ماكينة تغليف سلوفان موديل 802 ماركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: طيب عايزين نستعلم على مكن التغليف
المهندس منسي: اتفضل
العميل: بقولك عايزين مكنة تغليف بتاعت البكاوي السلوفان
المهندس منسي: تمام
العميل: أنا على النت أهوه ومش عارف المكنة اللي بتشغلهم أنهي؟
المهندس منسي: إحنا عندنا 3 مكنات، مكنة نص أتوماتيك ومكنة أتوماتيك هاند فيد ومكنة أتوماتيك كاملة
العميل: يعني نص أتوماتيك وأتوماتيك وأتوماتيك كاملة
المهندس منسي: آه أتوماتيك هاند فيد يعني تلقيم يدوي
العميل: طب سعرها كام دي الكاملة؟
المهندس منسي: 22000
العميل: طيب بقول لحضرتك هي مافيش إلا الـ 3 دول بس الأنواع دي، طب هي اسمها إيه بس عشان أجيبها من على النت عشان أشوف مميزاتها وعيوبها وكده؟
المهندس منسي: اكتب 802 المهندس منسي، أو 803 ماركة المهندس منسي
العميل: خلاص ماشي، هي اللي إنت بتقول عليها دي تركي؟
المهندس منسي: لأ دي تصميماتنا ورسوماتنا إحنا
العميل: يعني مصري تقفيل مصري وكل حاجة مصري
المهندس منسي: لأ تقفيل مصري ولكن الصناعة في الصين وإحنا بنقفلها في مصر
العميل: صيني يعني كل حاجة فيها صيني وإنت بتقفلها هنا
المهندس منسي: لأ تعتبر ماركة
العميل: ماركة ما هي أنا فاهم، بس الحاجات اللي فيها كلها صيني
المهندس منسي: لا صيني تحت إشرافنا إحنا، زي العدة السامسونج بتبقى معمولة في الصين ولكن مافيش حاجة اسمها سامسونج صيني
العميل: طيب قطع غيارها موجودة وكل حاجة بتبقى موجودة
المهندس منسي: آه ما بقولك إحنا اللي مصنعنها
العميل: طيب ماشي يا باشا، هخش أنا على النت أشوفها برده وهدي برده حضرتك تليفون
المهندس منسي: ماشي يا غالي
العميل: ماشي يا سعادة الباشا
