ماكينة غلق عبوات الزبادي من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: كنت بسأل حضرتك على عبوات البلاستيك الزبادي دي التعبئة؟؟
المهندس منسي: آه
العميل: إنتم عندكم اللي هي زي جهينة وزي لاكتيل؟
المهندس منسي: لأ إحنا عندنا المكن اللي بيعبي العبوات دي وبيلحمها…
العميل: لأ أنا عايز العلب نفسها
المهندس منسي: آه.. عندنا المكن اللي بيعبيها ويلحمها، أما العبوات نفسها اللي هي العبوة البلاستيك الخفيفة دي مش عندنا
العميل: دي بتيجي منين حضرتك؟
المهندس منسي: لو كنت أعرف كنت قلتلك لوحدي
العميل: موجود منها في مصر يعني؟
المهندس منسي: إن شاء الله
العميل: طب حضرتك عندكم في المصنع الفويل اللي بيتغطا بيه الزبادي دوت وطباعته؟
المهندس منسي: آه..
العميل: طب ده بيتحسب إزاي؟ عايز أعرف عندكم إيه؟
المهندس منسي: ده بيبقى بالطن
العميل: الطن بكام طيب؟
المهندس منسي: الطن قبل الطباعة بيعمل في حدود 48، بعد الطباعة لازم نشوف نوعية الطباعة عشان نقدر نحدد لك سعره
العميل: حضرتك الغطا بتاع الزبادي نفسه، اللي هوه الفويل زي جهينة القديمة كده
المهندس منسي: آه.. الرول
العميل: ده اللي حضرتك بتتعامل بيه صح؟
المهندس منسي: آه… ده 48 قبل الطباعة، والطباعة تشوف الديزاين بتاعها وبعد كده تحدد سعره
العميل: يبقى التسليم خلال فترة أد إيه؟
المهندس منسي: بضاعة حاضرة
العميل: بمعنى إيه؟
المهندس منسي: يعني تيجي تدفع تستلم على طول
العميل: يعني بتطبعه في ساعتها؟
المهندس منسي: آه لا عملية الطباعة دي بتاخد وقت… فبنشوف بس شكل الطباعة بناء عليه بنبدأ نقولك التايم بتاعها هيبقى كذا
العميل: ماشي يا باشا، شكراً جزيلاً
المهندس منسي: مع السلامة
