ماكينة حقن الكرواسوه موديل 404  من شركة مهندس منسي 

العميل: السلام عليكم

المهندس منسي: وعليكم السلام

العميل: بكم مكنة الحقن؟؟

المهندس منسي: ب مكنة الحقن

العميل: مكنة حقن كرواسوه

المهندس منسي: آه

العميل:  دي حقن يدوي

المهندس منسي: لا مش يدوي، لأ تكاد تكون أتوماتيك، فيها دواسة كده إنت بتدوس على الدواسة هي تحقنلك جوه الكرواسوه المربى، أو الشيكولاته أو الحاجة اللي حضرتك عايز تحطها

العميل:  تمام، أنا هقول لحضرتك على حاجة، أنا ممكن أزوركم في عنوان الفرع، أو الحاجات دي موجودة على الموقع بتاعكم

المهندس منسي: آه موجودة آه بس يستحسن لو شفت الحاجة لايف، يعني طبيعي، الحاجة بضاعة حاضرة، فلو جيت شفتها على الطبيعة يبقى أفضل بكتير

العميل:  أنا ممكن أكتب العنوان

المهندس منسي: هبعتهولك في رسالة إحنا عندنا حدائق القبة، مدينة نصر، باب الشعرية، 6 أكتوبر

أقرب فرع ليا أكتوبر

المهندس منسي: ماشي هبعتهولك في رسالة حالاً

العميل:  تمام

المهندس منسي: هوه هيتوه معاك لما تقوله حقن كرواسوه، فقوله المكنة رقمها 404

العميل:  تمام

المهندس منسي لأنه هوه متعود إنه 404 بتعبي المربى، وبتعبي العسل، وبتعبي الشيكولاته، ممكن ما يكونش في باله إنها بتحقن الكرواسوه

العميل:  آه

المهندس منسي فإنت قوله أنا عايز المكنة 404

العميل:  تمام… معلش سؤال تاني، ما بتشتغلوش في الفرادات الباتيه أو الكرواسوه أو الحاجات دي

المهندس منسي: لأ

العميل:  طب ألاقيها عند مين… عندي هنا في مصر ولا مستورد أفضل؟

والله هوه أنا براهن بس على حاجة نقدر نصنعها في مصر بجودة عالية، بنحاول

أنا عن نفسي بصنع بره وبجمع

العميل:  يعني إنت حضرتك بتصنع بالطلب وتجمع من بره

المهندس منسي: بنعمل إيه بقى عشان نجيب سعر أقل، إحنا مهندسين بنعمل تصميمات خاصة بينا إحنا بناء على ثقافة العميل بتاعنا لأنه شويه مريح دماغه يعني، ده رقم واحد

رقم 2 عايز المكن كله كهربا بيوت عادية

رقم 3 مافيش فنيين، كل واحد كلهم ناس لسه بادئة زي حضرتك كده وماعندهومش فكرة عن المكن ولا أي حاجة

العميل:  شكراً

المهندس منسي: لأ لازم نكون صرحة مع نفسنا عشان نقدر نجيب حاجة نقدر نشغلها

العميل:  آه… اللي حضرتك تقصده إن أنا أجيب مكنة سهلة مش محتاجة خبير يتعامل معاها

الله ينور عليك، مش محتاجة فنيين ولا مهندسين ولا تبقى حاطط صباعك تحت ضرس حد ييجي يتحكم فيك ولا قاعد ممكن ييجي، ولا يتأخر النهاردة يعطلك المصنع كله، لأ إحنا بنجيب مكنة سهلة جداً جداً أبسط مما تتخيل، بحيث إنك لو العمالة قرفتك النهاردة تروح ممشيها وتدرب العمالة الجديدة إنت بنفسك تدربهم، خش ما تفتيش اعمل كذا وكذا وكذا…

