ماكينة شرينك موديل 105 من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل: المهندس منسي

المهندس منسي: أيوه

العميل: إزي حضرتك يا فندم

المهندس منسي: الحمد لله

العميل: انا عايز مكنة شرينك بس تكون واسعة شويه

المهندس منسي: آه

العميل:فهل ممكن نعمل واحدة مخصوص يعني؟

المهندس منسي: آه ينفع

العميل: حضرتك الأبعاد هتكون مثلاً 90 × 130 سبورة أكبر حجم عندي 90 × 130

المهندس منسي: هوه أنا يهمني العرض ما يهمنيش الطول في حاجة، لأنه هوه كونتينيوس يعني مستمرة، يعني العرض هوه المهم مش الطول، شوف الارتفاع وضعه إيه

العميل: أنا الارتفاع برده ما يهمنيش الارتفاع قوي 10 سم أو أقل، لو الارتفاع هيأثر في السعر أو التكلفة قوي، لأني ما بحتاجش ارتفاعات كبيرة قوي

المهندس منسي: طبعاً هتأثر في التكلفة آه

العميل: 10 سم حلو قوي

المهندس منسي: آه… ماشي نحسبها إن شاء الله ونرد على حضرتك

العميل: طيب لو في إمكانية احسبهالي بـ 3 تفصيلات يا فندم

المهندس منسي: طب ابعتلي المقاسات وأنا هرد على حضرتك

العميل: طيب أنا بعتهالك بس أنا تكلفها برده بالسير ومن غير السير، وباللحام ومن غير اللحام

المهندس منسي: ماشي..

العميل: ماشي يا فندم، يعني عايز 3 أسعار، سعر السير واللحام والفرن، أو اللحام والفرن، مثلاً 3 أسعار بحيث أشوف إمكانياتي هتمشي على إيه يعني

المهندس منسي: ماشي يا غالي إن شاء الله

العميل: ماشي هبعتها لحضرتك دلوقتي إن شاء الله

المهندس منسي: إن شاء الله

العميل: ماشي يا فندم، شكراً

المهندس منسي: مع السلامة