ماكينة طباعه تاريخ من شركة المهندس منسي
العميل: سلام عليكم
المهندس منسي: وعليكم السلام
العميل: الباش مهندس ولا عم حامد
المهندس منسي: لا الباش مهندس اتفضل
العميل: إيه يا باش مهندس إزي حضرتك أنا الحاج علاء عوض
المهندس منسي: أهلاً بيك
العميل: أهلاً بحضرتك، لو سمحت كنا عايزين مكنة طباعة يا باش مهندس
المهندس منسي: آه…
العميل: إيه اللي موجود؟
المهندس منسي: تقريباً عندنا واحدة، عندنا واحدة تقريباً في 6 أكتوبر .. هبعتلك تليفون حد من المبيعات كلمهم كده شوف الوضع إيه
العميل: طيب
المهندس منسي: ماشي هبعتهولك دلوقتي في رسالة، إنت هتطبع بقى على إيه؟
العميل: ده هوه زبون عايز… الحاج علاء بتاع مكن القص يا حاج منسي
المهندس منسي: آه.. آه الحاج علاء أخبارك إيه يا باشا
العميل: الحمد لله يا باش مهندس
المهندس منسي: إنت غيرت رقمك ولا إيه
العميل: لا معاك نفس الرقم والله يا دكتور
المهندس منسي: ماشي يا باشا .. هبعتلك تليفون بتاع المبيعات وكلمه وهوه هيبصلك عليها
العميل: طب وسعرها مع سيادتك ولا معاه؟
المهندس منسي: لا سعرها معاه، أصلها مكنة مش بياعه قوي يعني، فهوه اللي هيبقى فاكر سعرها يعني
العميل: طب ماشي… طب تدهولي طب أكتبه وراك على طول
المهندس منسي: هبعتهولك في رسالة حالاً دلوقتي
العميل: طب الله يكرمك…
