ماكينة فاكيوم تشكيل لتصنيع الاكواب من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إيه يا باشا حضرتك كان الرقم الواتس ده مكتوب على النت عشان تصنيع مكنة الفاكيوم وكده صح؟
المهندس منسي : آه
العميل : تمام الكلام ده، صح الرقم
المهندس منسي : إن شاء الله
العميل : يعني إيه الأسعار إحنا كنا عايزين نعمل مشروع وكنا عايزين نستفسر عن الأسعار
المهندس منسي : هوه في عدد من الفاكيوم، إنت عايز المكنة اللي بتصنع أشكال؟
العميل : اللي هي الفاكيوم
المهندس منسي : هوه بص قولي بس على المنتجات اللي بتعملها عشان أنا بس مش فاهم
العميل : أقولك على منتجات إيه بقى؟
المهندس منسي : اللي هي مثلاً مكنة الفاكيوم دي
العميل : طب هي بتعمل مثلاً أكواب بلاستيكية ولا لأ؟
المهندس منسي : آه بتعمل أكواب بلاستيكية لغاية ارتفاع 5 سم
العميل : اللي هي مثلاً كوب بتاع الشاي اللي بنشوفها في المحطات وكده؟
المهندس منسي : لأ بس فيه مكنتين، في مكنة اللي بتعمل أكواب الشاي اللي هي الطويلة، وفي مكنة بسيطة اللي هي عندنا بسيطة بقى اللي بتعمل لغاية 5 سم، بس فيها مميزات أحسن من كده، ارتفاع 5 سم، أما القطر بتاع العبوة عادي اعمل 7 ـ 10 ـ 12 براحتك، أي طول × عرض الارتفاع بس هوه اللي محدود بـ 5سم
العميل : تمام يا فندم دي…
المهندس منسي : إنما هي بتعمل إيه؟؟ بتعمل أشكال، وبتعمل علب، وبتعمل علبة السلطة…
العميل : زي بتاعت الشيكولاتات والشماعات…
المهندس منسي : آه وبتعمل علب مستحضرات التجميل، وبتعمل الحاجات بتاعت الحلويات، والحاجات بتاعت التليفونات، وعارف إنت الوشوش بتاع لعب الأطفال
العميل : آه عارفها آه… دي بقى نظام اسطمبات وكده، لوح البلاستيك وكده؟
المهندس منسي : آه اسطمبات وبتتغير
العميل : تمام.. طب دي سعرها كام؟
المهندس منسي : علماً بأننا نحاسب ال بـ 12.5 جنيه
العميل : تمام يعني…
المهندس منسي : أنا عارف إن سعره في السوق دلوقتي بـ 18 بس إحنا بنحاسب عليه بـ 12.5 جنيه
العميل : تمام….
المهندس منسي : فالحق قبل ما الأسعار ما تطلع
العميل : تمام ماشي، أنا والله لقيت الرقم ده فقلت أشوف الدنيا
المهندس منسي : آه.. إحنا هنرفع السعر يوم 7/12، يا 7/12 يا 15/12
العميل : دي عامله 712؟
المهندس منسي : لأ بقولك دي عامله اضرب × 12.5 يعني 18500 جنيه مثلاً أو 19
العميل : تمام.. طب دي المكنة، طب المكنة بقى اللي كنا عايزين نسأل عليها بتاعت الفوم اللي بتعمل الفوم دي بكام؟
المهندس منسي : لأ مكن الفوم دي مش تبعي
العميل : إنت تخصص فاكيوم بس
المهندس منسي : آه المكن التاني اللي هوه مكن الفاكيوم…
العميل :هوه حضرتك يا باشا هوه إحنا ممكن نيجي لحضرتك يعني نشوف الحاجة ديت على الطبيعة وكده؟
المهندس منسي : آه مافيش مشكلة تيجي تنورني
العميل : ربنا يخليك، هوه العنوان اللي على النت موجود ده؟
المهندس منسي : آه هبعتلك أنا العنوان في رسالة هتلاقي فيه تليفونات المبيعات تابع بقى مع 3 ـ4 تليفونات بتاعت المبيعات
العميل : أكلم حد فيهم يعني
المهندس منسي : آه كلمهم آه..
العميل : هيدلوني أكتر وآجي من خلالهم لحضرتك..
المهندس منسي : هوه يستحسن لو تيجي تتعايش مع الحاجة لايف لما تشوفها كده على الطبيعة أفضل
العميل : ما هو أنا بقول كده آه، إحنا نيجي آه مافيش مشكلة
المهندس منسي : ماشي يا غالي
العميل : طب ماشي ممكن حضرتك تديني التليفونات برده أكلمهم يدوني فكرة أكتر
المهندس منسي : إن شاء الله
العميل : والعنوان برده يا باشا بعد إذنك عشان لو حبينا نيجي نشوف
المهندس منسي : حاضر
العميل : اسم حضرتك يا باشا معلش؟
المهندس منسي : المهندس منسي معاك
العميل : ماشي يا باش مهندس ألف شكر
المهندس منسي : مع السلامة
