ماكينة تغليف المنتجات بالشرينك موديل 101 ماركة مهندس منسي وقطاعه اكياس موديل 106 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | باش مهندس، أخبار معاليك إيه؟ |
| المهندس منسي | : | الحمد لله |
| العميل | : | أنا عايز أشتري قطاعه اكياس، ومكنة الشرينك كل واحده لوحدها، + هيكون عندي حاجات ارتفاعها هيكون زي ما قلتلك حوالي 25 العرض × الطول 20 × ارتفاع 4.50 وبعد كده هنشرنكهم كلهم مع بعض هيبقى نظام ارتفاع 6 × 24 أو 25 |
| المهندس منسي | : | طب هات الحاجات والبيانات ديت وهتلاقي في مكن جرب واختار اللي يعجبك |
| العميل | : | أنا أول إمبارح كنت في مصر عندك، كان معايا حاجات تاني بصممها عندك، فلما وصلت هنا بدور على النت لقيت سيادتك ، أنا عايز أعرف المكن عندك تكلفته إيه؟ وأفضل المكن عندك عشان ده خط إنتاج عشان ما يعطلش معايا، فإيه المكنة اللي ترشحها لي بالنسبة للشرينك وبالنسبة للقطاعة؟ |
| المهندس منسي | : | هو موجود بضاعة حاضرة |
| العميل | : | تمام معاليك، أنا عايزك ترشحلي إيه المكنة + القطاعة اللي هي قطاعة الأكياس، بكام دي وبكام دي؟ أفضل حاجة يعني |
| المهندس منسي | : | هي مكنة الشرينك بـ، والقطاعة بـ ، اضرب × 18 سعر ال النهاردة |
| العميل | : | أنا عايز سخانات معدن وفي نفس الوقت تستحمل خط إنتاج |
| المهندس منسي | : | مافيش مشكلة، هي السخانات الكوارتز بقالنا دلوقتي شغالين 11 سنة ما عملتش مشكلة خالص، ولكن لو إنت مصمم على السخانات اللي هي المعدن الحديد يعني أو المعدن مافيش مشكلة خالص، بتكلم فرد المبيعات بيغيرها لك عادي، هو إحنا اللي مجمعين المكن مش تجار |
| العميل | : | آه.. إنت جايب من الصين يعني وبتجمع عندك |
| المهندس منسي | : | إحنا جايبين من وات إيفر أياً كانت البلد، يعني الكروت جايبينها ياباني، والمواتير إيطالي، وباقي قطع الغيار من الصين وإحنا مكملين هنا ومجمعينها |
| العميل | : | يعني غير نظام قاضيكو والكلام ده |
| المهندس منسي | : | أنا ما أعرفش حد، أنا أعرف نفسي وبس |
| العميل | : | يا باشا ما أقصدش حاجة، أنا قصدي في ناس بتجيبها من الصين متقفل جاهز |
| المهندس منسي | : | إحنا ماركة براند عالمي، يعني إحنا عندنا في الصين فرع بيبيع مكن في قلب الصين، اكتب المهندس منسي في معرض الصين الدولي |
| العميل | : | تمام.. ضمان بتاع المكن أد إيه؟ |
| المهندس منسي | : | ضمان لمدة سنة ضد عيوب الصناعة، و 5 سنين توفير قطع الغيار لحساب العميل |
| العميل | : | ممتازة، طب أفضل مكنة تستحمل ضغط بالنسبة للشرينك، يعني 500-1000 علبة في اليوم |
| المهندس منسي | : | أفضل مكنة في العالم كله مكنة المهندس منسي |
| العميل | : | يا باشا يشرفنا التعامل معاك |
| المهندس منسي | : | لسبب بسيط لأن المهندس منسي ده اتربى في بيت قاضي عرفي، فبيراعي ربنا في المكنة بتاعته، عشان كده بقت ماركة عالمية على مستوى العالم، هاتلي واحد لغاية دلوقتي عربي فاتح مكان في الصين بيبيع في قلب الصين |