العميل: جميل كويس، عامل زي عندي في الشغل كده أنا شغال في سامسونج…

المهندس منسي: ما هو اللي جاي لو عارف في المكنة وإنت مش فاهم ما هو هيتحكم فيك

العميل: خلاص المكنة بتاعته هوه مش هتعرف فيها

المهندس منسي: الله ينور عليك، بقيت إنت موزع ليه

العميل: هوه مشي ولا غاب يوم خلاص إنتاجيتي وقفت

المهندس منسي: بقيت حضرتك موزع ليه، يقعد يتحكم فيك ويحط شروطه عليك…

العميل: مش كل الناس زي بعضها، ولكن الغالبية العظمى بقوا كده

المهندس منسي: فالنهاردة عملنا مكنة سهلة جداً فري إيزي بحيث إن صاحب الحاجة يبقى فاهم مكنته شغالة إزاي ويعرف يشغلها في أي وقت، غاب أجيب واحد غيره على طول، مش شرط أي ثقافة ولا أي خبرة

العميل: طب سؤالين معلش حضرتك فاتح طول أيام الأسبوع؟

المهندس منسي: الأجازة بس الجمعة

العميل: تمام…

العميل: وفي رمضان المواعيد من كام؟

المهندس منسي: بس ساعة الفطار بنروح نفطر في البيت ونيجي

العميل: طب معلش التقسيط، لو أنا دلوقتي مش هقدر أدفع المبلغ كله بتاع مكنة التغليف الأتوماتيك

المهندس منسي: هي دي بقى النقطة الوحيدة اللي مش عارفين نعالجها في جمهورية مصر العربية

كل شغلنا كاش

العميل: تمام…

المهندس منسي: حوالنا نتفق مع بنوك ولكن البنوك بقت تاخد الحالات وتحط عليهم شروط وحاجات من دي فمعرفناش

العميل: البنوك طبعاً صعب يعني، كمان هتدخل في ربا وكده فصعب

المهندس منسي: والله كلها لفه حوالين بعضها، يعني عملية ربا…. طب ما هو البنك صريح بيقولك أنا باخد فايدة كذا، أما لو إنت خدتها بالقسط من أي حد هيضرب أد البنك مرتين وفي نفس الوقت لو إنت خدتها كاش كانت هتبقى أرخص

يعني مثلاً النهاردة لما تروح تجيب عربية عن طريق البنك هتلاقيه واخد من 50% زيادة، طب لو رحت جبتها عن طريق واحد هتلاقي واخد منك 100% زيادة، مضبوط ولا مش مضبوط

العميل: بياخد الـ 100 والمشكلة مافيش ثقة في التصرفات

المهندس منسي: آه… يمضيك على بياض ويبهدل الدنيا، طب وعلى إيه، البنك صريح ودغري وبيقولك والله أنا هديلك كذا.. كذا…

ما علينا عملية الحلال والحرام دي أنا ما أعرفهاش، ولكن حاولنا بقدر الإمكان إن ننظم مع البنوك بحيث إن الناس تروح مع البنك تاخد الرسالة من هناك وتديهالنا وكده فالبنوك لقيتهم بيفرضوا شروط عقيمة شويه

العميل: والله أنا عند الفرن الدوار الإيطالي، فعندي كل المعدات، بس ناقصني 3 معدات، مكنة الحقن والتغليف، ومكنة الفرد

الفرد ديت إنت ممكن تعملها على إيدك

العميل: صعبة

المهندس منسي: يا راجل ولا صعبة ولا حاجة ده راضوخ خشب، لو جيبت راضوخ خشب ورحت شايل السلاح منه ومليته خلاص بقت مكنة فرد

العميل: ما شاء الله

سعرها غالي في السوق، سعرها عامل زي مكنة التغليف

المهندس منسي: عموماً أي مكنة مش عندنا إحنا أوردي عندنا شركة في الصين، وعندنا معرض بيبيع مكن في قلب الصين

العميل: آه

المهندس منسي: فأي حاجة لو إنت احتجتها من بره ممكن الشركة عندنا تجيبهالك وبيخادوا عمولة بسيطة 5%

العميل: طيب خلاص إن شاء الله اليوم اللي هاجي فيه أشوف هقولهم على الفرادة اللي أنا عايزها، أو المواصفات أو أشوف الحاجة وأقول لحضرتك عليها بحيث نتفق تيجي إزاي والكلام ده كله

المهندس منسي: ماشي يا غالي

العميل: شكراً جزيلاً على تعب حضرتك، متشكر جداً، جزاكم الله خير، السلام عليكم