ماكينة تغليف بالشرينك موديل 101 ماركة مهندس منسي

العميل	:	السلام عليكم
المهندس منسي	:	عليكم السلام ورحمة الله وبركاته
العميل	:	شركة المهندس منسي
المهندس منسي	:	أيوه
العميل	:	أنا عندي شركة تصدير أسماك بره في السعودية فالصحة طالبة مني مكنة عشان الشرينك أو الكرتونة
المهندس منسي	:	آه مافيش مشكلة موجودة
العميل	:	موجودة المكنة بالقطاعة بتاعتها ولا لوحدها؟
المهندس منسي	:	الاثنين موجودين
العميل	:	ليه دي لوحدها ودي لوحدها
المهندس منسي	:	ما همه لما بيتركبوا في بعض بيبقى مكنة واحدة
العميل	:	نوعها إيه المكنة؟
المهندس منسي	:	إحنا ماركة، براند عالمي، ماركة المهندس منسي
العميل	:	صناعة إيه؟
المهندس منسي	:	ما هو أنا بقول لحضرتك إحنا ماركة زينا زي شيفورليه، تويوتا، مرسيدس
العميل	:	طيب ما هو أنا بسأل حضرتك هي صناعة إيه؟؟ مصري؟؟
المهندس منسي	:	بص هو إحنا ذنبنا الوحيد إن إحنا ماركة عربية
العميل	:	هي عامله كام يا باش مهندس؟
المهندس منسي	:	بت
العميل	:	يعني من حوالي 7000
المهندس منسي	:	7200 جنيه مصري
العميل	:	طب والمكنة دي بتبقى بالقطاعة بتاعتها
المهندس منسي	:	لا القطاعة لوحدها أعتقد إن سعرها
العميل	:	طب مكان حضرتك فين؟
المهندس منسي	:	إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور
العميل	:	طب لو حبيت أروح حدائق القبة
المهندس منسي	:	هبعت رابط هتلاقي فيه العناوين كلها
العميل	:	أي فرع أروح أتفرج على الحاجة براحتي
المهندس منسي	:	آه كل الفروع زي بعضها
العميل	:	ما أروحش أسأل عليك ولا أي حاجة أخش أتفرج على طول
المهندس منسي	:	إن شاء الله
العميل	:	باش مهندس مين معايا؟
المهندس منسي	:	المهندس منسي
العميل	:	ماشي يا باش مهندس، هو حضرتك كنت بتورد زمان للغردقة؟
المهندس منسي	:	إحنا وردنا لكل دول العالم
العميل	:	لا بتكلم على الغردقة بالأخص، المهندس محمد المنسي ولا المهندس منسي؟
المهندس منسي	:	لا المهندس منسي، إحنا عندنا محمد، وعندنا حمادة، وعندنا حسن، عندنا ناس كتيرة قوي، فهمه بيسموا الشخص باسم الشركة
العميل	:	طب تمام خلاص تبعتلي العناوين كلها، شكراً، مع السلامة