| العميل | : | هي المكنة الغطا بتاعتها برتقالي دي تعمل كام؟ |
| المهندس منسي | : | عملية اللون إحنا بنغيره كل شويه |
| العميل | : | آه تمام يا فندم، أنا بقولك اللي تستحمل شغل معايا |
| المهندس منسي | : | يا صديقي مافيش حاجة اسمها تستحمل، إحنا بقالنا دلوقتي من سنة 2006 للنهاردة مافيش مشاكل |
| العميل | : | لا أنا أقصد إن ماكينات الشرينك بتختلف من مواصفات لمواصفات |
| المهندس منسي | : | يا أخي إنت مصمم ليه إن حد يشتغلك |
| العميل | : | ده اللي فهمته من السوق |
| المهندس منسي | : | ده كلام تجاري، إنت اسأل عن شركة المهندس منسي، محترمة ولا مش محترمة |
| العميل | : | يا باشا أنا ما قلتش حاجة، حضرتك أنا عايز أشتري، أنا كنت في مصر عندك ورحت لفيت |
| المهندس منسي | : | يا سيدي على عيني وعلى راسي إنت تيجي تشرفني، أصل عملية الشراء دي مش بتاعتك، دي بتاعت ربنا، أنا بقولك على اللي عندي |
| العميل | : | يا باش مهندس انا هاجيلك |
| المهندس منسي | : | تيجي تنورني في أي وقت، بص وحد الله |
| العميل | : | لا إله إلا الله محمد رسول الله |
| المهندس منسي | : | بص إحنا بنقولك المكنة دي زي الفل ومافيهاش مشكلة، أخدت المكنة وحصل مشكلة تجيبها وتيجي وتقول إنتم قلتم إن المكنة ديت مافيهاش مشاكل، مضبوط مش ده اللي بيني وبينك |
| العميل | : | تمام |
| المهندس منسي | : | بس، إنت بقى في الحالة بتاعت حضرتك أقولك إنت عايز مكنة كويسة قوي، أقوم جايب لك نفس المكنة وأقولك أهي دي بقى بـ14 ، وأقعد أبيع لك كلام لما أقول يا بس، أنا مش كده، أنا براعي ربنا في لقمة عيشي |
| العميل | : | يا باشا إحنا الشعب المصري كده، طب الأجازة بتاعتكم إمتى؟ |
| المهندس منسي | : | إحنا شغالين دايماً من 11 صباحاً إلى 9 مساء طول أيام الأسبوع ماعدا يوم الجمعة الأجازة الأسبوعية |
| العميل | : | خلاص بكرة الجمعة ممكن أركب بالليل الصبح أبقى عند سيادتك، مكنة اللحام اللي بيركب عليها لفة الشرينك كام ثمنها؟ |
| المهندس منسي | : | مكنة اللحام بـ ، والقطاعة بـ، إنت بس هتجيب عينات معاك عشان تجربها وإنت واقف |
| العميل | : | ما هو أنا العينات لسه هستلمها الأسبوع اللي جاي |
| المهندس منسي | : | يستحسن لو جبت العينات معاك |
| العميل | : | آه… |
| المهندس منسي | : | ده الأفضل بالنسبة لنا وبالنسبة لك، عشان يجربوا لك وإنت واقف |
| العميل | : | يعني مش هدفع مصاريف تاني |
| المهندس منسي | : | لا تدفع تاني إيه؟؟ كل اللي عليك تجيب عيناتك معاك عشان تجرب، مش شرط تشتري جرب بس، اتخذ قرار الشراء بعدين، بس لما تيجي مش تتفرج على المكنة، تشغل المكنة |
| العميل | : | لا ما إنت خلاص بتقولي عليها ضمان من عند سيادتك يبقى ناخدها ونروح عادي |
| المهندس منسي | : | ما هو كله بيدي ضمانات، أنا عايزك يبقى في ضمان فعلي |
| العميل | : | أنا بكلم الباش مهندس منسي ولا حد تاني |
| المهندس منسي | : | آه المهندس منسي معاك |
| العميل | : | تشرفنا بمعرفة سيادتك، اتفضل يا كبير |
| المهندس منسي | : | مع السلامة |
