ماكينة تغليف شرينك نص اتوماتيك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : طيب أنا بستفسر إنتم شركة تغليف ولا أدوات تغليف؟
المهندس منسي : مكن تعبئة وتغليف وخامات تعبئة وتغليف
العميل : يعني أنا لو جبتلكم منتج بتغلفوهولي ولا بس بتبيعوا المكن؟
المهندس منسي : لا بنبيع المكن والخامات
العميل : طيب تمام… طب معلش بما إنكم بتشتغلوا في حاجات التغليف هل تقدروا ترشدوني على مصنع تعبئة وتغليف
المهندس منسي : للأسف ما أعرفش حد بيعبي ويغلف للغير، أصل هوه مكن التعبئة والتغليف في حاجات نص أتوماتيك سعرها بسيط
العميل : هوه حضرتك أنا عندي منتج بيتحط في علبة والعلبة دي بتتلحم وتتحط في كيس الشرينك وبيتلحم ويتشد بالهوا السخن، هل في عندكم حاجة تعمل المراحل دي مع بعض كلها مرة واحدة؟
المهندس منسي : آه في آه، وبعدين الأسعار كلها بسيطة، يعني مكنة الشرينك كلها بـ
العميل : يعني كام مصري معلش؟
المهندس منسي : ضربي بقى × 18
العميل : هي كده بسيطة
المهندس منسي : غالية
العميل : يعني حوالي كام مش معايا آلة دلوقتي، طب والله تمام، هي المكنة دي بتعمل إيه بالضبط؟
المهندس منسي : دي بتغلف بتعمل كل حاجة، يعني كل اللي عليكي إنك هتحطي التيوب بتاع الشرينك فيها، على العلبة
العميل : هي مش تيوب هي علبة كرتون
المهندس منسي : آه… مافيش مشكلة إنت جايبه العلبة الكرتون بتاعتك أهوه، هتحطي تيوب الشرينك عليها
العميل : إنت تقصد الكيس يعني عشان أبقى فاهمه حضرتك صح
المهندس منسي : آه هوه هنا مابيبقاش في شكل كيس، هوه هنا بيبقى في شكل ممكن شكل كيس وممكن في شكل تيوب
العميل : آه
المهندس منسي : وتروحي رامياها على السير، السير ياخدها يطلعها من الناحية التانية تبقى مشدود الكيس وشاملة كل حاجة وتقومي طالعة تاني يوم تقولي شركة مش عارف إيه اللي تعبي وتغلف ومش عارف إيه، بقى مشروع تاني جنب المشروع بتاعك، هي كلها مش محتاجة مساحة
العميل : طيب وبالنسبة للكهربا والمكان لازم يبقى عندي مكان متطرف ولا…
المهندس منسي : ولا الهوا، أخوكي المهندس منسي لما بيصمم مكنة بيصممها على أنه يبسطها على الآخر
العميل : طب حضرتك بتوريني الكلام ده عملي قدامي لو جبتلك علبة
المهندس منسي : أكيد إنتي بتتعاملي مع ماركة، مش بتتعاملي مع واحد بيسترزق، بتتعاملي مع ماركة، وماركة عالمية، إحنا كنا عارضين في الصين بنبيع في قلب الصين، اكتب كده المهندس منسي في معرض الصين الدولي
العميل : تمام
المهندس منسي : إحنا شركتنا الراعي الرسمي لبطولة الجمهورية في الصين السنة دي اللي هتتعمل يوم 7
العميل : هوه حضرتك بتتكلم في 7200 جنيه صح
المهندس منسي : لأ أقل تقريباً
العميل : يعني بكام طيب قولي ما هو أنا كده ضرب 400 × 18 طلعت 7200
المهندس منسي : بس يبقى إنت أدرى إنت صح
العميل : ولا ممكن تديهالي أقل
المهندس منسي : لا ده إحنا ماركة، براند، يعني قائمة أسعار كلنا ملتزمين بيها
العميل : طب أنا عايزه أسأل سؤال، هل المكنة دي بتطلع كام علبة في الدقيقة
المهندس منسي : 10 متر في الدقيقة، السير بيلف 10 متر في الدقيقة، لاحقي إنتي عليها بس
العميل : ألاحق عليها والله
المهندس منسي : يعني كل العملية الطلبية بتاعتك إنت خلصتيها، شغلي المكنة 5 دقائق تروحي رامياهم عليها تتطلع من الناحية متشرنكة واتعشت
