ماكينة تغليف الزجاجات بالشرينك من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : لو سمحت كنت عايزه أسأل على اسبرنتات للغطا إزازة 30 مللي
مهندس منسي : عايزه قطعة الشرينك ولا عايزه المكنة؟
العميل : لأ عايزه القطعة نفسها، ما ينفعش تستخدم
مهندس منسي : والله إحنا ما نعرفش عملية إحنا نعرف مكن، لأنه إحنا سبورت على المصانع والمنتجين
العميل : آه… طيب حضرتك مكانك فين؟
مهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : إنتم فاتحين للساعة كام؟
مهندس منسي : من 11-9
العميل : آه يعني إنتم قفلتم النهاردة خلاص بالفعل
مهندس منسي : أجازتنا يوم الجمعة
العميل : معلش عندي سؤال، هي محتاجة مكنة؟
مهندس منسي : هوه أنا ما أعرفش أتعامل مع الشرينك إلا بمكن، عشان الشكل نفسه يطلع مضبوط، ما أعرفش كلمة شرينك بالنسبة لي يعني مكنة
العميل : طيب مكنة الشرينكات دي بكام بقى؟
مهندس منسي : بتعمل في حدود
العميل : يعني كام مصري؟
مهندس منسي : دقيقة واحدة، إحنا بنحسب بـ 18، يعني 400 × 18 = 7200 جنيه
العميل : المكنة دي بيشتغل عليها أي شرينك صح؟
مهندس منسي : أي شرينك آه، يشتغل على بق الإزازة وعليها كلها يعني
العميل : طيب شكراً، أنا هسجل رقم حضرتك اللي هنا علي النت وهجيلك
مهندس منسي : لا أنا هبعتلك بقى تليفون المبيعات في رسالة، إنتي عايزه أنهي فرع؟
العميل : لو في حاجة في المعادي ماشي أنا قريبة منه
مهندس منسي : أبعتلك أكتوبر دلوقتي في رسالة وإنتي بقى تابعي معاه
العميل : طيب بتبيعوا الشرينكات نفسها؟
مهندس منسي : آه بنبيع الخامات بتاعت الشرينكات والمقاسات وكل حاجة
العميل : خلاص ماشي شكراً، ألف شكر، مع السلامة
