ماكينة صنع علب المكرونة والزبادي من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : إزيك يا باش مهندس

مهندس منسي : أهلاً بيك

العميل : أنا الحاج لطفي

مهندس منسي : أهلاً وسهلا

العميل : شركة المهندس منسي للبلاستيك

مهندس منسي : إن شاء الله

العميل : إحنا عرفنا من على النت، قالولنا إنكم بتعملوا مكنة لعلبة المكرونة والكشري وكوباية الزبادي، المكان فين إن شاء الله نجيلكم نبص على الطبيعة؟

مهندس منسي : اللي موجودة بضاعة حاضرة مكنة اللي هي الصغيرة نص أتوماتيك، أما الكبيرة دي بنجيبها بالطلب أو بنصنعها بالطلب

العميل : ماشي

مهندس منسي : المكنة النص أتوماتيك دي بتعمل يعني 15000 جنيه مصري

العميل : كويس

مهندس منسي : عندنا حدائق القبة، مدينة نصر، باب الشعرية

العميل : طيب أجيلكم في باب الشعرية، فين في باب الشعرية؟

مهندس منسي : هبعتلك أنا العنوان بتاع باب الشعرية

العميل : طيب ماشي يا باشا، اسم الكريم؟

مهندس منسي : المهندس منسي

العميل : ماشي يا باش مهندس، ماشي يا حبيبي، أنا نفسي أتشرف بحضرتك وأقعد مع حضرتك

مهندس منسي : ربنا يخليك تيجي تنورني

العميل : ماشي يا حبيبي، أنا الفكرة بس عندي ما عنديش فكرة عن الشغل دوت، بس إحنا كنا شغالين في شغل بس بالنسبة للسوق حصل تعديلات في السوق، بس اللي شجعنا بس المكان عندي في أبو رواش مساحة 350 متر حلوة و كويس والحمد لله الكهربا كويسة عندنا، عايزين نغير النشاط لأحسن العملية…

مهندس منسي : كنت واخده من الجهاز ولا كنت واخده من…..

العميل : لا واخده من أحمد ضاحي وهوه اللي جبهولي وعندنا كهربتنا ومياتنا وكل حاجة

مهندس منسي : أحمد ضاحي مين ده بقى؟

العميل : اللي هوه في الكيلو 26

مهندس منسي : أحمد ضاحي واحد بيقسم يعني أراضي؟

العميل : كان الله يرحمه بقى، راجل كان محترم وكان قلبه زي الحديد وكان بصراحة يقف مع الناس كلها، وكان يبيع الأرض بالقسط وكل حاجة، كان ربنا كرمه يعني والحمد لله بقى

مهندس منسي : بس المشكلة الأراضي دي ما بتاخدش تراخيص

العميل : مش مشكلة هنعمل إيه همه خدوا مننا إحنا كنا مشتريين بـ 170 وخدوا مننا 280 جنيه على المتر، يعني باعولنا مرتين… فين ده أنا قدمت واستنيت 10 سنين مع الجهاز في المحافظة خدت بال حضرتك أيام ما كانوا بيبيعوا بـ 90 جنيه، وخدوا مننا أد كده ومش عارف جدية تعاقد وأبصر إيه وما أدرك إيه، وناس بمصلح على الحي، ربنا يهدي الحال ويصلح الحال يا رب

مهندس منسي : يعني دولقتي بقت مقننة

العميل : آه همه عمليني تقنين بس أنا دفعت جزء ولسه بقى بقسط في الباقي

مهندس منسي : يعني إنت ما خدتش التقنين بتاعك؟

العميل : لأ أنا دافع ومخلص كل حاجة بس لسه ما كملتش باقي الفلوس، يعني دافع في حدود 80 ـ 85 ألف حاجة زي كده

مهندس منسي : وسعر المتر هناك بكام بقى دلوقتي؟

العميل : لا عدى لأن موضوع الفتحة اللي عملوها دي، يعني أقل حاجة بـ 1500 و 2000 جنيه النهاردة المتر

مهندس منسي : آه ده وضع اليد ولا….

العميل : لا مش وضع يد ده أملاك يا حاج

مهندس منسي : آه…

العميل : أنا إن شاء الله أجيلك بقى في باب الشعرية ونتقابل

مهندس منسي : ماشي

العميل : فين حتة بالضبط في باب الشعرية، أنا كنت باجي عند الحاج حسين اللي هوه الخراط ده

مهندس منسي : آه…

العميل : اللي هوه ورا السوق

مهندس منسي : لأ أنا هبعتلك العنوان دولقتي

العميل : شارع البحر في أول شارع البحر

مهندس منسي : إحنا ورا رئاسة حي باب الشعرية

العميل : يعني أنا لو وقفت في الميدان في أنهي حتة بقى؟ الميدان نفسه

مهندس منسي : ما هو أنا هبعتلك دلوقتي العنوان وهتلاقي فيه 3 تليفونات بتوع المبيعات هتابع بقى معاهم وهيوصفولك أحسن مني

العميل : ماشي.. أنا عايز أقابل حضرتك نفسك

مهندس منسي : إنت تيجي تنورني، بس أنا مثلاً ببقى في كل فرع شوية وكده يعني

العميل : ماشي.. ماشي اللي إنت موجود فيه لأن إحنا طبعاً زي حالات بعضنا

مهندس منسي : صدقني اللي إنت هتقابلهم هتلاقيهم أحسن مني

العميل : شقيانين زي بعض، يعني على حسب كلام حضرتك راجل شقيان زي حلاتي

مهندس منسي : الله يبارك لك، صدقني اللي إنت هتقابله هتلاقيه حد كويس قوي قوي

العميل : ربنا يبارك لك يا حبيبي، أنا هاجي لحضرتك مخصوص يعني

مهندس منسي : حاضر

العميل : ماشي يا باشا.. ماشي يا حبيبي مع السلامة