العميل : يعني أنا كده ما أبعاش محتاجة عمالة؟
المهندس منسي : لا عمالة إيه؟ إنتي عايزه تعملي كام كرتونة؟
العميل : لأ أنا ممكن أعمل 100 ألف عبوة
المهندس منسي : والله حرام عليكي، 100 ألف عايزه تروحي تغلفيهم بره، يا بنت الحلال ده الفلوس اللي هتصرفيها نقل وفي كرتونة وقعوا معلش يا ست الكل أصل في كرتونتين وقعوا وهنعمل إيه يا باشا.. ومش عارف إيه… ده مصاريف النقل يجبولك 10 مكنات
العميل : آه…
المهندس منسي : امسكي ورقة وقلم
العميل : أنا أول مرة أعرف بصراحة، طب هوه أنا ممكن أعدي على حضرتك إمتى؟
المهندس منسي : بصي يا ست الكل امسكي ورقة وقلم واعملي حاجة اسمها دراسة تكاليف، أنا لما أغلف بره عند الغير هتكلف كام
العميل : أنا فاهمة اللي إنت بتقوله، أنا عايزه أقولك إن أنا العامل عندي بياخد على العلبة الشيء الفلاني، يعني عشان يغلفلي العلبة بالمراحل دي بياخد الشيء الفلاني، أنا بدفع المبلغ ده مرتبات
المهندس منسي : صلي على النبي العامل اللي عندك اللي هوه نفس العامل اللي موجود في المصنع اللي المفروض كنتي هتروحي تغلفي عنده عشان خاطر حتة مكنة شرينك
العميل : تمام… هي المصانع بيبقى عندها المكنة دي؟
المهندس منسي : أنهي مصانع أنا ما أعرفهاش، أنا عن نفسي من يوم ما نزلت السوق…
العميل : طب حضرتك بقالك أد إيه في السوق طيب، أنا أول مرة في حياتي أسمع عن المكنة دي بصراحة، أنا بقالي 5 سنين شغالة كده
المهندس منسي : أنا من سنة 2006
العميل : ياااااه ما شاء الله
المهندس منسي : عملت انطلاقات جامدة قوي، عملت ابتكارات حلت مشاكل كتير جداً جداً جداً
العميل : طب أنا عندي المنتج بتاعي موجود جوه طبق ألومنيا، وبعدين المنتج بيتحط جوه العلبة، طبعاً المكنة ما بتعملش ده؟ يعني أنا كل اللي هبقى محتاجاه إن أنا أحط الطبق جوه العلبة بس كده والمكنة تكمل الباقي
المهندس منسي : آه… هوه كل العملية بس هتيلي المنتج وإحنا إن شاء الله نفكركلك فيها ما تقليش خالص
العميل : كل اللي حضرتك إيه معلش ما سمعتش؟
المهندس منسي : هاتلنا المنتج نبص عليه نقولك ده هيبقى أسلم طريقة ليه كذا
العميل : طب حلو أنا ممكن أجيلك بكرة
المهندس منسي : إنتي تيجي تنورينا
العميل : الله يخليك
المهندس منسي : هبعتلك دلوقتي تليفون المبيعات أي فرع من الفروع هتيجي تقابلي الفرد اللي موجود وتقوليلي أنا كلمت المهندس منسي وقالي على مكنة الشرينك وضعها كذا كذا كذا أنا كنت عايزه أبص عليها
العميل : طيب إنتم عندكم فرع في أكتوبر مثلاً؟
المهندس منسي : عندنا آه
العميل : والله طب حلو جداً، طب فين في أكتوبر أو أكلم مين؟
المهندس منسي : هبعتلك دلوقتي الداتا بتاعته في رسالة، إحنا عندنا حدائق القبة، مدينة نصر، باب الشعرية، 6 أكتوبر
العميل : طب معلش فين في 6 أكتوبر؟
المهندس منسي : في مجمع الأمل الصناعي
العميل : ماشي مافيش مشكلة طب ابعتلي رسالة على الموبايل أنا ماعنديش واتس على الموبايل ده، ولا أكلمك بكره براحتك يعني
المهندس منسي : هبعتهوليك دلوقتي الداتا بتاعته في رسالة دلوقتي حالاً
العميل : خلاص تمام مافيش مشكلة، أنا في انتظار حضرتك يا فندم ومرسي لسعة صدرك، مرسي جداً، مع السلامة
