ماكينة تغليف التمور بالفاكيوم موديل 601 ماركة المهندس منسي

العميل : السلام عليكم

المهندس منسي : عليكم السلام

العميل : أنا مهندس حسن وياك من العراق لو سمحت ترسل أسعار ومواصفات الماكنات لتعليب التمور والمواد الغذائية وأنا شاكر فضلك

المهندس منسي : هوه مكنة تعليب التمور والمواد الغذائية مكن كتير جداً، فأرجوك ابعتلي صور للمنتجات اللي إنت عايز تعمل زيها وإحنا هنبص عليها وإن شاء الله هنقولك إيه المكنة الملائمة ليك، أما حضرتك قلت مكن تعليب التمور، ده مكن تعليب التمور ده عدد كبير جداً من الماكينات، يعني في مكن بالفاكيوم، وفي مكن تعبئة، وفي مكن قفل، وفي مكن تعبئة وقفل وكبس، وفي مكن تعبئة للتمور واحدة واحدة، وفي مكن تعبئة للتمور قطع بارات، وفي مكن تعبئة للتمور حبيبات ورا بعضها، في في أكياس، في في علب، في في برطمانات، في أشكال…. وقلت كمان مكن تعليب مواد غذائية، طب إيه المواد الغذائية؟ حاجات كتيرة قوي  مواد غذائية، يعني الزيت والخل وزيت الزيتون، والحبيبات زي الفاصوليا واللوبيا واللب والمكسرات، والرز والسكر والشاي والملح… حاجات كتيرة جداً مواد غذائية، فياريت حضرتك تخصص الحاجة أكتر عشان كده الكلام عام خالص، أو ريح دماغك خالص وابعت الصور اللي إنت عايز زيها وإحنا نقولك المنتج ده يتعبى بطريقة كذا، والمنتج ده يتعبى بطريقة كذا… وربنا يوفقك

العميل : شكراً أستاذ، أنا حقيقة غلبتك، ولكن أنا حابب جدياً إن أنا أتعامل مع مصنعكم، الحقيقة بالنسبة لتعليب التمور إنت تحدثت عن أنواع كثيرة ومشكورة جهدك أستاذ، إذا تفضلت علينا وتكرمت تعطينا فكرة عن…. اللي هوه فاكيوم اللي هوه المتنوع بأنواع كله نبذة عن تغليف التمور هادي واحدة،  أما بالنسبة للمواد الغذائية الماكينات فأنا تخصيصاً أريد البقوليات، الفاصوليا، الفلفل، الحمص.. وهكذا، يعني هاذي الأشياء خاصة بالبقوليات، وأنا شاكر فضلك، شكراً جزيلاً أرجو أن يكون طلبي واضح مع شكري وامتناني

المهندس منسي : باش مهندس حسن هوه الموضوع كبير يعني إن أنا أشرح ماكينات كتير كده ده يبقى صعب عليا إن أنا أقعد أشرح ماكينات على الشات كده، فأنا هبعت لحضرتك مواقع، موقعين من بتوعنا، في www.m2pack.me، وفي www.m2pack.com، يستحسن لو دخلت www.m2pack.me لأنه في فيديوهات كتيرة أما www.m2pack.com لسه بنعمل فيديوهاته، فيستحسن لو دخلت هتلاقي في فيديوهات، هتلاقي في مكن… أقعد مع الموقع لأن المكن كتير، كل يوم خدلك فيه ساعة بحث ما تزهقش منه، اعرف الدنيا كلها ماشية إزاي وإن شاء الله خير

أستاذ هادي الماكينات لو سمحت أعطيني سعرها، وأنا شاكر فضلك إم تو باك 601

شفط فاكيوم تعليب التمور والأغذية البقوليات

المهندس منسي : هوه سعر ماكنة الفاكيوم الصغيرة اللي هي موديل 601 غرفة واحدة ديت

العميل : السلام عليكم أستاذ،  شكراً جزيلاً على الرد، لو سمحت عايز أعرف هادي المكنة كام كبسة تكبس باليوم أو بالساعة مثلاً، وهادي المكنة الثانية أيضاً حاج المواد الغذائية نفس الفكرة، نفس هادي المكنة ولا غير مكنة تعليف التمور؟ مشكور

المهندس منسي : إحنا لغاية دلوقتي ما رسيناش على أنهي مكنة، ولكن عموماً هقولك على معادلة دائمة في المكن النص أوتوماتيك أو الأتوماتيك، يعني لو حضرتك هتشتري نص أتوماتيك المعدلات بتاعت النص أتوماتيك بتبقى من 500-1200 بتبقى حسب سرعة اللي واقف عليها، أي بقى مكنة تقيس عليها هذا القياس، طالما إنها مكنة نص أتوماتيك، طالما إن العامل البشري تدخل فيها

طيب لما نيجي نقول مكنة أتوماتيك، المكنة الأتوماتيك الميني مام بتاعها 33 في الدقيقة يعني 2500 أو 3000 في الساعة، ده المينيمام، الماكسمام بتاعها 80 كيس في الدقيقة يعني حوالي 5000 في الساعة