ماكينة فاكيوم تشكيل موديل 605 ماركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : كنت عايز أسأل على مكنة فاكيوم
المهندس منسي : آه
العميل : عندكم؟
المهندس منسي : إن شاء الله
العميل : طب هي المقاسات اللي موجودة عندكم أد إيه؟
المهندس منسي : هوه في نوعين من الفاكيوم، فاكيوم للتشكيل، وفاكيوم للتغليف، إنت عايز أنهي فيهم؟
العميل : أنا بعمل اسطمبات أشكال
المهندس منسي : آه نتكلم بقى أشكال ديت يبقى فاكيوم للتشكيل آه، ديت مقاس 50 × 60 تقريباً آه… 40 × 60
العميل : دي كهربا عادية حضرتك؟
المهندس منسي : آه
العميل : طب دي سعرها كام؟
المهندس منسي : ، يعني في حدود 18000 جنيه
العميل : ده سعر نهائي
المهندس منسي : آه إحنا أسعارنا نهائية آه
العميل : طب بالنسبة للخامات البلاستيك عند حضرتك؟
المهندس منسي : عندنا وعند أمة لا إله إلا الله، عند ناس كتير جداً
العميل : هي موجودة متوفرة يعني؟
المهندس منسي : متوفرة جامد
العميل : بيتباع بالرول يعني؟
المهندس منسي : آه
العميل : طب إنتم عندكم تسهيلات حضرتك ولا كله كاش؟
المهندس منسي : لا كاش إن شاء الله
العميل : طيب الواحد ممكن يجي يبص عليها ياخد فكرة ولا دي فيها مشكلة؟
المهندس منسي : لا تيجي تنورني في أي وقت
العميل : طيب أشكرك يا فندم، أنا عارف مكانك حضرتك أنا جيتلك قبل كده
المهندس منسي : آه تيجي تنورني
العميل : شكراً يا فندم، ألف شكر
