسي : التمر ؟
العميل : أيوه مصنع التمر هاده الفالكون عارف الفالكون؟
مهندس منسي : لأ إحنا ماركة المهندس منسي
العميل : طيب ماركة المهندس يعني عندكم أجهزة تبيعونها للتمر؟
مهندس منسي : آه عندنا أجهزة بنبيعها للتمر
العميل : ترسلون للسعودية؟
مهندس منسي : إن شاء الله
العميل : بكام الواحدة تقريباً، كام من الكيلو في اليوم تصنع؟
مهندس منسي : عادي تصنع كتير، يعني ما تقلقش
العميل : إيه بكام فلوس يعني؟
مهندس منسي : بيدأ من
العميل : يعني كام جنيه؟
مهندس منسي : لأ كام جنيه بقى هوه أنا فيه دماغ، احسب النهاردة بكام الجنيه واعمله
العميل : لا بكام لأنه الآن عليها ضمان شيء
مهندس منسي : آه ضمان لمدة سنة ضد عيوب الصناعة و10 سنين توفير قطع الغيار لحساب العميل
العميل : قطع غيار بالسعودية قطع وغيار ولا مو موجود؟
مهندس منسي : ماشي ما هو إحنا هنبعتهالك ماهو السعودية ومصر إيه يعني، نبعتهالك على طول
العميل : طيب يعني أي واحد يشتغل عليها ولا لازم مهندس فاهم يعرف تصنيع؟
مهندس منسي : لأ إحنا مميزات شركتنا إن أي واحد يشتغل عليها
العميل : ممتاز… بـ كام كيلو، وإيش طريقتها، هل هي ناجحة؟ مش ناجحة؟
مهندس منسي : لأ هوه لو مش ناجحة هنشتغل ليه فيها بقى؟؟؟ إزاي بقى اسأل عن ماركة المهندس منسي الأول
العميل : لأ أبي ترى خرابات وكذا وتصنيعها…
مهندس منسي : لا.. لا.. لو فيها خرابات أساساً مش هنشتغلها، إحنا شركة لينا اسمنا العالمي، مش اسمنا الدولي.. دور الأول وابحث عن شركة المهندس منسي واعرف مين شركة المهندس منسي وكلمني تاني، مع السلامة
العميل : طب عادي تبعتون إلى السعودية
مهندس منسي : آه نبعتهولك
العميل : طول بالك علي حبيبي، طول بالك
مهندس منسي : لا أصله عيب لما يبقى إحنا كشعب عربي مش عارفين اسم الماركة العربية وبره عارفنها، يعني بره الأجانب عارفنها…
العميل : يا حبيب وسع صدرك أنا ما أعرفها، عطنا الخبرة والمعلومة يا أخي
مهندس منسي : ماشي
العميل : خلنا نستفيد أنا وياك يا حبيبي بس
مهندس منسي : ماشي يا طويل العمر
العميل : طول بالك، تسأل عن حاجة بالسعودية ما تعرفها مشورة علمتك عنها وحطيتك على راسي
مهندس منسي : إنت منين في السعودية؟
العميل : أنا من القصيم
مهندس منسي : أهلاً بيك، وأهلاً بأهل قصيم حطيتك على قلبي
العميل : أنا أبغى منك إنك تساعد معها الله يسعدك دنيا وآخرة إن شاء الله
مهندس منسي : لا اتفضل أنا تحت أمرك
العميل : أنا أقول يعني تقريباً يعني ال بكام؟
مهندس منسي : تقريباً بـ 3 ريال
العميل : 3.5
مهندس منسي : آه تقريباً آه
العميل : أي نعم… طب اشلون أتعامل معكم، اشلون الطريقة أجيلكم ولا كيف؟
مهندس منسي : والله لو جيت شرفتنا بالزيارة يبقى خدمتنا
العميل : إي نعم… تبعتها عادي بدون رسوم ولا كيف؟؟ لكم يعني موزعين هنا بالقصيم، او في بالسعودية موزعين؟
مهندس منسي : لأ إحنا نبعتها لك عادي المكان اللي إنت عايزه
العميل : ممتاز.. لكن كيف يعني أحولكم مبلغ كيف تبعثون، ولا في مستندات؟ ولا عن طريق البنك، ولا كيف؟؟
مهندس منسي : هوه إنت مش هتيجي تشرفنا؟
العميل : والله شوف أنا ودي آجي أشرفكم الحقيقة، يومين ـ 3 أيام وأرجع يا شيخ، بأي مكان بمصر؟
مهندس منسي : تعالى قضيلك يومين هنا واتفرج على الحاجة وشرفنا بالزيارة وربنا ييسر الأمور
العميل : وين مكانكم إنتم؟
مهندس منسي : بالقاهرة
العميل : بأي مكان بالقاهرة؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : خلاص أبشر، أنا هنزل مصر واجي ان شاء الله
مهندس منسي : أبشر
العميل : شكراً، مع السلامة، العفو يا شيخ إذا إحنا اتصلنا بوقت غير مناسب، شكراً شيخ
مهندس منسي : خد راحتك يا باشا
العميل : مع السلامة
