ماكينة شفط وتفريغ الهواء من اكياس لحوم من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : بص حضرتك أنا كنت عايز أسألك سؤال كان في شحنة تصدير لحمة طالعة لبره عمان، فهل عايز أعرف هل بتعملوا الباكتج للحوم اللي هي بتبقى الفخدة كاملة والحاجات دي

المهندس منسي : إحنا بنديلك المكنة اللي بتفاكيوم

العميل : مكنة فاكيوم، آه

المهندس منسي : مكنة فاكيوم بحيث إنك إنت تفاكيوم المادة وتعملها شفط وتفريغ للهوا

العميل : تمام.. تمام… ممكن آجي أعملها عند حضرتك ولا القصة… إحنا  أول مرة نعملها بصراحة

المهندس منسي : إحنا بنبيع المكنة وبندربك على المكنة إزاي تشغلها، العملية بسيطة قوي

العميل : إنت حضرتك بتبيع المكنة نفسها

المهندس منسي : هي العملية بسيطة قوي ده هوه ساعتين ـ 3

العميل : طيب هي المكنة بكام يا فندم؟

المهندس منسي : في حاجة بـ ، وفي حاجة إحنا بنسمي بس بال إنما بناخد بالجنيه المصري

العميل : أنا عارف ما إحنا خلاص ما حدش دلوقتي بقى يسعر بالجنيه طيب يعني هي الفكرة إن الشحنة كانت صغيرة، فمش عارف نجيبلها مكنة ولا لأ، بس برده إنت مكان سعادتك فين؟

المهندس منسي : لو حسبتها المواصلات، والنقل، والخوف من أن حد يبل حاجة أو يعمل حاجة، هتلاقي إنك مش تشتري مكنة واحدة، ده إنت تشتري 10 مكنات

العميل : والله تمام، أنا مع حضرتك

المهندس منسي : هي الفكرة…لو أنا دلوقتي ليه ما عملتش عندي، أنا أعرف المهندس منسي كويس، إنما ما أعرفش اللي شغالين عنده

العميل : آه.. آه.. تمام

المهندس منسي : ما يمكن واحد ياخد حاجة… كده بقى أنا هقعد بقى ددبان

العميل : آه.. آه… بس هي المكنة دي ممكن تعمل فاكيوم للفخدة، الفخدة مش حاجات صغيرة يعني

المهندس منسي : مافيش مشكلة، هي الفخدة وزنها أد إيه؟ ولا طولها × عرضها كام؟

العميل : هي فخدة كندوز، فخدة…

المهندس منسي : فخدة ضاني..

العميل : لا.. لا.. فخدة كندوز، فخدة عجل، مش فخدة ضاني

المهندس منسي : أبعادها إيه؟

العميل : لا مش عارفها طبعاً، بس هتلاقيها مثلاً 1.20 متر حاجة كده

المهندس منسي : لا يبقى دي مكنة تانية هو كل حاجة ليها حاجة

العميل : طيب إنت مكان حضرتك فين أنا ممكن أعدي على حضرتك كموقع؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : خلينا في مدينة نصر كده

المهندس منسي : هبعتلك الداتا بتاعته في رسالة حالاً

العميل : طيب شكراً يا فندم، مرسي لذوق حضرتك، مين معايا يا فندم؟

المهندس منسي : المهندس منسي

العميل : أهلاً بيك يا باش مهندس، معاك هشام مسعود

المهندس منسي : ماشي يا فندم، شكرا، مع السلامة