ماكينة ديسك توب ا نزل,2 نزل لتعبئة السوائل من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه
العميل: لو سمحت أنا مشتري من عندكم مكنة اللي هي اليدوي طباعة التاريخ دي، والبكرة السودا اللي بنطبع عليها دي خلصت، فمحتاج 4 ـ 5 بكرات كده
المهندس منسي: موجودة إن شاء الله
العميل: طب أشحنهم إزاي بقى ولا أعمل إيه؟
المهندس منسي: أنا هبعتلك دلوقتي تليفون المبيعات هتابع معاهم وتشوف إجراءات التوريد إزاي
العميل: طب قولي يا فندم تليفون المبيعات
المهندس منسي: هبعتهولك في رسالة
العميل: شكراً جداً يا باش مهندس، سؤال تاني معلش ممكن؟
المهندس منسي: اتفضل
العميل: أنا دلوقتي عايز المكنة اللي بتملى سوايل
المهندس منسي: آه
العميل: واحد نزل أو 2 نزل اللي موجود يعني
المهندس منسي: ماشي
العميل: طيب إيه اللي موجود دلوقتي أتوماتيك؟
المهندس منسي: هوه موجود ديسك توب، وموجود 1 نزل، وموجود 2 نزل، و 4 نزل أتوماتيك
العميل: الأتوماتيك بكام يا فندم الـ 2 نزل؟
المهندس منسي: 6000
العميل: تمام… والمانيوال العادية
المهندس منسي: بتبدأ من
العميل: من 300- الفرق كبير جداً كده ليه؟
المهندس منسي: ما هي عشان نص أتوماتيك، أما الأتوماتيك بيركبلها بي إل سي فهوه اللي بيغلي سعرها
العميل:آه ده اللي هوه المونيتور الديجيتال اللي هوه بتحط النسبة الرقم اللي إنت عايز تملاه صح كده ولا إيه؟
المهندس منسي: لأ.. اللي بيتحكم في إن الإزازة تقف وبعدين تتعبى وبعدين تقف وبعدين تتعبى وتتحرك، أما المونيتور ده موجود في النص أتوماتيك عادي مافيش مشكلة، إنما الـ بي إل سي اللي هوه بيتحكم في تشغيل…
العميل: حركة الإزازة قصدك على السير يعني
المهندس منسي: آه هوه ده اللي مغلي سعرها
العميل: إنما المكنتين واحد تقصد يا باش مهندس ولا إيه؟
المهندس منسي: آه المكنتين واحد، هي المكنة النص أتوماتيك هي بتبقى أتوماتيك، إحنا بنجيب النص أتوماتيك وبنركبلها سير وبنعملها جهاز تحكم في حركة الإزازة
العميل: طيب النص أتوماتيك ديت 2 نزل ولا 4 نزل
المهندس منسي: في منها 4 وفي منها 2 وفي منها واحد، وفي منها ديسك توب
العميل: طيب الديسك توب بكام مثلاً؟
المهندس منسي: بتعمل
العميل: طيب والعادية الـ 2 نزل الكبيرة؟
المهندس منسي: دي بـ
العميل: آه يعني الديسك توب بـ300
المهندس منسي: وبرده تقدر تقلبها ديجيتال إن هي تنزل 100 مللي لغاية 5000، لغاية 5 لتر، 10 لتر، براحتك
العميل: وأقل حاجة تضبطها كام يا باش مهندس؟
2 المهندس منسي: سم
العميل: يعني من أول 2سم لغاية 5000 تقدر تضبط الرقم ده فعلاً
المهندس منسي: إن شاء الله
العميل: طب دي موجودة إن شاء الله الديسك توب دي؟
المهندس منسي: آه موجودة
العميل: طب ولو بعت أكلم المبيعات وأحط فلوسها ولا أعمل إيه؟
المهندس منسي: آه عادي آه… بس يستحسن أول ما تيجي تاخد المكنة يستحسن إنك تيجي تشرفنا بالزيارة عشان تتدرب عليها وكده
العميل: أنهي فرع فيهم؟
المهندس منسي: براحتك الفرع اللي يعجبك
العميل:أنا رحت فرع باب الشعرية قبل كده…
المهندس منسي: لو إنت شايف إنك مستريح معاهم توكل على الله
العميل: لا.. لا.. أنا بتكلم في أنهي فرع اللي فيه المكنة أصلاً
المهندس منسي: كله زي بعضه
العميل: كلهم عندهم نفس المكنة
المهندس منسي: آه
العميل: مرسي جداً على ذوقك يا باش مهندس، شكراً خالص، هستنى رقم الشركة بتاع البيع
المهندس منسي: ماشي
العميل: اتفضل حضرتك.. اتفضل
