ماكينة طباعة تاريخ الانتاج من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: إزيك يا معالي الباشا
المهندس منسي: أهلاً بيك
العميل: معاك أحمد حسين من الشرقية
المهندس منسي: أهلاً وسهلاً
العميل: ربنا يعزك، كنت عايز المكنة اللي بتكتب تاريخ الإنتاج على العلب الصفيح بعد إذن حضرتك
المهندس منسي: اللي عندنا على الغطا مش على العلبة، أو على الليبول
العميل: أيوه على الغطا يا معالي الباشا
المهندس منسي: آه هات لنا شويه غطيان وتعالى إعمل عليها تست
العميل: طب أنا محتاج المكنة دي عندي، أنا عندي معمل بتاع زبدة وعسل وكده، أنا محتاج المكنة دي بعد إذنك
المهندس منسي: ماشي تحت أمرك
العميل: طب المكنة دي عامله كام بالله عليك؟
المهندس منسي: في حاجة بـ وفي حاجة بـ ، اضرب ال × 18
العميل: دي بتكتب بس على الغطا الصفيح
المهندس منسي: آه
العميل: يعني تبقى عامله كام مصري يا معالي الباشا؟
المهندس منسي: اضرب السعر ده × 18
العميل: إنت بتقول في حاجة بـ50 ؟
المهندس منسي: لأ بـ 90
العميل: ودي حلوة يا معالي الباشا؟
المهندس منسي: ده ضمان، إحنا شركة عالمية براند، يعني ماركة عالمية
العميل: يا باشا على فكرة أنا مع احترامي ليك أنا خدت من عندكم حاجات كتير، يعني واخد قبل كده مكن تغليف، وواخد مكن بتاع تاريخ الإنتاج، وواخد المكنة بتاعت الاستشوار… أنا بتعامل معاكم من زمان وعارف إن إنتم ناس محترمة
المهندس منسي: الحمد لله بفضل ربنا
العميل: طيب آجي لحضرتك على باب الشعرية ولا على المخزن اللي في الزاوية؟
المهندس منسي: براحتك المكان اللي يعجبك
العميل: آجي لحضرتك على باب الشعرية على الإدارة يعني؟
ولا حاجة لو جيت فرع باب الشعرية ماشي، لو جيت على حدائق القبة ماشي، مافيش مشكلة
العميل: طب يعني…. مافيش عشم لينا شويه ده إحنا هنجيلك من الشرقية مخصوص يعني الله يبارك لك؟
المهندس منسي: آه في 5% طالما إنك عميل قديم عندنا
العميل: والله قديم ومتسجل عندكم أحمد حسين والله
المهندس منسي: ماشي هوه كده كده العميل القديم بياخد 5% عشان خدمة ما بعد البيع بيريحنا شويه، فبنديها له في إيده
العميل: يا باشا وإحنا تحت أمرك، إنتم ناس محترمة والله يا باشا
المهندس منسي: الله يبارك لك
العميل: ربنا يكرمك … اسم الكريم إيه؟
المهندس منسي: المهندس منسي
العميل: ماشي سعادة الباشا، ماشي يا باش مهندس
المهندس منسي: مع السلامة
العميل: اتفضل يا باشا، اتفضل يا ريس
