ماكينة تغليف عبوات المياه المعدنية بالشرينك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس

المهندس منسي : أهلاً بيك

العميل : أنا أرسلتلك على الواتس آب كنت بستفسر على ماكينة التغليف

المهندس منسي : آه ما هو مكن التغليف كتير

العميل : ما هو حضرتك أنا مصنع في السعودية وكان بيجيلنا من الصين، وحبينا ناخد من مصر طبعاً يعني

المهندس منسي : إن شاء الله، إنت عايز مكن يغلف إيه؟

العميل : المياه المعدنية

المهندس منسي : آه ما أنا بعتلك، ردت لك قلتلك في عندنا مكن تغليف الشرينك اللي هوه بيغلف العبوات المياه المعدنية آه

العميل : ما هو أنا عايز أعرف هي بتغلف أي حجم من عبوة المياه

المهندس منسي : آه لا بتغلف أي حجم

العميل : طب حضرتك يا باش مهندس دي سعرها بيكون كام المكنة؟

المهندس منسي : إنت عايز تغلف كام عبوة في التغليفة الواحدة؟

العميل : يعني أكبر حاجة عندك وأسرع حاجة عندك

المهندس منسي : اللي هوه التغليف…. لا هو التغليف اللي بيغلف عبوات المياه المعدنية اللي بيغلف كل 12 إزازة مع بعض وكل 24 إزازة مع بعض وكده

العميل : آه.. وفي بيغلف 24 موجودة

المهندس منسي : وفي تغليف مياه معدنية تاني اللي هوه بيغلف العنق بتاع العبوة بس، وفي تغليف اللي هوه بيغلف السليف الليبول، دي بتبقى أسعارها رخيصة قوي، أما المكنة ديت بتعمل

العميل : اللي هي بتغلف 12 إزازة مع بعض

المهندس منسي : 12 إزازة، 24، 48…

العميل : تمام هي دي اللي أنا قصدي عليها، وفي برده بتغلف 6 مع بعض، يعني لو عايز أحط 6 أزايز…

المهندس منسي : آه هي نفس المكنة دي هي اللي بتغلفلك 12، هي اللي بتغلفك الـ 24.. 48

العميل : آه فهمت قصد حضرتك، طب بخصوص دي بقى بنستوردها من عندك من مصر ولا منين؟

المهندس منسي : وات إيفر، عايزها من مصر جايز، عايزها من الفرع بتاعنا اللي في الصين جايز، براحتك

العميل : تمام.. تمام.. يعني هي سعرها

المهندس منسي : إن شاء الله

العميل : طب بخصوص العدد، الوقت يعني في الدقيقة تطلعلي أد إيه؟

المهندس منسي : 10 متر في الدقيقة، يعني إنت بتقيس التغليفة بتاعتك بتشوفها الطول كام، الطول بس اللي إحنا محتاجينه، أما العرض والارتفاع مش محتاجينه، بتشوف الطول بس وتقسمه… هوه 10 متر في الدقيقة هتعرف هي تعمل كام

العميل : فهمت قصد حضرتك يا باش مهندس، اسم الكريم مين معايا؟

المهندس منسي : المهندس منسي

العميل : الله يخليك يا باش مهندس عشان بس لما أكلمك تاني بس أستفسر عن أي حاجة عشان إن شاء الله نتعامل مع بعض يعني بإذن الله

المهندس منسي : ييسرلك ربنا

العميل : الله يجازيك كل خير، شكراً يا باش مهندس

المهندس منسي : العفو يا غالي مع السلامة

العميل : مع السلامة