ماكينة فاكيوم حجرتين من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: معاك الحاج عطا من السودان
المهندس منسى: أهلاً بيك
العميل: أنا والله قريت على النت إنتم شركة بتصنعوا ماكينات تغليف البلح بالفاكيوم
المهندس منسى: آه
العميل: يعني قريت في الويب سايد حجكم، كذلك ولا..
المهندس منسى: مضبوط آه
العميل: طيب إحنا حقيقة من الشمال يعني جنبكم مجاورين لمصر يعني، وبنعبي التمر عبوات كبيرة بعد ما ينشف،بيحطوا في الشمس ياخد أد شهر، وبعدين بيروح يعبوا في شوالات من الخيش
المهندس منسى: آه
العميل: إذا تعرض إلى أي رطوبة يقوم يحصلوا، يلم سوس يعني بيضرب يعني
المهندس منسى: آه
العميل: فإحنا عازين مكنة نعبيه، بعد يقطعوا يخلوا على الشمس فترة نقوم نعبيه على عبوات كبيرة في عبوات فاكيوم مثلاً 25-50 كيلو حاجة زي دي، مش عبوات صغيرة،بعدين ما أريد سيلكشن،فرد بس كل اللي يحصل ما يدخل عليه حشرات يعمله سوس أو كده
المهندس منسى: مضبوط آه
العميل: يعني ينفع؟
المهندس منسى: ماشي مافيش مشكلة،هوه في مكنة عندنا ممكن تعملك لغاية 20-25 كيلو
العميل: أيوه
المهندس منسى: المكنة دي سعرها في حدود
العميل: يعني بتعبي على 25 كيلو
المهندس منسى: آه عادي آه، وممكن تحط فيها 25 كيلو
العميل: طب سرعتها كام في الساعة؟
المهندس منسى: هي عملية كام في الساعة ديت بتتحدد بناء على اللي واقف عليها، هي فيها 4 وينج، إنت كل اللي عليك لاحق عليها، 4 وينج يعني 4 سايد، 4 جناب، يعني تديلها الجنب ده تسيبها تفكيم في الجنب ده وتروح تفكيم في الجنب التاني… وهكذا،لاحق إنت عليها بس
العميل: طيب أنا يعني لو ممكن أديلك الإيميل بتاعي أو الواتس آب، الواتس آب أسهل من الإيميل
المهندس منسى: هوه أسهل ولكن في المراسلات التجارية ما ينفعش، في المراسلات التجارية على أد كلمة سلام، إنما صعب عليا أحط مواصفات وأكتب مش عارف إيه وأحط إيه… بتبقى العملية صعبة شويه
العميل: ما في مشكلة، إنت عايزني أبعت الإيميل ولا الواتس آب؟
المهندس منسى: مش تبعت الإيميل، ابعت طلب استفسار على الإيميل
العميل: أنا عايز أقل حاجة من 5-10 طن في اليوم يعني، حتى لو هنشتري مكنتين 3 يعني ما عندي مشكلة
المهندس منسى: لا ما تقلقش خالص، ده ممكن تعملهم لك في ساعتين
العميل: يا ريت يعني ترسلي على الإيميل الصور بتاعتها وكده، وأنا عندي مندوب موجود معاك في مصر وكده أخليه يروح عليكم يعني
المهندس منسى: هوه إنت لو دخلت الموقع بتاعنا هتلاقيها رقمها 603، رقم الموديل بتاعها 603
العميل: 603 ماركة المهندس منسي
المهندس منسى: طيب حبيبي أنا إن شاء الله بديك الإيميل وحول الصور،ابعت طلب على الإيميل، لأنه حضرتك إحنا بيجلنا استفسارات كتيرة قوي، فلو كل واحد بعتلي الإيميل أنا هنسى ده بتاع إيه
العميل: لا يا أخي ما عندي مشكلة، أبعتلك طلب على الإيميل
المهندس منسى: آه.. طلب استفسار على الإيميل اكتب فيه كل اللي حضرتك عايزه
العميل: حاضر، إنتم الإيميل بتاعكم…
المهندس منسى: آه هوه الإيميل بتاعنا إنفو آت إم تو باك دوت كوم
العميل: مليني إياه لو سمحت
المهندس منسى: هيبقى صعب عليا إن أنا أقولك آي إن إف أوه… كل اللي عليك اكتب بس على…
العميل: طب يا أخي يا حبيبي في تليفوني ده أرسلي رسالة إس إم إس للإيميل حاجك
المهندس منسى: حاضر
العميل: إحنا بنشتري مننا المصرية للدواجن بفضل الله، عندي شقة في المهندسين جنبكم، يعني مصري يعني
المهندس منسى: ما استفسار ساكت يعني، أنا باجي أشتري، لو الحاجة عجبتني والله بشتري
العميل: إن شاء الله،وهرسلك أنا مصري وزيك يعني…
المهندس منسى: مش فارقة معايا إحنا كلنا عرب
العميل: طب ليه إنت منزعج يعني، ابعتلي الإيميل على إس إم إس على التليفون بتاعي ده
المهندس منسى: إن شاء الله
العميل: الله يديك العافية،رمضان كريم يا أخي
