ماكينة تغليف الشرينك الحراري من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس
المهندس منسي : أيوه
العميل : كنت محتاج أسأل على ماكينة تغليف الشرينك الحراري
المهندس منسي : آه
العميل : مقاسات إيه أسعارها وأنواعها وإيه المقاسات؟
المهندس منسي : هوه حضرتك عايز مقاس كام × كام؟
العميل : أنا عايز مقاس 40 × 60
المهندس منسي : ممكن 35 × 45، 40 × 60 ده إيه؟ ده طول الكرتونة في ارتفاعها؟
العميل : لأ أنا طول الكيس الشرينك
المهندس منسي : آه… لأ شوفلي الحاجة اللي إنت هتغلفها كام × كام؟
العميل : الحاجة اللي أنا هغلفها دي 25 × 12 غالباً أو 13
المهندس منسي : يعني 12 ارتفاع ولا 12 كام؟
العميل : 12 ارتفاع آه
المهندس منسي : وعرض؟
العميل : عرضها ييجي مثلاً 10 أو 11
المهندس منسي : وطول؟
العميل : طول 20
المهندس منسي : الطول بالنسبة لنا مش مهم، هوه اللي يهمنا بس العرض والارتفاع، الارتفاع كام؟
العميل : الارتفاع يجيله 12 سم أو 15
المهندس منسي : والعرض؟
العميل : العرض 10
المهندس منسي : يبقى هي دي بس اللي محتاجنها، المكنة دي عامله 430 ، المكنة دي الوورك إريا بتاعتها أو الفرن بتاعته فتحته الارتفاع لغاية 16 والعرض لغاية 26، في مقاسات تانية أعلى من كده، ولكن اللي تناسبك دي، أمه 430 ، يعني 4300 جنيه مصري .. في مكنة تانية أعلى منها سنه بتعمل، لكن ديت أعلى منها سنة في الارتفاع والعرض، إنما كله الأوبشن واحد
العميل : تمام… أوكيه، وبالنسبة للخامات
المهندس منسي : موجودة برده
العميل : بالكيلو ولا بإيه؟
المهندس منسي : بيبقى بالكيلو، بس ده بيتحسب بناء على الكمية والتكنيك، يعني الكمية والسماكة والنوعية، يعني هتختار مصري هتختار صيني هتختار أوروبي
العميل : طب تديني فكرة عن الأسعار؟
المهندس منسي : يعني في حدود 28 ـ 32 ـ 36، ما هو أنا مش هقدر أحددلك سعر، لأنه ما أعرفش الكمية أد إيه، ولا أعرف العرض بتاعك أد إيه، ولا أعرف السماكة اللي إنت هتطلبها أد إيه، ولا أعرف الخامة اللي إنت هتنقيها أد إيه، فإنت بتيجي تشرفنا بتنقي الخامة بتاعتك اللي تعجبك
العميل : إنتوا في باب الشعرية
المهندس منسي : إحنا عندنا حدائق القبة، مدينة نصر، باب الشعرية
العميل : طيب زي الفل، لو كده ممكن أجيلكم بعد بكره
المهندس منسي : تيجي تنورنا، هبعتلك الداتا بتاعت المبيعات دلوقتي في رسالة تابع بقى معاهم
العميل : ماشي يا فندم شكراً خالص شكراً
