ماكينة ديسك توب لتعبئة ليكويد الشيشة الالكترونية في عبوات من شركة المهندس منسي

العميل : باشا السلام عليكم عايز أعرف المكنة  اللي بتعبي السوائل بكام هستخدمها أعبي بيها ليكويد الشيشة الالكترونية العبوات اللي هعبي فيها 30 ملي و 60 و 100 و 120. عايز أعرف سعرها كام وحجمها وياريت صور لشوف شكلها بعد إذنك

المهندس منسي : هي مكنة تعبئة السوائل عموماً أسعارها بتبدأ من ، وإنت طالع بقى، فيه بـ اللي هي استخدامها بسيط يعني، حسب الطاقة الإنتاجية، فيه بقى بعد كده بـ800، وفي بـ 1200، وفي بـ1000، وفي 4 نزل… حسب الطاقة الإنتاجية اللي إنت عايزها، يعني شوف الطاقة الإنتاجية اللي إنت عايزها في اليوم أد إيه ونقولك آه المكنة اللي هتنسابك دي أو دي أو دي

العميل : آه تمام زي الفل، طب بص حضرتك أنا مش هشتغل بيها دايركت يعني مش كل يوم، يعني أنا بعمل كمية مثلاً الكمية دي أنا عشان لسه بادئ اللاين بتاع الليكويد ده بتاع الشيشة يعني ممكن مثلاً تبقى الطلعة تبقى حوالي 500 إزازة، أقوم معبي الـ500 إزازة دول، ومش كل يوم، يعني ممكن كل أسبوع 10 أيام، يعني ممكن كل أسبوعين أقوم معبي الـ500 إزازة ممكن بقى لو ربنا يكرمني كده والشغل زاد يعني ميكسمام في الطلعة مش هتبقى أكتر من 2000 إزازة فاهمني، فممكن حضرتك تقولي بقى الطريقة بتاعتها إزاي؟ أو الفرق ما بين السعر القليل والسعر الكتير؟ في فرق في الكفاءة ولا هي العدد مثلاً تعبيلك الألف إزازة في ربع مثلاً والتانية والألف إزازة في ساعة؟ يعني لو حضرتك كده مثلاً بسيط يعني

العميل : ويا ريت حضرتك عشان المكان عندي عايز أعرف الحجم أد إيه؟؟ الشكل إزاي بتاع؟؟ عشان بس أظبط الدنيا يعني، فلو في عند حضرتك صور توضح لي أكتر ليها لأن أنا دخلت على الموقع الصور مش فاهم منها أي حاجة يعني، فحضرتك مثلاً تقولي ديت كذا وصورتها كذا وعليها السعر كذا، هتعبك معايا يا باشا معلش أنا أصلاً دخلت قعدت أدور في كذا شركة يعني فلقيت الناس يعني ما شاء الله بيتشكروا في الشركة بتاعت حضرتك، فعشان كده بكلمك، وأنا عموماً من بورسعيد أصلاً يعني، وشغلتي الأساسية مدير لعيبة تبع كرة القدم والنوادي وكده يعني، ودي حاجة كنت عاملها جنب الكرة يعني، فالمهم معلش هتعب حضرتك وكده واللي طلبته من حضرتك ده

المهندس منسي : في مكنة بتتحط على المكتب كده رقمها 451 الموديل بتاعها يعني 451 ماركة المهندس منسي، المكنة ديت تقدر تعملك 500 عبوة في الساعة

العميل : تمام دي سعرها كام يا باشا؟

المهندس منسي : ، هو إحنا بنقول أسعار بال عشان نضمن بس ثبات الأسعار، إنما لو هتدفع بأي عملة مافيش مشكلة عندنا هو يستحسن لو حضرتك جيت اتفرجت على المكن بنفسك وعاينت المكن كله، أما كده مش هنقدر نفهم بعض، يعني حضرتك شرفنا بالزيارة المكن موجود بضاعة حاضرة في المعارض بتاعتنا، في مكن نص أتوماتيك، وفي أتوماتيك، في 2 نزل، وفي 4 نزل… حضرتك تعالى شرفنا وشوف اللي موجود في المكن هيعرفك على المكن كله

العميل : طب أوكيه تمام، طب في فرع قريب لكم في مدينة نصر أو فيه في مدينة نصر نفسها، ياريت العنوان بتاعه معلش؟

المهندس منسي : اتصل بنا في الفروع التي تناسبك/ ماكينات تعبئة وتغليف

http://m2pack.me/%D8%A7%D8%AA%D8%B5%D9%84-%D8%A8%D9%86%D8%A7/

الرابط ده هتلاقي فيه كل العناوين بتاعتنا، وفيه كل الأفرع، وفيه كل تليفونات المبيعات

العميل : تمام ماشي، شكراً يا باشا، زي الفل، ربنا يخليك