ماكينة تغليف موديل 107 من شركة المهندس منسي
العميل: سلام عليكم
المهندس منسي: وعليكم السلام ورحمه الله وبركاته
العميل: مؤسسة المهندس
المهندس منسي ايوه
العميل: طيب بص يا فندم هوه إحنا شركة أمن وحراسات تمام
المهندس منسي آه
العميل: وكنت عايز أشوف مكنة التغليف عارف حضرتك زي اللي هي بتبقى موجودة في كارفور والأماكن ديت، اللي لو حد داخل بأغراض من خارج المول عندنا بنغلفها كده بس بكيس
اللي هوه عارف حضرتك بيبقى رول كده عاليه بس اليد اللي هي بتنزل بس تسيح وتقطع الرول بتاع الاكياس وحاجات زي كده
المهندس منسي آه…
العميل: ده متوفر عند حضرتك حاجة زي كده يا فندم؟
المهندس منسي: عندنا حاجة شبيهة… آه عندنا آه، التانية دي برده عندنا آه
العميل: موجودة، طب أقدر آخد أسعارها من حضرتك، أو حتى تبعتلنا صورها وأسعارها على الميل عندنا؟
المهندس منسي: طب ابعتلي طلب استفسار على الإيميل وإحنا هنرد عليك على طول
العميل: أبعته زي ما أنا شرحته لحضرتك كده
المهندس منسي: إن شاء الله
العميل: طيب يا فندم، شكراً لذوقك.. شكراً
المهندس منسي: مع السلامة
العميل: سلام عليكم
المهندس منسي: عليكم السلام ورحمة الله وبركاته
العميل: شركة التيسير مع حضرتك
المهندس منسي: أهلاً بيك
العميل: أهلاً بحضرتك، أنا كنت عايز أعرف عرض أسعار لماكينة تغليف أغراض
المهندس منسي: آه.. الأغراض دي زي إيه؟
العميل: هوه أنا هوصف لحضرتك الماكينة اللي أنا عايزها
المهندس منسي: آه..
العميل: اللي هي يبيقى البلاستيك بتاعها طبقتين، والحاجة اللي أنا عايز أغلفها تدخل في النص تتغلف، وبعد كده اللحام يقفلها
المهندس منسي المنتج نفسه اللي هتغلفيه إيه؟
العميل: هوه هايبر ماركت
المهندس منسي: ما هوه أنا فكرة مثلاً عشان أقدر أقولك إيه المكنة اللي تلائمك
العميل: ما هوه أنا مش عارفه والله هوه أغراض، يعني همه طالبين كده، بس إيه بالضبط والله معرفش
المهندس منسي: اعرفي إيه الأغراض اللي هنغلفها علشان خاطر الأغراض دي يعني مثلاً في حاجات كتيرة قوي، يعني الكيبورد اسمها أغراض، السديهات.. المونيتور اسمها أغراض.. كل حاجة اسمها أغراض
العميل: لأ.. لأ.. هي ماركت، هايبر ماركت
المهندس منسي: تتحط في السوبر ماركت
العميل: آه.. آه
المهندس منسي: بيعمله بقى عروض؟
العميل: معنديش فكرة والله بقى
المهندس منسي: طب اعرفي كده تفاصيل أكتر، هوه حضرتك بتاخدي المكن ده بتورديلهم
العميل: آه…
المهندس منسي: فإنت اعرفي بس منهم بيانات أكتر، لأنه في عندنا مكنة اللي بيتعمل تغليف العروض، وفي عندنا مكنة اللي بيعمل تغليف الكيس وهوه داخل، لو معاه أمانة وهوه داخل بيها….
العميل: غالباً هتكون دي، هي اللي قالولي قالولي مكنة شبه اللي في كارفور
المهندس منسي: آه… ابعتلنا بقى طلب استفسار على الإيميل وهنرد عليك في خلال…
العميل: أنا بعت على الإيميل ومحدش رد عليا
المهندس منسي: هيردوا عليك بعد يومين، لأن المراسلات بتجتمع بالمهندسين وبعدين يرده
العميل: بعد يومين؟
المهندس منسي: آه في خلال يومين آه
العميل: طيب خلاص تمام، مافيش مشكلة، أنا بعت على الإيميل اللي أنا لقيته على النت
المهندس منسي: ماشي
العميل: طيب شكراً مع السلامة
