ماكينة تغليف برطمان العسل بالشرينك من شركة المهندس منسي

مهندس منسي : السلام عليكم .

العميل : ازيك ياعم الحاج .

مهندس منسي : اهلا بيك .

العميل : انا احمد اللى كلمتك قبل كده وقولتلى كلمنى باليل .

مهندس منسي : بتاع ايه ياعم احمد ؟

العميل : كنت بسأل على ماكنة تغليف .

مهندس منسي : اه ، عايز تغلف ايه ؟

العميل : عايز اغلف برطمانات

مهندس منسي : اه اه ، طب يعنى اوصفلى الحالة بالظبط ، اوصفلى انت عايز تغلف برطمانات ، انت عايز تعبئي فيها حاجة ولا عايز البرطمان نفسه تغلفه ولا ايه ؟

العميل : لا لا ، انا ف بطرمان عسل اللى هو بتاع ربع كيلو ونص كليو وكيلو ، انا كنت بتكلم اننا نجيب الاستيكر ونلصقه ونغلف بماكنة التغليف .

مهندس منسي : تغليف اللى على البرطمان نفسه ؟

العميل : اه  ، عايز طبقة البلاستيك الشفافة اللى بتكون على البرطمان نفسه او مطبوعة .

مهندس منسي : آه آه مطبوعة آه

العميل : ديه موجودة ؟

مهندس منسي : اه موجودة .

العميل : بكام الماكنة ديه يا عم الحاج ؟

مهندس منسي : بص ياعم الحاج ، ربنا يحججك يارب  ، عاملة

العميل : 400 يعنى

مهندس منسي : يعنى 6400 جنيه

العميل : طب والتانية اللى هى بتطبع الاستيكر بالتغليف ؟

مهندس منسي : بتطبع الاستيكر ازاى يا عم الحاج ؟

العميل : يعنى انا عايزة مثلا اكتب على الطابعة نفسها على البلاستك ده البيانات بتاع الحاجة .

مهندس منسي : اه الماكنة ديه مش تبعك خالص انت بتديلنا الشغل واحنا نطبعهولك ، ديه تكنولوجيا تانية خالص .

العميل : ايوه ايوه الماكنة اللى بتقول عليها ب 400 ديه بتغلف ؟

مهندس منسي : بتغلف اه ولو انت عايز الشغل مطبوع بندهولك  ، مطبوع اه وانت تغلفه مفيش مشكلة خالص  .

العميل : طب هى بتغلف بطرمان بطرمان ولا بتغلف كمية كمية ؟

مهندس منسي : هى ايه ؟

العميل : بتغلف كميات ولا واحدة واحدة ؟

مهندس منسي : بتغلف كميات كميات اللى هو ازاى ؟ اه لا بتغلف على طول ارمى فيها زى ما انت عايز

العميل : طب حضرتك معلش ممكن اعرف شكلها ازاى ؟.

مهندس منسي : والله انا رديت على استفسارك اهو فحسسنى بالجدية وتعلالى اتفرج عليها واتفرج على …

العميل : انا على فكرة كلمتك كذا مرة

مهندس منسي : ما هو الجدية مش انت تتكلم ، الجدية انك تيجى تتفرج .

العميل : ماشي مفيش مشكلة انا اجى اتفرج واجى اشترى انا بشوف بس الامكانيات ايه ان انا اشترى الماكنة ديه ولا اشترى ماكنة اكبر ؟

مهندس منسي : ياسيدى الفاضل ، يا سيدى الفاضل

العميل : اتفضل

مهندس منسي : الماكنة بتاعتك اللى انت عايزها تغلف موجودة .

العميل : تمام

مهندس منسي : طول ما انت بتتكام مع ده ومه ده فأنت معرض نفسك للى بيتكلم احسن مش اللى بينتج احسن .

العميل : انا ..

مهندس منسي : زى انا دلوقتى انا لو بتاع كلام انا راجل مش بعرف انتج ، انا بعرف انتج احنا وصلنا دلوقتى اننا بقينا ماركة عالمية .

العميل : الحمدلله

مهندس منسي : الحمدلل وطلعنا نمثل مصر فى معارض دولية والحمدلله .

العميل : اه فاهم

مهندس منسي : فهمتنى ازاى انا راجل بعرف انتج الكلام ده للناس اللى مش بتعرف تنتج اما الكلام ده شغل تجار اما شغلة الناس اللى هما مفكرين ومبتكرين دولا مش بيتكلموا دولا بينتجوا على طول .

العميل : احنا فتحين مكتب فى المهندسين مكتب دعاية .

مهندس منسي : ده جميل اوى ، ممتاز

العميل : طب ادينى طب ممكن اسيب رقم تليفونى واعدى على حضرتك خلال كام يوم بعد اذن حضرتك .

مهندس منسي : خد عنوان فيه 3 ارقام كلم اى حد منهم اتصل بيهم وتابع معاهم .

العميل : ماشي

مهندس منسي : خلاص انا كده فنش بقي .

العميل : خلاص ماشي

مهندس منسي : امسك المبيعات وقولهم انا كلمت المشمهندس وكلمته عن ماكنة التغليف ماكنة الشرنك بتاعى التغليف والماكنة ب

العميل : ايوه

مهندس منسي : هما بيحسبوا ال على 16 ، احنا عارفين انه فى السوق ب 19 ، بس احنا بنحسبه على 16

العميل : طب العنوان فين ؟

مهندس منسي : فى حدائق القية ومدينة نصر وباب الشعرية.

العميل : ف الحدائق

مهندس منسي : اه فى الحدائق ومدينة نصر وباب الشعرية

العميل : تمام طب العنوان ؟

مهندس منسي : حاضر هبعتهولك فى رسالة هنا علي النت حالا

العميل : ماشي ياعم الحاج

مهندس منسي : ماشي يا ريس

العميل : شكرا شكرا